الموضوع: كورولا و لا سيفيك ولا سيتي ولا صني ولا rb ولا سيراتو ولا كارينز

بعد السلام عليكم ورحمة الله وبركاته
شكرا لوقتكم ونصائحكم مقدماً
أنا قررت أبعد عن العربيات الالماني والفرنساوي رغم مميزاتهم اللي عارفهم وطبعا الصيني
بس أنا حابب أركب ياباني أو كوري وفي نفس الوقت اختار عربية محترمة
وجعت دماغ ناس كتير بسبب اني فكرت في الميجان والبروتون بس مش مرتاح لا ل دي ولا دي

أخيرا قررت اني ازود المبلغ المرصود لشراء سيارة مستعملة حتى ال 170 : 180 ألف جنيه
ومن خلال احتياجاتي أرجو من كل مشارك انه يقارن من خلال البنود التالية للوصول لأفضل سيارة من السيارات الاتوماتيك المطروحة في المقارنة

1 - صالون واسع وكبير خصوصا ً الكنبة.
2- توافر وسائل الأمان زي فرامل abs ووسائد هوائية.
3 - استهلاك البنزين.
4- مصاريف تشغيلها (الصيانة وقطع الغيار) ...... والمشاكل القليلة
5 - توافر قطع الغيار.
6- كماليات داخلية تخلي الواحد مبسوط مش حاسس انه راكب برضه نوبيرا

ففكرت في بعض الموديلات من خلال مواقع بيع السيارات وهي ياباني وكوري فقط
وأرجو إن الاختيار يكون من خلال العربيات المطروحة لأان في عربيات تانية في رنج السعر بس انا استبعدتها رغم انها كوري او ياباني
ومحتاج مشورة من الخبراء في العربيات اللي بأفكر فيها وهي :

1 - تويوتا كورولا موديل 2008 : 2009
2 - هوندا سيفيك موديل 2008
3 - هوندا سيتي موديل 2009 : 2010
4 - نيسان صني موديل 2012 : 2015
5 - هيونداي أكسنت RB موديل 2011 : 2012
6 - كيا سيراتو موديل 2010 : 2011
7 - كيا كارينز موديل 2010 : 2011

وشكرا لوقتكم الثمين وجزاكم الله خيرا

الف شكر على المشاركة سعادة الباشا

المشاركة الأصلية كتبت بواسطة salam100100

الترتيب اللى حضرتك مرتب بيه العربيات ترتيب الى حد كبير جدا صح
يمكن السيراتو مكانها قبل الاكسنت

والكورولا تكسب