الموضوع: كيف تستعد لمواجهة الطقس الحار وتعبر بسيارتك بر الأمان

إخواني في الله كل التحية للجميع
نحن الآن في بدايات فصل الصيف

وبنستعد جميعــًا لمواجهة فصل حار وأكيد بدون شك سيؤثر علي سياراتنا فإليك مجموعة نصائح لعلها تفيد :: ___


1- حاول تكون ركنتك بقدر الامكان في أماكن ظل وبعيدة عن الشمس وخصوصا لو هتطول في الركنة .
2- لو ما فيش ركنة في الظل وهتطول في الركنة يبقي حاول تغطي العربية .
3- حاول دايما أن جسم العربية يكون نظيف ومش عليه اتربة عشان سطح العربية يعكس الحرارة بشكل جيد .
4- أترك مسافة 2 سم في الزجاج مفتوحة لتهوية السيارة من الداخل ( واكيد الكلام ده في الاماكن الأمان فقط ) .
5- أذا كنت علي سفر والوقت ملكك فحاول تسافر الصبح بدري أو بالقرب من المغرب لتجنب حرارة الشمس .
6- لو مضطر للسفر وادامك خيارين بين طريقين زراعي أو صحراروي وحتي لو هتفرق بعدد بسيط في الكيلو مترات يبقي خليك في الزراعي .
7- في أغطية للسيارات مش غاليه اوي وبيكون لونها فضي ومخصصة لفترة الصيف وممكن تخلي الغطاء ده للصيف وآخر للشتاء .
8- اغسل عربتك كويس ونشفها بشكل جيد واستخدم ( الواكس ) هيحمي عربيتك من الشمس وممكن تكرر الموضوع ده كل شهر مرة ، واستخدامه سهل ( فوطة أو قطعة اسفنج وناخد بيها الواكس من العلبة ونحرك علي جسم العربية بشكل دائري وبطبقة رقيقة وبعد عشر دقائق بفوطة مايكرو فايبر نمسح اللي عملناه ومبروك عليك حماية سطح السيارة ) .
9- استخدم عاكس داخلي للزجاج الامامي مش هيرفع درجة حرارة العربية من الداخل .
10- حاول يكون ظهر عربيتك اثناء الركنة للشمس وليس مقدمتها بقدر الامكان للحفاظ علي الخراطيم والجوانات والبطارية من الحرارة .
11- أثناء السفر الطويل لمدة تتجاوز الساعتين حاول تريح في نصف المسافة وتريح عربيتك من ارتفاع درجة الحرارة .
12- بعد سفر طويل ممكن بعد الوصول ان شاء الله تفتح كبوت العربية للاسراع بتبريد المحرك في الحر الشديد والحفاظ علي خراطيم وسيور العربية .

إخواني في الله لكم تحياتي واتمني ان تكون المعلومة مفيدة ويبارك ليكم في سياراتكم ان شاء الله

كل التحية .

يجب تغيير زيت كومبريسور التكييف كل سنتين !!