سلام عليكم
فى البداية انا لسه جديد هنا بس واضح ان المكان هنا فعال من الاعضاء
ثانيا
انا واصل لمرحلة كبيرة من الاكتئاب الفترة دى فا حبيت استشيركوا يمكن حد يقدر يفيدنى
انا اتخرجت و روحت عملت تأجيل من الجيش لان والدى معدى ال60 سنة و اخويا كان بيدرس وقتها
حاليا اخويا خلص دراسة و هيدخل هو الجيش خلاص داخل الاسبوع الجاى دة ان شاء الله
انا حاليا 27 سنة و و على ما اخويا يخلص جيشه هكون حوالى 28 سنة و نص تقريبا ان شاء الله
ساعتها هضطر انا الى ادخل الجيش و هتضيع سنة و شوية منى ولما هخلص هبقى 30 سنة
و فرصة الشغل هتكون اصعب
مفيش اى حل لموضوعى دة ؟
هل اقدر اشتغل بشهادة التأجيل الى معايا بتاعت عائل الاسرة حتى لما اخويا اتخرج و راح الجيش ؟
طب لو مروحتش السنة و نص دول لحد ما ابقى 30 سنة هقدر اشتغل ؟؟
حد ليه حل لمشكلتى او نصيحة ؟
لانى فعلا حزين و مكتئب جدا
شكرا و اسف انى بوجع دماغكوا