طب معلش ياباشا الكاسيت دا جبتو بكام و عامل ايه معاك ؟؟؟
عرض للطباعة
طب معلش ياباشا الكاسيت دا جبتو بكام و عامل ايه معاك ؟؟؟
اسلام باشا أبو النجا - ابن بلدي المنصورة - ازيك و أخبار الجيتا معاك ايه؟.
بص يا سيدي ، بالنسبة لل multimedia unit فهي من انتاج شركة تايواني اسمها zenec و دي بتصنع وحدات كاملة لسيارة بنوعها و حاليا البداية بالفولكس المبني على شاسيه و مكونات الجيل الخامس الحالي MKV و منها الجيتا و الايوس و الأوكتافيا A5. الوحدة دي حاصلة على شهادة الأيزو للجودة و طبعا انت عارف ان أي منتج علشان يبيع في السوق الأوروبي لازم يكون بجودة عالية. اللينك الحالي هو الموقع على النت : Zenec - Touch another World : Startseite. و الموديل الخاص بالجيتا اسمه MC-2000 و سعره الحالي 700 يورو في ألمانيا و للأكتافيا A5 اسمه MC-5600 و سعره 800 يورو. الأسعار دي لا تشمل وحدة النافيجيشن و تباع منفصلة بسعر 300 يورو و لكن لم اشتريها حاليا لعدم وجود خرائط كافية لمصر.
بالنسبة لأداء الوحدة دي ، هي هايلة وجودة الشاشة رائعة جدا - غير الوحدات الصيني خالص- و تركيبها سهل بدون أية أسلاك أو تقطيع بتشيل الكاسيت الأصلي و تركب الوحدة دي بسهولة جدا.
عيوب الوحدة دي من وجهة نظري :
1- استقبال الراديو أقل من الكاسيت الأصلي بسبب وجود تيونر واحد فقط مع ZENEC بينما الأصلي به 2 تيونر. ( الايريال في الجيتا بالزجاج الخلفي و زجاج الباب الخلفي يمين لعدم وجود ايريال سقف).
2- البلوتوث شغال كويس جدا كمكالمات دون مسك الموبيل و المكالمة على سماعات العربية كلها لأي نوع موبيل به بلوتوث و لكن الأسماء المخزنة و المكالمات الفعلية لا تظهر الا مع موديلات معينة من الموبايلات و بالانجليزية فقط. لا يدعم العربية. و لكم مش كارثة يعني الموضوع ده.
بدئا من 1-10-2009 ، في موديل أحدث نزل من الموديل بتاعي اسمه NC-2010 هاتلاقيه على الموقع و هو تحفة و نظام التشغيل مبني على WINDOWS وكله جرافيك و البلوتوث يونيت أصبحت PARROT و شامل النافيجيشن بيلت ان و لكن يا حلو بكام 1200 يورو.
الأسعار أعلاه مقارنة مع اليونيت الأصلية VW اللي بتتباع للعربية بالبلوتوث و النافيجيشن لا تقل عن 10-12 ألف جنيه مستعملة لأن الجديد الأصلي من فولكس بدون بلوتوث ب 2300 يورو. الأسعار دي لا تشمل الجمارك طبعا و ممكن تعدي في شنطتك لو جاي من أوروربا في اي سفرية.
أخيرا ، لو حبيت تشوف اليونيت دي على الطبيعة تحت أمرك يا اسلام و موبايلي سوف أرسله لك على الخاص.
خالص احترامي للجميع.
