تيل الفرامل الامامى بيتغير بعد عشرة الاف كيلو للكورولا 2015 ؟؟؟؟؟
السلام عليكم
معايا كورولا 2015 و انا باعملها صيانة العشرة الاف قالولى عايزين نغير تيل الفرامل الامامى و طبعا استغربت بس قالولى ده من الاستخدام
هو انا مشوارى الصبح كل يوم حوالى ساعة منهم نصف ساعة تقريبا فى الزحمة اللى هيا المشية البطيئة اللى متلحقش فيها تجيب الفتيس على n لان كل لما تقف العربيات تمشى فغالبا ببقى محمل على الفرامل
و انا راجع برضه نفس النظام بالظبط ساعة تانية منهم نصف ساعة بطيئة
انا طبعا مش عارف هو كده المشوار صعب و زحمة بالطريقة اللى تخلى التيل يبقى عايز يتغير بعد عشر الاف كيلو و الا لا
المشكلة بقى ان انا و انا باعمل الصيانة التانية و العربية عاملة اتنين و عشرين الف كيلو قالولى عايزين نغير التيل الخلفى و الامامى
و المهندس فى توكيل العباسية بيقوللى برضه طريقة استخدام و علشان العربية دى تقيلة
يا ريت يا جماعة حد يفيدنى هو الكلام ده طبيعى و الا هما بيشتغلونى و الا ممكن تكون العربية فيها مشكلة بتسبب تاكل التيل
و الاعضاء الافاضل اللى معاهم نفس العربية برضه بيغيروا فى نفس معدل الكيلومترات ؟؟؟