http://http://www.postimage.org/image.php?v=PqdBtD0هى دى الصورة
عرض للطباعة
هوا ده الموضوع اللي انت تقصده ياباشا http://www.nilemotors.net/Nile/showthread.php?t=168
وعلي فكره ياجماعه العربيه دي جامده مووت وانا حاليا بدور علي واحده نضيفه عشان اشتريها ادعولي
بص ياباشا انا هقولك ع الحل اللي الي هيخلي العربيه تجري وللأمانه الكلام ده مش كلامي ده كلام الباشمهندس سبعاوي وكان كاتبه لزميل في كونتاكت كارز عنده نفس مشكلتك
علشان نكون متفقين من الاول السحب هياكل بنزين، فا انت تختار يا دى يا دى
1- اولا انا مفترض ان موتورك كبسه كويس، لو مش كويس يبقى اللى هافولهولك كله مالوش لازمة ولازم عمرة الاول، وبرضه مفترض ان الفتيس والكورونا حالتهم سليمة ومافيهمش اصوات غريبة
2- الكاربراتير لازم يكون حالته A1، لو الكاربراتير سليم هاتله طقم بيكات اوسع، يعنى مثلا زود 10 على رقم كل بيك ، يعنى مثلا لو البيكات اللى راكبة 150 هات 160 وهكذا، والكاربراتير يتنضف باسبراى من نوع جيد(جانك junk او سناب snap)، لو الكاربراتير حالته مش اد كدا هاتحتاج كاربراتير
3- استعمل بوجهيات 3 شمعة (شامبيون او NJK) ويفضل الشامبيون، ولازم يكون اصلىىىىىىىىىىىىىىىىىىىىىى ىىىىى، وابعد عن البوش لأن المضروب منه كتير جدا فى السوق
4- الكاوتش لازم يكون بحالة ممتازة ومنفوخ على الضغط الصحيح مش اقل، ومايكونش عريض عن مقاسها الصح
5- راجع ضبط التاكيهات(الأطباق): ضيط التاكيهات يتم والعربية باردة، واثناء ظبط التاكيها ت خلى الفنى يبصلك على كل ركب عمودين الكامة، لو فيه عمود كامة متاكل غيره
6-راجع ضبط سير الكاتينة
7- لازم الشكمان يكون حالتهA1، راجع العلب وإطمن ان مافيش علب منفسة او لحامات مخرومة، ال132 مشهورة ان فرن الشكمان بتاعها والجوان بتاعه بيضرب، راجعهم كويس
8- تاكد من حالة الرادياتير وان العربية مش بتسخن بشكل مبالغ فيه، ولو الرادياتير عاوز تنضيف نضفه ولو حالته سيئة غيره،
9-لازم تكون الفلاتر كلها جديدة(هواء ، بنزين ، زيت)
10-لا تستعمل الزيت العادة ، استعمل زيت سوبر، مويبل XHP او شل helex او توتال كوارترز 5000 ،او حتى مصر للبترول 10000، لو الزيت السوبر لما بتحطه فى عربيتك بينقص يبقى موتورك محتاج عمرة الاول علشان يسحب اكتر من كدة
11-لو العربية متركب فيها اى سبويلرات شيلها ، لأن السبويلرات اللى بتركب للعربيات القديمة دى كلها شغل بلدى ولا فائدة لها سوى المنظر وبتعوق حركة الهواء، ولو متركب لها شبكة سقف شيلها، اى زوائد طالعة من العربية شيلها
12-بعد ما تعمل الكلام دا كله أصحى بدرى الساعة اربعة وانزل خد العربية مشوار رايح جاى العين السخنة وزود للعربية بالتدريج بدون عافية وكل ما تجرى معاك زودلها تانى لحد ما تفتح معاك، ولو محتاج تكرر المشوار كرره
نصيحة اخيرة، فى التأنى السلامة، علشان انا معنديش استعداد اشيل ذنوب لازم اقوللك اللى ليك واللى عليك، 132 شكل ال2000 رغم ثقل وزنها خفيفة جدا على الأرض فى السرعات العالية لأنها عالية عن الأرض والعفشة الخلفية بتاعتها مافيهاش الشداد اللى بالعرض زى ال131 والشاهين واللادا، علشان كدة انا لا انصح اطلاقا انك تجرى بيها فوق ال120، انت ممكن تعمل اللى انا قلته دا علشان تحسن قدرتها على السحب والتسارع، لكن لا داعى نهائى انك تجرى بيها فوق 120
