بيجو 508 وللا هوندا سيڤيك الجديدة؟

**Ahmedology** · 17-05-2017 11:53 AM

شاكر لكل واحد فيكم إداني رأيه وشرح وجهة نظره، شكراً جزيلاً.. أنا رحت المعرض ركبت هوندا الصراحة عربية لطيفة، بس مدفعش فيها 500 ألف، بعدها بيومين رحت شفت البيجو 508 اتوهمت من الفخامة، مفيش مجال للمقارنة بين الاتنين فعلاً دي كاتيجوري أقل ودي كاتيجوري أعلى، أعتقد تسعير الهوندا بالسعر المبالغ فيه ده غباء شديد من الوكيل اللي حط عربيته في منافسة خسرانة مع كاتيجوري أعلى منها.

**Ahmedology** · 17-05-2017 11:56 AM

المشاركة الأصلية كتبت بواسطة Egypthawk

أوبل إنسيجنيا وتوكل على الله وما تفكرش

بفكر فيها دلوأتي وبقارن بينها وبين ال 508. هل يا ترى فيه موضوع في المنتدى عامل مقارنة بين الاتنين؟ أنا مضايقني إن الفئة التانية في الإنسيجنيا اللي لو جبت حجيبها، الكشافات بتاعتها هالوجين، ومفهاش كاميرا خلفية، في حين إن البيجو ال 508 الفئة التانية كشافاتها Full LED رهيبة وفيها كاميرا خلفية وكمان فتحة سقف وبنفس السعر اللي هوة 490 ألف.

**borio1704** · 17-05-2017 01:21 PM

المشاركة الأصلية كتبت بواسطة Ahmedology

شاكر لكل واحد فيكم إداني رأيه وشرح وجهة نظره، شكراً جزيلاً.. أنا رحت المعرض ركبت هوندا الصراحة عربية لطيفة، بس مدفعش فيها 500 ألف، بعدها بيومين رحت شفت البيجو 508 اتوهمت من الفخامة، مفيش مجال للمقارنة بين الاتنين فعلاً دي كاتيجوري أقل ودي كاتيجوري أعلى، أعتقد تسعير الهوندا بالسعر المبالغ فيه ده غباء شديد من الوكيل اللي حط عربيته في منافسة خسرانة مع كاتيجوري أعلى منها.

من أكبر الأخطاء مقارنة العربية بالسعر أولا... الطريقة دي بتوّه قوي... وتديك نتائج خاطئة للمقارنة..

من ناحية سعر هوندا العالي.. فالتوكيل في رأيي مالوش ذنب كبير فيه... هوندا أسعارها عالية وتعتبر أغلى ماركة يابانية ودي أسعارها في كل حتة في العالم (مع الأخذ في الاعتبار مبلغ الجمرك اللي بيشكل حوالي 67% من ثمن العربية الأصلي).

بالنسبة لسعر البيجو المنخفض.. فالسبب الرئيسي فيه هو تخفيض الجمارك في مصر على السيارات ذات المنشأ الأوروبي.. وده أكيد ساعد في نزول سعر الـ508... وزيها الأوبل إنسجنيا..

وعموما.. حط في دماغك بردو تكاليف ما بعد الشراء...

وربنا يوفقك.