السلام عليكم...
هل زيت الفتيس atf sp-iii هو ال atf 320 بتاع موبيل ؟
العربية مواصفات الكتالوج بتقول atf sp-iii و مركته موبيس بس سعر تقريبا اللتر 145 وال320 في حدود 80
وفي ظل هذه الظروف العصيبة انا مش عارف اعمل ايه ؟
عرض للطباعة
السلام عليكم...
هل زيت الفتيس atf sp-iii هو ال atf 320 بتاع موبيل ؟
العربية مواصفات الكتالوج بتقول atf sp-iii و مركته موبيس بس سعر تقريبا اللتر 145 وال320 في حدود 80
وفي ظل هذه الظروف العصيبة انا مش عارف اعمل ايه ؟
للأسف... زيت ATF SP-III مش زي زيت موبل ATF 320...
زيت موبل 320 مطابق لمواصفة تانية اسمها ديكسرون III.. ودي مواصفة خاصة بجنرال موتورز .. وشركات تانية كتير بتستخدمها في عربياتها.. وغالبا هتلاقيها موجودة في العربيات القديمة شوية المعمولة في التسعينات وأوائل الـ2000
زيت الـSP-III (أو SP-3) في الأصل من تطوير متسوبيشي ومستخدم في كل العربيات اللي بتستخدم تكنولوجيا متسوبيشي زي هيونداي وكيا وبروتون...
https://www.evolutionm.net/forums/at...atf-sp-iii.jpghttp://www.adpost.com/classifieds/up...es.13301.1.jpg
تقدر بكل بساطة تجيب زيت متسوبيشي Diamond SP-III.. وده مطابق تماما لزيت موبِس.. وفيه زيوت تانية مطابقة بردو..
بس أهم حاجة تلاقي مكتوب عليها SP-III
أتوقع زيت متسوبيشي أرخص ومتوفر بسهولة في السوق.
بردو اسأل على زيت مانول SP-III... موجود في التوكيل بتاعهم...
http://mannol.de/imgbank/Image/publi...03000010_b.jpg
شكرا جدا
طيب منين اقدر اجيب زيت الفتيس الأصلي ويكون ارخص حد ومضمون ؟
خليك في زيت ميتسوبيشي... أرخص واحد وأضمنهم كمان لإنه بيتباع في توكيل ميتسوبيشي بأسعار معقولة..
الموضوع محتاج لفة صغيرة وهتوصل إن شاء الله...
بس أهم حاجة.. ما تروحش تشتري من غبور لإن الزيوت عندهم مش أصلية ولا مطابقة للمواصفة بتاعت الكتالوج أصلا.
ممكن تلاقي الزيت المناسب في توكيل كيا.. الزيت هناك أصلي بس غالبا معبأ في عبوة كيا...
وفي جميع الحالات... اتأكد إن العلبة مكتوب عليها sp-iii...
ما لقيتهاش... ما تشتريش.
...
طيب انا لقيت aisin وصورته اهي تحتملف مرفق 16254
مكتوب عليه sp-iii
مبدئيا... الزيت ده يمشي.. بس ماهواش مناسب 100%
بصراحة أنا مش مستريحله.. مع إن شركة Aisin من أفضل شركات العالم اللي بتعمل الجيربوكسات وزيوتها!!!
بس أنا ما أفضلش الزيوت الـuniversal دي.. مش هيشتغل معاك بنفس كفاءة الزيت المتخصص اللي مكتوب عليه SP-III بس.
بمعنى إن الزيت ده هيشتغل معاك بكفاءة 90% بالكتير من كفاءة الزيت الأصلي.. مع إن المواصفات المكتوبة عليه بتقول إنه زيت طويل العمر.. يعني يعيش معاك 100 ألف كيلومتر مستريح...
أتوقع إن الزيت ده أغلى من الزيت الأصلي (أو المتخصص)...
دور كويس الأول.. لو ما لقيتش زيت مكتوب عليه SP-III لوحدها .. يبقى اشتري الزيت ده.
...
الاصلي تمنه 600 جنيه ومش موجود لاسف
دا انا جبته ب350 بس لسه محتطهوش شركة ايسن معروفة في مجال الجير بوكس طبعا ودا اللي خلاني افكر فيه...
بس انت خوفتني منه ...
طيب 90% اللي حضرتك قولت عليها هتفرق معايا في ايه ؟
هل في تأخير النقلات ولا الستهلاك ولا عمر الزيت اطول ولا ممكن يبقى ايه ؟
علشان أكون صريح معاك.. الحقيقة مش قادر أحدد إيه اللي ممكن يحصل بالضبط.. لإن معلوماتي ناقصها حاجات كتير علشان أكلمك وأنا واثق من كلامي 100%.
لكن اللي أعرفه إن الجيربوكس حساس جدا لنوع الزيت المستخدم لإنه مصمم لاستخدام زيوت بخواص معينة.. منها اللزوجة وتحمل الحرارة وقابلية الانضغاط....
اللي أعرفه كمان إن زيوت الفتيس الأوتوماتيك ممكن نقسمها لفئتين أساسيتين..
زيوت الجيل القديم.. ودي غالبا بتبقى عمرها قصير (20-60 ألف كيلومتر حسب نوع الزيت) وغالبا الزيت بيحتاج تبريد خارجي والفتيس نفسه بيكون فيه مقاس للزيت زي مقاس زيت الموتور..
