مشكلة سخونه مش لاقيلها حل - شاهين 97
العربية شاهين 1400 موديل 97
العربيه بتبقا ماشيه 120 وطريق مفتوح والمروحة شغالة على طول ومؤشر الحراره مابين 70 و 80 – ولا العربيه بتبرد ولا المروحة بتبطل . (الطبيعى بتاعها لما بجرى مش بحتاج لمروحة اصلا والمؤشر بينزل من الهوا)
انما لو خففت السرعه ل70 مثلا تبدأ العربية تهدا – مع ان لو انا واقف بالعربيه ومش بتحرك المروحه بتشتغل وبتفصل والعربيه بتبرد جدا بدون اى معاناه
الترموستات واطى (82 – 68)
تم عمل الأتى :
جوانات وش سلندر وطقم شمبر (فكيت الوش على حس الموضوع ده حوالى 4 مرات)
تغيير علبتين الشكمان بالعامود
تغيير ترموستات الردياتير( لايوجد ترموستات كوعه فى هذا الموديل)
تسليك الردياتير (جايبه جديد نحاس 3 ماسوره من 8 شهور)
تم ظبط التاكيهات اكتر من مره
تم مراجعة الكاتينه اكتر من مره
غيرت صباح الحراره اللى راكب فالموتور ولاقيت المروحه اشتغلت متأخر عن المعدل بتاعها فشيلته وحطيت القديم تانى
غيرت قربة الميه والميكانيكى لقا القديمة احسن من الجديده راح مركب القديمة تانى
اتأكدت ان المروحه راكبه صح وبتسحب الهوا للموتور مظبوط
ملحوظه 1 : لو انا ماشى بالعربيه والمروحة مش شغاله وجريت جامد الهوا اللى داخل للموتور مش بيأثر فيه اطلاقا كالمعتاد لا دى الحرارة بتعلى لحد ما تشتغل المروحة وتفضل شغاله طول مانت بتجرى حتى لو ساعتين سفر
ملحوظه2 : الميكانيكى لما زهق منى قالى تعالى نطلع نجرب سوا وخلانى ماشى على 110 حوالى ربع ساعه (طبعا المروحه شغاله ومؤشر الحراره مابين 70 و 80 ولا بتبرد ولا المروحة بتفصل – قالى كده العربيه سخنه قولتله اه - قالى طب اركن كده – ركنت العربيه راح نازل ضغط على كل الخرطيم بتاعة الميه لاقيناها مش ناشفه ولا فيها كبس – راح فاتح الردياتير وحط صباعه جوه المية وسابه شويه قالى شوفت العربيه بارده ازاى ؟ قولتله اه شوفت – قالى ماتجيش تقولى بعد كده الموتور ده فى حاجه – وطبعا عنده حق
بس انا بقا اعمل ايه مش عارف !!!!!!