ايوه ياباشا هو ده الموضوع موضوغ جميل بصراحه وبصراحه الراجل فاهم حجات كتيره فعلا عن العربيه بس ياباشا على فكره بنسبه لليجيب بيها فوق 120 ال 131 والشاهين طبعا فيهم عيب عند السرعه الدركسيون بيخف اوى وده عيب مشهور وانا مشى 140 وسعات 160 بس العربيه لغاية 140 ثابته ومش بيقل ثبتها بعد 120 بس برده ميه ميه انك قولتلو يخلى بالو فعلا ويعمل كده علشان بيظبط السحب لكن ميجريش بيها
معلش يا رجالة على الصور اللى موش ظاهرة ابس انا قصدى اسال سوال معين بوضحة بالصور وهو لو وطيت العربية بالشكل اللى حيبان بالصور إن شاء الله اية الاضرار اللى ممكن تحصل هل فى اى اثر سلبى على العربية ولا عادى مجرد الحكة ارجوا الافادة لانى ناوى اوطيها من ورا كدة هل دة غلط على العفشة وعلى الشاسية ولا عادى ؟؟؟؟؟؟؟؟ [img]http://i405.photobucket.com/albums/p...0d473f3cd7.jpg[/img]
http://www.streetschaos.com/Gallery/...s/P1020431.jpg
http://www.streetschaos.com/Gallery/...s/P1020432.jpg
http://www.streetschaos.com/Gallery/...s/P1020434.jpg
http://www.streetschaos.com/Gallery/...s/P1020437.jpg
اية يا جماعة محدش عندة فكرة عن الاثار الجانبية او الاضرار اللى ممكن تحصل للعربية لو وطيتها زى الصور اللى فوق لانى ناوى ازطى العربية وموش عارف اية اللى ممكن يحصل لو وطيتها انا فى واح قلى انة غلط على الشاسية ؟؟؟
ايه الموضوع الجميل ده
132 اول عربية اركبها فى حياتى كان عندى موديل 1975 وكنت شاريها من واحد صاحبى
كانت بيضاء 1600 سى سى وكان مسميها الوحش الكاسر وانتقلت مع بنفس الاسم وهى فعلا وحش كاسر العربية اداء ولا اروع من كده قوة ومتانة واسد الطريق فعلا
عيبها الوحيد استهلاك البنزين العالى وزيارات المكانيكى المتكررة والعيب مش فيها انما فى قطع الغيار الرديئة
اتعلمت فيها الميكانيكا والكهرباء والسمكرة والدكو وحتى السروجى .... هاهاهاهاها
وكنت امشى بها ولا اهاب الطرق المكسرة ولا العربيات التى تحدف عليا مش بقلوكم واحش كاسر
ظلت معى اربع سنوات كاملة استمتعت بيها وطلعت عنيا كتير برضه بس مازلت احبها وياريت كنت امتلكت هذه السيارة من الزيرو اكيد ماكنتش ها اغيرها.
لما جيت انقل ملفها من مرور صاحب السيارة اللى اشتريتها منه الى المرور التابع ليه عنوان سكنى ادونى الملف بنفسى وقاعدت اشوف ملكها السابقين من سنة 1975 الى سنة 2000 كان امتلكها 20 فرد الدكتور والمهندس والمدرس والجزار..... الخ ياه خدمة كل دول.... وخدمتنى وخدمة اللى اشترها منى .... والله اصيلة وبيبان عليها الشد والرعاية ..... بس هى كده سنة الحياة .... مع السلامة يا 132 كانت لى معك احلى الاوقات :k10:
انا موطي عربيتي من الخلف.
بيكون شكلها اشيك.
بس المشكلة لما يكون معاك وزن تقيل ورا. بتحف في الكارونة.