الموضوع: بيجو 508 وللا هوندا سيڤيك الجديدة؟

السلام عليكم..

محتاج مشورتكم يا جماعة في الإختيار ما بين بيجو 508 الفئة التانية (أكتيڤ) وللا هوندا سيڤيك الجديدة (vti)، الاتنين تقريباً نفس السعر؟

وشكراً جزيلاً مقدماً..

السبفيك مهما كانت كويسه لكن فئة اصغرمن البيجو 508. و اعتقد السعر مختلف تماما. يمكن اةل فئة في البيجو ب تمن اعلي فئة في السيفيك.

انا كنت امتلك بيجو 508 و هى رائعة بمعنى الكلمة و لكن..... يبدو انها لا تصلح فى الشوارع المصرية اولا موضوع البنزين المغشوش اصبح الاعم و الاغلب و الحصول على بنزين جيد اصبح شبه مستحيل و جعل تموين السيارة صعب للبحث فى محطات بنزين محترمة ثانيا الحجم الكبير نسبيا للسيارة جعل من قيادتها بالنسبة لى صعب شوية و الواضح ان نظام التربو ممتاز جدا و لكن ليس فى مصر و علشان كدة انا بعتها و نويت اجيب سبورتاج حجم معقول و فخامة فى الداخل ومش تربو

أوبل إنسيجنيا وتوكل على الله وما تفكرش

أبعد عن التربو

المشاركة الأصلية كتبت بواسطة Egypthawk

أوبل إنسيجنيا وتوكل على الله وما تفكرش

بفكر فيها دلوأتي وبقارن بينها وبين ال 508. هل يا ترى فيه موضوع في المنتدى عامل مقارنة بين الاتنين؟ أنا مضايقني إن الفئة التانية في الإنسيجنيا اللي لو جبت حجيبها، الكشافات بتاعتها هالوجين، ومفهاش كاميرا خلفية، في حين إن البيجو ال 508 الفئة التانية كشافاتها Full LED رهيبة وفيها كاميرا خلفية وكمان فتحة سقف وبنفس السعر اللي هوة 490 ألف.

الرائعة الجميلة الاسد الفرنسى بيجو 508
شيقة ممتعة مريحة جدا

المشاركة الأصلية كتبت بواسطة borio1704

شتان الفرق بين جودة الهوندا ومشاكل البيجو...

ومع إن السيفيك الجديدة تعتبر من فئة الكورولا والإيلانترا والآسترا... إلا إن الجيل ده أكبر بشكل واضح .. وفيه نزعة هجومية مش موجودة في عربيات كتير...

مشكلة السيفيك الوحيدة من وجهة نظري هي ندرتها... خصوصا إن سعرها العالي بيحطها في مقارنة ظالمة مع عربيات أكبر منها وبالتالي مبيعاتها هتكون قليلة بدون شك.

إنما من ناحية متعة السواقة.. مفيش عربية يابانية في الفئة دي أحسن من كده.

أنصحك بردو تعدي على الموضوع ده... هيفيدك قوي إن شاء الله.

https://www.nilemotors.net/Nile/3291...tml?highlight= (عايز تشتري عربية ومحتار؟؟؟؟ تعالى أقوللك إزاي تختار)


...

كلام حضرتك اكثر من رائع و لكن فاضل البلد و نوع الشوارع و جودة الوقود علشان كده انا مصر ان التربو لا يصلح فى مصر و كمان حجم السيارة ميكنش ضخم و سؤالى لحضرتك انا عاوز اجيب عربية فى حدود 500 الف و متنكش تربو و بالنسبة لى مش مهم موضوع التسارع من الصفر للمائة و مليش فى الغرز ( بحكم سنى) و ايضا عاوز مجال رؤيا واضح لأنى لم ارتاح فى البيجو من صغر النوافذ مما جعل مجال الرؤيا صعب و العربية اهم حاجة فيها تكون مريحة فى السفر للمسافات الطويلة و طبعا وسائل الامان ضرورية و شكرا على موضوعك القيم