مشكلة مجنناني و محتاج مساعدتكم و رأيكم فيها ....

معايا سيراتو 2009 و فيها طارة مالتي متعلقة بالكاسيت بس يعني اعلى و اوطي منها و الكلام ده ...

مشكلتي بقى انها بقت بتعلق و بعد كده باظت خالص و لازم عشان اشغلها اني ألف الطارة ناحية الشمال لو ناحية اليمين متشتغلش و لو الطارة فى النص برده متشتغلش ... يعني لو انا باخد ملف ناحية الشمال و دوست على اى زرار منهم تشتغل انما لو سايق على طريق مستقيم متشتغلش ...

و اللي مجنني اكتر اني مثلا لو عليت الكاسيت من الطارة يوطي مثلا ( بيهيس ) ...

الكاسيت لوحده شغال كويس .. المشكلة فى زراير الطارة بس

مع العلم .. الكلاكس شغال كويس جدا جدا و لمبة الايرباج مش منورة ... يعني بعد ما ادور العربية و العربية تخلص عمل فحص لكل حاجة .. كل حاجة بتشتغل عادي جدا و مفيش اى لمبة بتفضل منورة فى التابلوه ...

انا كنت شاكك انه كابل الايرباج .. بس اللي مخليني مطمن شوية ان كل حاجة شغالة الا زراير المالتي بس ... لو حتى كانت المشكلة فيه فياريت اعرف سعره كام تقريبا و اغيره فين ...

فكده ممكن يكون العيب فين !!! عشان مش عايز الموضوع يكبر مني و يكون الموضوع حاجة عبيطة ...

و ألف مليووووون شكر ليكوا يا رجالة