سلام عليكم

معاي عربية شاريد 90 انجكشن 1100 س س

كنت جاي بيها للشغل مشيت حوالي 50 ك وهب قطعت سلك دبرياج - الكلام ده في اخر رمضان - وكان معايا الاولاد وشيلة كبيرة واحد ابن حلال قاللي دورها من غير دبرياج قاللي اعمل كذا كذا ودور جيت اعمل العربية بقت تتنطط مرة والتانية دارت مشيت يجي 10كم وفي مطب قطعت حاولت تاني مشيت شوي وقطعت خالص ومرضيتش تدور بالمارش وطلعت دخنة م الحوض - جبت عربية وشدتني لغاية تحت البيت ورحت جبتلها سلك دبرياج والمارش اتحرق جبت ليها واحد استيراد وركبته ودارت الحمد لله

وطول المدة لغاية من يومين وهي مركونة ما طلعتش بيها - دلوقتي اجي ادور الماتور وافتح الكبوت الاقي دخنة من الفايظ سوده كدا
انا شاريها قريب وكان فيه هوا خفيف كدا من غير لون وقيست الماتور في بنزينة كان 75% ساعتها

بعد الموضوع ده ادور بس وانا واقف افتح الكبوت في دخنة باينة طالعة ,, دورت هنا لقيته يمكن شنير بس حاليا مفيش سيولة لده معاي رحت امبارح غيرت زيت ليها التعاون جركن برتقالي 130ج واليوم الصبح قلت اطلع بيها لفه كدا ,, طلعت وانا ماش حاسس ان السحب ضايع ع التاني في 3.5 كانه 1.5 rpm والثالث كانه 2في التاني

مشيت حوالي 10كم وقلقت قلت ارجع احسن وم رجعت لقيت حوالين الماتور طالع دخنة

رحت اليوم اشوف ميكانيكي لقيت كلهم قافلين وهيفتحوا الاثنين ,, انا بقول ربنا يستر لسه جديدة معاي وما كملتش 500كم ماشي بيها

- في الاول ما جبتها حطيت 92 وبعدين حطين 80 وكان فرق بسيط والاستهلاك شايف انه مناسب
- مفيش دخنة م الشكمان لا ابيض ولا اسمر
- شفت تسريب بسيط ع الماتور زيت بس مفيش اي تنقيط
- استخدامي خفيف يعني 500كم في الشهر وساعات اقل
- وانا بجربها كنت بحس برجرجة بس مركزتش امتي تقريبا في اول التاني
- العربية جيلي hq سيدان راكب ليها ماتور شاريد (كل قطع الغيار ليها شاريد بالعفشة كمان)

مش عارف اعمل ايه انا عايز اظبطها عشان بتحرك علطول بالاولاد ومش عايز اعطل بيها ,, هل كدا نص عمرة ولا ايه ولو كدا احسن اجيب ماتور استيراد ولا اعمر ولا هي بسيطة إن شاء الله