محمد
السعر غالى جدا كده للوحده التايوانى او صينى مش هتفرق لانها من غير GPS , و تيونر واحد (مخرج واحد للايريال)و كمان هتلاقى صوت البلوتوث واطى لان مالوش مايك خارجى (اللى بيكلمك هيسمع الصوت واطى) , كمان بالنسبه لل GPS ده بيشتغل بالوندوز موبيل 5 يعنى بيركب عليه IGO وده ليه خرايط لمصر وده الميزه الوحيده اللى تخلينى اجيب جهاز زى كده
انا راسلت شركه فى الصين وفيها جهاز اخو الجهاز ده نفس البودى ونفس نظام التشغيل وناس كتير بتشكر فيه فى منتديات استراليا و اوروبا للفولكس وكان تمنه قبل الشحن 600 دولار و اجلت شويه وفيه كل حاجه 2 تيونر و مايك خارجى و جى بى اس و مخارج USB , Ipod و كروت ذاكره(حتى 32 جيجا) و كمان ال يو اس بى متطور 2 بيقبل ميمورى بسعات عاليه وممكن كمان هارد خارجى
و لينا اخ عزيز فى المنتدى كلمنى على ال RNS 510 بتكلفه لن تزيد على 1200 يورو شامل التركيب و الجمارك وفيه كل حاجه اصلى
Blutooth Control Unit + Microphone
TV Free Link
Multi Media Adapter Interface
GPS Antenna
Security Code
فأنا لو هطلع لل أرقام العاليه دى يبقى اجيب الاصلى واريح دماغى :U_thin1[1]:
سيف باشا ازيك,
الوحدة ال zenec عندي معاها مايك خارجي للبلوتوث و مخرج لتوصيل tv و اخوك ضايف لها كاميرا خلفية و 2 شاشة 7" على مساند الرأس الأمامية.
لو عايز رأي شخصي من أخوك, بلاش الصيني خالص. ممكن تجيب الوحدة الجديدة من زينيك nc-2010 ب 1200 يورو و فيها كل حاجة عدا ال tv
برضه فكرة شراء rns-510 مستعمل ب 1200 يورو شامل البلوتوث فكرة كويسة جدا بس ينقصه بعض الوظائف عن zenec nc-2010.
لو حبيت تشوف اليونيت عندي ، انا ساكن في مدينة نصر - مكرم عبيد و سوف ارسل لك رقم الموبيل على الخاص لنتقابل اذا حبيت و نسمع من بعض و فرصة اشوف الباسات ال tsi يا سيدي.
خالص احترامي
محمد
انا كمان عندى الشاشة تاتش سكرين بس ناقصة حاجات
زى GPS AND DVD انا العربية الى معايا انتاج 6 2009 فا انا عاوز اعرف الدنيا فيها اية لانى ممكن ادام شوية اغير الكاسيت بتاع العربية بواحد تانى عشان اشغل علية GPS لانى حاسس ان الشاشة عندى قليلة على الامكانيات مع العلم انا عندى الشاشة الى ب 3 زراير على كل جمب وهى MEDIA - PHONE - RADIO - TIM - TP - SETUP والله اعلم دى اقل فئة فى التاتش سكرين فا افيدونى افادكم الله ولو حد عندة الشاشة الكاملة ياريت :ask:يرفع صورها واسف على الاطالة:ask:
الف شكر ياباشا ....انا مش عارف كدا ايه الاحسن ؟ اصل الاصلى غالى اوى ....طب و الصينى دا ايه نظامو ؟؟؟ و ايه احسن فى كل دول ؟؟
[QUOTE=SAiF3S;3872097478]الف مبروك عليك يا أستاذ محمد وانت عندك نفس التفكير لانى كنت عاوز اركب الشاشات و الكاميرا , لكن الكاميرا بتاعه الباسات الاورجينال لاعبه فى دماغى اوى (وووهمممممم)
طبعا انا يا الشرف بمقابلتك والتعرف عليك قبل الجهاز :w6266d
تحياتى لك
عصام باشا
أولا : أنا آسف لاسم سيف بدلا من عصام
ثانيا : الكاميرا بتاعة الباسات الأورجينال تحفة طبعا لأنها بتربط مع الفتيس عند النقلة الخلفية بواسطة CAN BUS و علامة الفولكس الخلفية كلها بتتحرك للداخل بزاوية 30 درجة تقريبا و بعدين العلامة كلها ترجع مكانها . تحفة بس مشكلتها الوحيدة موضوع سرقة العلامات يا زعيم.
خالص احترامي.
محمد
كنت عاوز أسأل على كام حاجة
1- ا/عصام لو سمحت هو الكاسيت اللي إنت جبته بيشتغل مع الباركنج سنسر؟(أنا عندي الأصلي بيجيب شكل العربية و المسافة من قدام و ورا (
2 - أنا كلمت جابر عبد الشهيد وقالي إني ممكن ابدلو بالكاست اللي في تاتش سكرين وادفع 4 الف فرق الكلام ده صح
وشكرا لكل اللي بيحاول يساعد :)