JVC IPod Adapter بيتباع فين ؟؟؟؟

**M.Elwan** · 06-12-2008 11:23 PM

السلام عليكم
عيد سعيد علي كل اعضاء نايل موتورز ان شاء الله:k10::k10:
انا عندى كاسيت JVC سنتريت بشريط وموصل عليه MP3 CD CHANGER
دلوقتى لقيت على موقع JVC ان فى ادابتر ممكن يوصل الكاسيت على IPOD ويوصل بدل CD Changer وده ميزته انه بيشحن IPOD فى وقت التشغيل وفى نفس الوقت بيخليك تتحكم فيه من الكاسيت يعنى تشوف الاغانى والفولدرات على شاشة الكاسيت
هو على موقع الشركه بيتباع ب50 دولار بس طبعا شحن وجمارك وكده
وبقول اسهل طبعا لو بيتباع هنا وانا سالت عند كام محل فى شارع دمشق بس مش عندهم للاسف
فهل حد شاف الادابتر ده بيتباع هنا فى اى مكان؟؟

**ecybrarian** · 07-12-2008 10:48 AM

الموضوع مش محتاج adapter اساسا لو عندك Aux input في الكاسيت. يعني توصل سلك سماعة من Ipod للـAux input وخلاص. أو أرخص لك هات FM modulator يكون بيوصل على Ipod. هلتلاقيه (إن شاء الله) في compume وفي أغلب مولات الكمبيوتر. ولا بقى 50 دولار ولا حركات
====

او

[bimg]http://www.myfmstation.com/assets/images/IPOD-FM-TRASMITTER-1-20.jpg[/bimg]

**ecybrarian** · 07-12-2008 10:55 AM

نسيت أوضح حاجة. لما يتم توصيل Ipod من تحت (مكان الشحن) يمكن التحكم في Ipod من الكاسيت (أو اي وحدة control أخرى) ولكن عند توصيل Ipod من السماعة يجب التحكم في Ipod من خلال نفسه (من خلال زرايره أو شاشته)

وعيد سعيد

**KeroSirion** · 07-12-2008 11:46 AM

معلش بالنسبة لده
هو ده بيدخل الولاعة .. واسمع الصوت من سماعات العربية ؟؟؟ واتحكم من الكاسيت ؟؟؟ في الصوت وتقليب الاغاني ؟؟؟

**ecybrarian** · 07-12-2008 04:45 PM

الجهاز ده (مع انه بيركب من تحت) إلا انه لا يتيح التحكم في Ipod من الكاسيت:-!!
لكنه بيبعت صوت الـIpod على موجة FM تلقطها (تولفها) على الكاسيت بتاع العربية. يعني بيسمح فقط بالتحكم في الصوت (عالي وواطي) من الكاسيت. لكن مش هاتقدر تتحكم في تصفح الأغاني في Ipod من الكاسيت.

**M.Elwan** · 07-12-2008 08:31 PM

الف شكر يا جماعه على الردود والمساعده
"الموضوع مش محتاج adapter اساسا لو عندك Aux input في الكاسيت. يعني توصل سلك سماعة من Ipod للـAux input وخلاص"

هو بالنسبة للaux فالمشكله ان الكاسيت مفيش فيه aux input

"أو أرخص لك هات FM modulator يكون بيوصل على Ipod. هلتلاقيه (إن شاء الله) في compume وفي أغلب مولات الكمبيوتر. ولا بقى 50 دولار ولا حركات"

وبالنسبه للموديلاتر انا جربت نوعين منه قبل كده نوع صينى ونوع تانى كان من راديو شاك وكان انظف شويه وكان بيشتغل على فلاشه وبصرحه فكرته مش عاجبنى خالص جودة الصوت بتقل بشكل رهييييييب وبعدين ساعات مش بيحفظ اخر اغنيه انا واقف عليها وبيبدء من الاول تانى ومش ينفع اتحكم من الكاسيت لازم اتحكم منه وشاشته صغيره قوى عشان اشوف اسم الفولدر او اسم الاغنيه وانا سايق طبعا مشكله رهيبه يعنى من الاخر بصراحه مش عملى خاااااااااااااالص

