طيب وبتتزود بمياه عادية ولا بيكون معايا زيادة منها علشان ازود بيها مع الوقت ؟
النوع الموجود فى الصوره ابو 120 جم >>
المفروض بيتزود ميه مقطره ( موش ميه عاديه .. و موش ميه تكييف )
و المفروض كمان تشوف نسبه الخلط عندك فى الكتالوج كام ؟؟ يعنى مثلا لو 50\50 .. يبقى كل لتر انتى فريز تحط معاه لتر ميه .. و لو 33 \67 يبقى كل لتر انتى فريز تحط عليه 2 لتر ميه
و خليك احسن فى ميه موبيل و هى مخلوطه بالميه و جاهزه للاستخدام .. لان انت ما تعرفش الانتى فريز ده مناسب لعربيتك ام لا .. لان الميه الملونه انواع ( لا اقصد الماركه) و يجب اختيار انواع المناسب لعربيتك
شوف كتالوج عربيتك طالب ايه و اختار نوع ميه موبيل المناسبه لعربيتك .. و الاحتمال الاكبر انها تكون الميه الخضرا لموبيل
يعنى المروحه تقريبا عند ال 90 ( او اقل بحاجه بسيطه ) بصوره مستمره معظم الوقتاقتباس:
حابب اسأل عن حرارة العربية هل طبيعي انها تفضل تزيد طول ما المروحة مش شغالة لغاية ما توصل لـ ٩٠ تقريبا وبعدين تشتغل المروحة فتنزل، وهكذا باستمرار ؟
لو هو ده الوضع عندك .. يبقى طبيعى .. و ثرموستات الكوع راكب و شغال
النوع ده ممتاز جدا ولونه ازرق وبخففه بماء ودى نسب التخفيف فى الصوره وهو فعلا من تركيزه زيت
ملف مرفق 15730
معظم الاوروبى فبريكا حساس تشغيل المروحه 88 تقريبا وفى حجات فوق ال90 لاكن فى مصر منتشر تستخدم حساس اقل عشان متوصلش العربيه لمرحله خطره وناس تستخدم 78 و68
انا شخصيا افضل 68 مع ترموستات كوعه بحيث يفضل الرداتير بارد باستمرار ومستعد للتبريد عند فتح ترموستات الكوعه
شكراً للتوضيح
ده هو اللى مكتوب فى الداتا شيت بتاعهااقتباس:
و خليك احسن فى ميه موبيل و هى مخلوطه بالميه و جاهزه للاستخدام .. لان انت ما تعرفش الانتى فريز ده مناسب لعربيتك ام لا .. لان الميه الملونه انواع ( لا اقصد الماركه) و يجب اختيار انواع المناسب لعربيتك
شوف كتالوج عربيتك طالب ايه و اختار نوع ميه موبيل المناسبه لعربيتك .. و الاحتمال الاكبر انها تكون الميه الخضرا لموبيل
ميه موبيل الخضرا .. مناسبه لسيارات اوبل حتى عام 2000
بما انك متعمق فى موضوع سوائل التبريد جبت رقم المنتج ووصلت للينك الشركه http://igat.ag/en/products/antifreeze/antifreeze-coolant/platin-antifreeze/
ياريت اعرف رايك فى المكونات (الانفورميشن اللى فيها GB دى لغه انجليزيه)والاحمر منه ب250 جنيه رقم كبير
بعد تصفح سريع للشركه و منتجات سوائل التبريد يتضح الاتى :
- شركه المانيه لتصميم و خلط الاضافات .. حديثه التكوين عام 2002 .. قام بتأسيسها مجموعه من اخصائى خلط و تصميم الزيوت
- سوائل التبريد يتم تصنيفها طبقا لتصنيف فولكس واجن لسوائل التبريد ( يعنى التصنيفات التى تبدأ بحرف G )
- لايوجد ذكر لمده استخدام سائل التبريد .. سواء العادى .. او ال long Life .. دى غريبه طبعا
- لاحظ ان الصور للمنتجات موش كلها موجوده .. بعض سوائل التبريد لها صوره للمنتج و البعض الاخر لا يوجد صوره
للتوضيح :
IAT هو لبيان ان مواد الحمايه غير عضويه .. اقدم الانواع .. يناسب دورات التبريد القديمه نسبيا ( سيارات التسعينيات ) .. و الراديتير النحاس و لحامات الرصاص
OAT هو لبيان ان مواد الحمايه عضويه .. مناسب اكثر للمواتير الالومنيوم .. و قد لا يناسب دورات التبريد القديمه نسبيا و النحاس و الرصاص
HOAT هو لبيان ان مواد الحمايه هى خليط بين للنوعين السابقين ( عضويه و غير عضويه )
- يوجد 5 انواع انتى فريز مركز .. و 3 انواع مخلوطه جاهزه بالماء
رابط
Antifreeze coolant | IGAT
- اول 3 باعلى الصفحه هم long Life و منهم العلبه الحمرا ( رقم 3 فى الصفحه ) .. الانتى فريز ال long Life بيكون اغلى طبعا لان اضافاته اكتر ( الاضافات تشكل معظم تكلفه الانتى فريز )
AN 13 .. ده هو G13 طبقا لتصنيف فولكس واجن .. و يكافئ HOAT و لكن بيكون فى تكوينه جلسرين و صديق للبيئه .. خالى من الفوسفات و يوجد به سيليكات .. long Life
AN 12++ .. ده هو G12++ طبقا لتصنيف فولكس واجن .. و يكافئ HOAT .. خالى من الفوسفات و يوجد به سيليكات.. long Life
AN 12+ .. ده هو G12+ طبقا لتصنيف فولكس واجن .. و يكافئ OAT .. خالى من الفوسفات و خالى من السيليكات ايضا .. long Life
- النوعين رقم 4 و 5 هم PLATIN ANTIFREEZE AN و PLATIN ANTIFREEZE .. هم G11 طبقا لتصنيف فولكس واجن .. و يكافئوا IAT .. خالى من الفوسفات و يوجد به سيليكات
الفروقات بين النوعين موش واضحه .. يعنى حتكون فروقات بسيطه جدا فى
-- درجه الغليان و ال PH لصالح PLATIN ANTIFREEZE
-- موافقه واضحه لفولكس لصالح PLATIN ANTIFREEZE AN .. مقابل ذكر اته يوفى بمواصفه فولكس ل PLATIN ANTIFREEZE
الرابط اللى انت وضعته كان لنوع PLATIN ANTIFREEZE
المعلومات المذكوره مختصره و ناقصه احيانا .. زى مثلا عدم ذكر فتره سائل التبريد سواء العاديه او المطوله
سائل تبريد يتبع الاسلوب الاوروبى بمنع الفوسفات .. و هو ليس الامثل للسيارات اليابانيه
ميه موبيل ايضا تتبع الاسلوب الاوروبى