الموضوع: مساعده ونصيحة فى شراء سيارة مستعمله

السلام عليكم
انا ناوى اجيب عربيه ان شاء الله انا اول مره فى حياتى هجيب عربيه ومعنديش اى خبره فى العربيات اوصيانتها وبسمع كتير من كتر ما لفيت مواعيد صيانه وزيوت وتغييرات بتتعمل فى مواعد وانا طبعا مش فاهم اى حاجة محتاح حد يفيدنى ويفهمنى واحده واحده الاساسيات اللى المفروض اعرفها عشان ابقى فاهم ... تانى حاجة انا اهم حاجة عندى فى اى عربيه عايز اركبها السحب والتسارع خصوصا فى الطالعه ان العربيه يكون سحبها جامد وبتجيب سرعات عاليه فى وقت قصير وسرعه استجابه العربيه تكون عاليه جدا تانى حاجة ثبات العربيه عايز عربيه ثابته فى السرعات والملفات راسيه كده على الطريق تالت حاجة وده من اللى سمعته ان يكون قطع غيارها رخيصه او متوسطه وطبعا خضراتكوا هتفهمونى كل حاجة عن العربيات وازاى اهتم بها فان شاء الله مش هحتاج قطع غيار كثير انا كنت ناوى اجيب تويوتا كورولا ٢٠١٠ الجنوب افريقى لكن طبعا عرفت ان فيها مشاكل فى الفتيس كتير انا عايز نصيحتكوا كمان فى نوع العربيه والناس اللى اقترحت عليا ( فولكس فاجن جيتا ٢٠٠٨-٢٠٠٩&دى انا عرفت برده ان فيها مشاكل فتيس بس الناس نصحينى بها وانا خايف منها& وقالولى هات الفتيس القديم ال ٦ سرعات بس انا هاهد بنصيحتكم ، مازدا 3 ٢٠١٠-٢٠١٣ ، تويوتا كورولا ٢٠٠٩ يابانى ، BMW E46 ٢٠٠٠-٢٠٠٣ ، سكودا اوكتافيا a4 ) ده اللى الناس اقترحتوا عليا محتاج اعرف مميزات وعيوب كل نوع من دول وترشحولى ايه من الموديلات دى خصوصا ان انا ميزانيتى 200000LE وممكن تقترحوا عليا انواع غير اللى مكتوب ده لو نوع فيه كل اللى انا محتاجه فى عربيه زى ما قولتلكوا فوق وفى نفس الوقت فى نفس ميزانيتى ياريت تلحقونى به انا قريت كذا موضوع هنا واستفدت من ارائكوا ومحتاج حد يساعدنى فى كل اللى انا كاتبه ده ... اسف على طول الموضوع لكن فعلا انا محتاج مساعده لانى عديم الخبره وسهل جدا يضحك عليا انا فعلا محتاج المساعده والنصيحة منكم وشكرا للمساعده وطول البال لاى حد هيساعدنى