وهو موجود فعلا فى كمبيومى ب240 جنيه للipod وبيشحنه وهو شغال وبرده حاتحكم من الipod بس بالسعر ده يبقى الادابتر اعتقد حيكون احسن طبعا خصوصا فى موضوع جودة الصوت والعمليه

انا كنت اسمع انى ممكن اشترى من بره عن طريق شركات الشحن زى ارامكس مثلا بس بصراحه مش عارف ايه الخطوات او التفاصيل بخصوص الموضوع ده ؟؟؟؟؟؟؟؟؟؟

**akmal_hamdi** · 13-12-2008 06:27 AM

هو لا يقارن طبعاً ب fm transmittor على العموم عندى واحد jvc جديد لم يستخدم بعلبته مثل الذى فى الصوره أحضرتو لزوجتى ولم يطلع من علبته اصلاً ولم تركب الكاست اصلاً اذا أحتجتوا ارسل رساله
د/أكمل حمدى

**M.Elwan** · 13-12-2008 09:49 PM

شكرا للاهتمام د/اكمل :k10:
انا فعلا لسه محتاجه لانى سالت عليه فى المحلات ملقتوش وبحاول اكلم توكيل JVC هنا بس نمرهم على النت مش مظبوطه وكان فاضل الحل الاخير طبعا عشم نوار
انا بعتلك على الخاص عشان نتفق

**M.Mokhtar** · 14-12-2008 03:47 PM

لو عايز توصل الصوت بس من الاى بود للكاست بدون تحكم فى الايبود نفسه ممكن نعمل كابل بسيط جدا يقوم بالحوار ده
زى المواضيع اللى فى التوقيع بتاعى

لكن لو عايز تحكم فى الايبود يبقى لازم تجيب ادابتور عشان يفهم الايبود ويفهم الكاست ويعرف يوصل الامر من ده لده
وغالبا بيكون سعرهم عالى شويه
بس انا حاليا بحاول اعمل واحد صناعه محليه :)
بعمله بنفسى ويدعم الايبود وغيره من الاجهزه وكمان بيتشغل على مختلف انواع الكاست
بس قول يارب يخرج الاختراع ده للنور :)

**M.Elwan** · 14-12-2008 10:25 PM

شكرا يا باشا انا فعلا متابع مواضيعك وموضوع الكابل ده فكرته جامدة وعمليه وطبعا حتحافظ على جودة الصوت مقارنة بالfm modulator
لكن لو فعلا قدرت توصل لقصة الادابتور ده حيبقى موضوع كبير فعلا
ربنا يوفقك وتخلص الموضوع ده على خير ونشوف الاختراع ده حقيقة خصوصا ان ده ميزته عن الadapter jvc ان ممكن نقدر نشغله على اى كاسيت واى mp3 player يعنى حيبقى عملى اكتر بكتيييييييييييير
واحنا منتظرين اختراعاتك .........

المشاركة الأصلية كتبت بواسطة M.Mokhtar

لو عايز توصل الصوت بس من الاى بود للكاست بدون تحكم فى الايبود نفسه ممكن نعمل كابل بسيط جدا يقوم بالحوار ده
زى المواضيع اللى فى التوقيع بتاعى

لكن لو عايز تحكم فى الايبود يبقى لازم تجيب ادابتور عشان يفهم الايبود ويفهم الكاست ويعرف يوصل الامر من ده لده
وغالبا بيكون سعرهم عالى شويه
بس انا حاليا بحاول اعمل واحد صناعه محليه :)
بعمله بنفسى ويدعم الايبود وغيره من الاجهزه وكمان بيتشغل على مختلف انواع الكاست
بس قول يارب يخرج الاختراع ده للنور :)

الموضوع: JVC IPod Adapter بيتباع فين ؟؟؟؟

LinkBack

أدوات الموضوع

عرض

JVC IPod Adapter بيتباع فين ؟؟؟؟ - انشر الموضوع فى :

-

-

-

-

-

-

-

المواضيع المتشابهه

عايز ipod adapter للالفا روميو 156 للكاسيت الاوريجنال

عايز ipod adapter للالفا روميو 156 للكاسيت الاوريجنال

Ipod interface Adapter

Ipod Interface Adapter

الفتحات دى بتاعه ايه بالضبط ... وياترى حد عنده فكره عن IPod adapter for car

الكلمات الدلالية لهذا الموضوع

المفضلات

المفضلات

ضوابط المشاركة