الموضوع: فتيس اتوماتيك

المشاركة الأصلية كتبت بواسطة amr011111

الموضوع بسيط جدا. كل ما هنالك انك محتاج تغير الميكانيكى

هههههههههههههههههههههه
يعني اعمل ايه --- طمني فتيس راح ولا يادوب غيار فلتر وزيت

ده موش ميكانيكى

ده حتى اقل من الحمار فى الفهم .. يعنى الحمار حيكون اذكى منه 1000 مره على الاقل



انت كده لازم تبقى فاهم ان الزيت اللى فى الكرتيره و الفلتر حيكون حوالى 70% من الزيت اللى فى الفتيس ( لان فيه جزء من الزيت موش بينزل و بيكون جوه الكونفرتر محول العزم ) .. يعنى حيفضل جزء من زيت اللباور جوه الفتيس برضه



يعنى احد الحلين الاتيين :

1- اما تشوف طريقه تطرد الزيت كله مره واحده ( و دى قليل اللى بيغامر و يعملها .. و بتكون حسب تعليمات الكتالوج ان كان مسموح بيها لعربيتك )

فى اللانسر الطريقه كالاتى .. بتفك خرطوم الراجع لزيت الفتيس اللى داخل على الراديتير .. و بتدور العربيه 40 ثانيه او اقل حتى انتهاء خروج الزيت من خرطوم زيت الفتيس

2- او تفك الطبه .. تصفى الزيت .. تعبى زيت جديد .. و تمشى بيه او تدور العربيه و تنقل غيارات كذا مره .. ثم تعيد تفضيه الزيت و تكرر الموضوع مره ثانيه .. ده علشان نسبه زيت الباور اللى جوه تقل شويه .. و تمشى شويه و الافضل تكرر نفس الكلام للمره الثالثه .. علشان معظم زيت الباور يكون خرج


اكتب اسم الزيت اللى هو حطه بالظبط زى المكتوب على العلبه .. علشان نعرف مواصفته ايه ( لانه ممكن يكون زيت فتيس موش زيت باور )