الموضوع: oil treatment او ما يسمي بزيت الشنبر

باختصار لان الموضوع كان طويل جدا ...


انا معايا كورولا عيون 1998 كانت 1300 وانا سقطلها الموتور 1600 . الموتور اللي راكب واضح جدا انوا ممشيش اكتر من 70 الف كيلو .. يعني تقريبا الحمد لله زيرو .. بس في مشكله كبيرة اكتشفتها بالصدفة لما بتزود لحد 7000 ار بي ام في دخنة بيضة خفيفة بتطلع روحت كشفت علي الموتور لقيت الكبس قوي جدا بس في تسريب واضح من سلندر واحد والباقي مفيش اي تسريب النسب كانت 160 160 155 140 كل ده ناشف ومبلول نفس النسب معادا ال140 جاب 152 . و بعد كده عرفت ان الموتور ده اتركن فترة طويلة قبل مايركب . والتفسير المعروف طبعا ان من الركنة في شنبر مكربنش علي السلندر تاني بعد لما الموتور اشتغل .. في ناس قالتلي مع غيارات الزيت ممكن يظبط لوحده .....طبعا الزيت بينقص خاصة اني حطيت كاسترول ماجنيتك 10 40 وده نص تخليقي وخفيف . نفص 2 كيلو في 8 الاف كيلو .........



بعد بحث طويل اعمل ايه . اعمل شنبر للموتور ولا لأ وصلت ان فتح الموتور دلوقتي غلط ...




واجهتني مشكلة احط زيت ايه . لحد ما واحد اقترح عليا اني احط abro oil treatment مع غيار زيت 20 50 وده احتمال يحل المشكلة . وفعلا سمعت كلامة وحطتهم . لحظت ان سحب العربية اتغير تماما وتاني يوم دوست لحد اكتر من 7000 ار بي ام والحمد لله مطلعش دخنة تقريبا غير حاجة متتشفش تقريبا ...

بس انا للاسف دخلن اقري شوية عن ال oil treatment وقريت العجب سواء هنا او في اي مكان تاني ...

كلواحد ليه رأي وتجربة عكس تماما التاني .. اللي يقول بقالي سنين بحطه وده اختراع عظيم واللي يقول ده بوظلي الموتور خالص وحجات كتير جدا ...


كل اللي انا كتبتوا ده مش مهم نسبيا


المهم بقي

الoil treatment مفيد في حالتي ولا مضر ؟
هل الoil treatment ده بيمنع التهريب مؤقتا ولا فعلا بيعالج الشنبر وممكن يكربن تاني ؟
استخدم الoil treatment ده كل غيار زيت ولا ده بيرفع لزوجته وبيحمل علي الموتور ؟

في حد عنده حل للمشكله دي ترجع الموتور تاني ولا كده كده هيتفتح ؟؟
وهل اصلا الموتور كده يعتبر بيدخن ولا ده تسريب خفيف وانا مكبر الموضوع ؟


اسف للاطالة وشكرا مقدما

لا انتا فهمت ايه ؟ انا مقرصتش وانا ماشي . ده كان عند الميكانيكي وانا بكشف . فهو بيقرص قرصه كده للحظة واحدة بتبين حجات كتير جدا في العربية