الموضوع: ريداتير البستاني

صراحة اول مرة اسمع عنه البستاني ده و انا كمان مليش خبرة كبيرة في الرادياتيرات مكدبش عليك بس ليه حجمه اصغر من التاني حاول تروح عند حد تاني او ميكانيكي بتثق فيه و تسأله و انتظر بقية الردود من الزملاء يمكن حد يفيدك.

انا عندي رادياتير البستاني لفيات 127 ومركبه من حوالي 5 شهور و كويس مش حاسس بمشكلة فيه........
بالنسبة لدرجة الحرارة كانت بتوصل لكام مع الرادياتير القديم بتاعك لما كان سليم ؟
مع ملاحظة ان العربيات الفيات درجة حرارة الموتور في مشوار محترم في وسط البلد بيبقي في حدود الدرجة اللي انت قلت عليها ممكن اقل منها سنة صغيرة بس ....
يعني انا عندي في الفيات 127 المؤشر بيبقي في النصف بين ال50 و ال90 يعني حوالي 70 درجة ودي درجة الحرارة اللي انا متعود عليها في ال127 لاني كان عندي 127 قبل كده و كل زملائي اللي جربوا الفيات عموما بيقولولي ان دي درجة حرارة معقولة..... اتمني ان اكون افدتك

بالنسبة لسعر الرادياتير اعتقد انه سعر معقول لاني لما اشتريت الرادياتير بتاعي عطيت الرادياتير القديم للصنايعي و اخدت الجديد ودفعت فرق 220 جنيه لرادياتير فيات 127 الكلام ده من 5 شهور تقريبا ...... وطبعا الرادياتير الخاص بعربيتك اكيد اكبر شوية ........
بالنسبة لموضوع درجة الحرارة فدرجة الحرارة عندك مش عالية جامد ممكن تكون اعلي من المعدل الطبيعي بحاجة صغيرة بس........ وعلشان تحصل علي احسن تبريد لازم يكون الصنايعي عمل تنضيف لدورة مياه التبريد و يحط مياه خضراء لزيادة كفاءة التبريد و كمان علشان ما يحصلش صدا في الرادياتير الجديد .... لو الصنايعي ما عملش كده يبقي لازم تروحله علشان يعمل الموضوع ده ........ وكمان جيب اسبراي اسود وخلي الصنايعي يرشلك الرادياتير ....... وافحص مستوي المياه في الرادياتير الجديد علشان ممكن يكون فيه تسريب للمياه من اي حتة بسبب عيب في لحام السربنتينة بالعلب او يكون غطاء الرادياتير بيسرب و انت مش واخد بالك........

ياعم احمد ربنا على ال75 عندي في الشاهين على طول 90 وبتزيد شوية بتوصل ل95 وكان عندي عيب في الكابل الارضي كان بيخلي الامبير يعلى شوية وغيرت الردياتير وتقريبا نفس ملابساتك كده في البيع بس بعد ما ركبته حسيت ان المكيف كفائته زادت جدا وفي عز الحر بقى يبرد كويس لكن لاحظت كمان اني في الطريق السريع الحرارة في الردياتير الاصلي بتاعها كانت الحرارة بتنزل وانا بجري لكن الجديد الحرارة بتنزل شوية صغيرين جدا وحاسس ان المروحة بتاعة الردياتير بقت تشتغل فترات اطول بكتير من الاول مع العلم انه 3 ماسورة والمفروض انه نحاس بس سالت في الشركة قالي تعرف انه كويس ولا لأ بانك تحاول تحرك الريش اللى في الردياتير لتحت او فوق لو لقيتها بتتحرك بسهوله يبقى نوعه وحش لو لقيته جامد شوية يبقى نص ونص لكن لو تمام هتلاقيها بتتحرك ببطء شديد

بس عموما جرب اطلع على طريق سريع وامشي حوالي نص ساعة لو لقيت الحرارة نزلت عن معدلها الطبيعي اقرص شوية عليها لو فضلت زي ما هي يبقى متقلقش لكن لو لقيت الحرارة مع القرض بتعلي يبقى وحش وحاول تغيره بس نصيحتي حتى لو طلع وحش متغيرهوش لان مواتير الفيات الحرارة الطبيعيه ليها من 90-95 زي عندي في الشاهين فمتقلقش عليه وان شاء الله خير وكل سنة وكل اعضاء نايل موتورز بخير