الموضوع: سيراتو 2010 برجاء الافاااااااادة

المقارنة فيها أكتر من حاجة تقارن ناحيتها... والمسألة تعتمد على أولوياتك من ناحية العربية...

في العربيات المستعملة أول حاجة تدور عليها هي الاعتمادية والصيانة وقطع الغيار...

بالنسبة للسيراتو.. العربية يعتمد عليها وأعطالها عموما قليلة وقليلين اللي اشتكوا منها... وقطع غيارها متوفرة وأسعارها معقولة وصيانتها سهلة نسبيا لإنها منتشرة والميكانيكية عارفينها...

اليارس من إنتاج تويوتا... وتويوتا معروفة في العالم كله إنها أكتر عربية يعتمد عليها في العالم... بمعنى إنها أقل ماركة في العالم من ناحية الأعطال... وبدون منافس... وده اللي معلي سعر المستعمل منها...

قطع غيار تويوتا الأصلية عموما غالية.. بس موجود منها تقليد تايواني وصيني.. وحتى ياباني من الموردين الأصليين لتويوتا بس من غير لوجو تويوتا... يعني مش هتغلب...

من ناحية تانية... اليارس من فئة عربيات أصغر من السيراتو... بمعنى إنها أضيق وأصغر وموتورها أضعف... والكماليات اللي فيها أقل.. وكمان ثباتها على الطريق أقل شوية...

ده طبيعي على فكرة... لإنها من فئة أقل...

في المقابل... عيب السيراتو الأساسي في الشكل ده هو عفشتها الناشفة... وهتحس بكل زلطة عالأرض.. وكل مطب هيرزع في ظهرك وظهر اللي قاعدين في العربية...

علشان كده بقوللك.. حدد أولوياتك الأول... وربنا يوفقك.