أشهر الزيوت من الجيل ده:
- زيوت جنرال موتورز: ديكسرون 1 ، 2 ، 3
- زيوت تويوتا تايب 1 و 2 و 3 و 4 = آيسن JWS 3309
- زيوت ميتسوبيشي (وهيونداي وكيا) SP 1 و 2 و 3
- زيوت نيسان ماتيك D و J و K
زيوت الجيل الجديد بدأت تنزل من سنة 2008 تقريبا... ودي زيوت عمرها طويل (100-200 ألف كيلومتر)... والجيربوكس نفسه بيبقى مقفول تماما ومفيهوش مقاس للزيت...
أشهر زيوت الجيل ده:
- ديكسرون 6
- تويوتا تايب WS = زيت آيسن JWS 3324
- ميتسوبيشي (وهيونداي وكيا) SP-4
- نيسان ماتيك S و ماتيك W
على حسب ما أنا فاهم.. زيوت الجيل الجديد مش متوافقة مع الزيوت القديمة... فكون إني ألاقي زيت متوافق مع دول ودول بيعمل لي علامة استفهام كبيرة... ولو المسألة كده يبقى ليه نتعب نفسنا من الأساس"؟؟؟
المعلومة اللي لسه عارفها بردو (بس محتاج أتأكد منها).. إنك لو عايز تحط زيت universal زي اللي حضرتك اشتريته يبقى لازم تعمل فلش للجيربوكس ومحول العزم بحيث تشيل آثار الزيت القديم بالكامل وتحط الزيت الجديد.. والموضوع ده مكلف ومش سهل.
ما زلت أفضل الزيت بتاع العربية... واسأل على زيت ميتسوبيشي.. أرخص ومتوفر بسهولة.
...
السلام عليكم جميعا .
لو سمحتم لدي سؤال احترت فيه : زيت ديكسرون 3 هل هو للفتيس ام للباور ؟
لاصحاب الخبره برجاء الافاده
هل ممكن استخدم زيت فتيس sp iv
بدلا من sp iii
سياره النترا ٢٠١١
السلام عليكم.
الأخ المكرم , بجوابك على Hatem Ibrahim أود أن أعقب:
بل يجوز :)
الزيت الأحدث يمكن استخدامه على نواقل الحركة الأقدم. و لكن العكس (الزيت القديم على الناقل الجديد) ليس صحيح دائمًا. أحيانًا ممكن لكن بعمر زيت أقصر , و أحيانًا لا يتوافق.
مؤخرًا كنت أبحث عن زيت أوتوماتيك لكيا ريو 2014 ذات الـ 4 سرعات و التي تستخدم القديم SP3 بحسب دليل المالك.
و لكن الوكيل لم يعد يوفرها و لا حتى موزعين قطع كيا و هونداي. و أوصوا باستخدام SP4 الحديث.
أيضًا أعطي مثال على سيارة أخرى للفائدة: أنا ميم في السعودية و سيارتي نيسان ألتيما و ناقلها يتقنية CVT و الموديل 2010 تستخدم الجيل القديم NS2 . لكن يصح استخدام الجيل الأخير منه NS3 و قد تم ذلك كثيرًا.
فأختم و كما قلت : الزيت الحديث مناسب لنواقل الجيل الأقدم لكن العكس ليس دائمًا مقبول. يتوجب البحث و السؤال لكي يطمئن مستخدم السيارة إلى المعلومة الصحيحة.
أخي العزيز...
كلامك ينطبق على "بعض" زيوت نواقل الحركة .. ولا ينطبق على الكل...
فعلا.. الزيوت القديمة أصدر منها عدة تحديثات.. كلها تستبدل الزيوت الأقدم منها...
على سبيل المثال:
زيت جنرال موتورز : ديكسرون 3 يستبدل ديكسرون 2 والذي بدوره يستبدل ديكسرون 1
زيت ميتسوبيشي/هيونداي: SP-3 يستبدل SP-2 وأيضا SP-1
زيت تويوتا: T-4 يستبدل T-2 وبدوره يستبدل T-1
زيت نيسان: ماتيك-S يستبدل ماتيك-J
كل هذه الزيوت تعتبر من زيوت الجيل القديم... والتي تعمل غالبا مع نواقل الحركة من 4 نسب على الأكثر..
أما الآن فبدأت شركات السيارات في استخدام زيوت من الجيل الأحدث.. وهي غير متوافقة مع الزيوت القديمة.. وكل شركات السيارات تؤكد على ذلك في نشراتها الفنية.
زيت ديكسرون 6 لا يتوافق مع ديكسرون 3
زيت تويوتا ws لا يتوافق مع t-4
زيت هيونداي sp-4 لا يتوافق مع sp-3
زيت نيسان ماتيك-k لا يتوافق مع ماتيك-s
ويمكنكم التأكد من هذه المعلومات بالبحث السريع على الإنترنت.
لذا أرجو منكم البحث والسؤال قبل إصدار حكمكم :)
...
أهلا بك يا طيب. لا يوجد فيما قلت إصدار أحكام. بل أكدت أن الجديد يشمل الفتيس القديم و هو أحسن له.
و البحث متاح للجميع و قد فعلته أنا كما فعلته أنت يا صديقي.
"لا يتوافق" حسب ماذا تقصد. إذا كنت تقصد أن الزيت القديم غير مناسب للسيارات الحديثة فكلامك صحيح. لكن الزيت الحديث sp4 يستطيع أن يحل محل القديم.
و قد ذكرت لك تجربتي مع الوكيل بنفسه و ليس أي أحد.
تحياتي لك.