مشكلة فى الـ Rpm بين 2 و3

بسم الله الرحمن الرحيم
انا معايا برسونا 2009 .. و عندى مشكلة غريبة ركزو معايا ..
و انا ماشى على الأول و بحرق شوية بسيطة عشان انقل .. و ال RPM يطلع بين 2 و 3 بسيب رجلى من على البنزين و ادوس دبرياج عشان انقل .. المفروض ان ال RPM ينزل و بعدين يطلع لما ارجع احط رجلى على البنزين .. مش ده الى بيحصل .. الى بيحصل انى ساعة ما اشيل رجلى من على البنزين لو قولنا ان ال RPm عند 2.5 يطلع بسرعة جدا ل 2.7 مثلا و بعدين ينزل تانى .. و طبعا تسمع صوت علو فى الموتور .. الموضوع ده بين كل نقلة و التانيه و بيحصل كله فى ثانية واحده بس .. بس مش دايما .. بس بنسبة 90 % بيحصل
فى التوكيل فى اسكندرية قالولى .. ده عادى .. عشان يفضى الحرق الى حرقته .. و انا متأكد انى مش حارق .... ده انا بتكلم بين ال 2 و 3 مش 6 و 7 !!!!
و عندى حاجه تانية .. ان الهوايات بتدخل هوا و انا ماشى .. و انا طبعا مش مشغل التكييف .. و ده برضو قالولى عادى !!
ارجو الافادة يا جماعة

اولاً يا استاذي الفاضل الف مبروك علي العربية و ربنا يديك خيرها و يكفيك شرها بأذن الله
انا حبدأ معاك بالنقطه التانيه الاول بالنسبة الموضوع الخاص بالهوايات دا فعلاً موجود و حتحس انا الهوا داخل حتي و لو من فاتح التكيف و دا راجع ان الهوايات نفسها من عند التابلوه مفيهاش الزرار الي بيقفل الريش فاهمني حضرتك ( دا بالنسبة للسؤال التاني )

بالنسبة للموضوع الخاص بال Rbm التوكيل الوقتي في اسكندرية قالوا لحضرتك ان دا عادي و دا تفريغ الحرق من الموتور تمام
طيب انا عايز حضرتك سؤال هل في اللحظه الي انت بتشيل رجلك و تغير و يعلي ال Rbm و تجيب الغيار و تدوس بنزين في اي نتشه في العربية او رجه في اللحظه دي ؟؟؟؟؟
لو في رجه او نتشه حيبقي الموضوع فيه قلق و فيه حاجة و لكن لو السلنسيه بتاع العربية سليم وزي ما هو و لا رجه و لا حاجة خلاص حيبقي الامر طبيعي و ممكن حضرتك النقطه الي بتتكلم فيها دي راجعه الي الفلتر الجديد وتكنولوجيا تشغيه مع الموتور احتمال
و اكيد طبعاً الاخوه في المنتدي الاكثر مني خبره ممكن يفيدوك اكتر

اخي العزيز كل عام وانت بخير وبالصحه وبالسعاده وكذلك سيارتك بارك الله لك فيها
بالنسبه لموضوع الهوايات ليه حلين
الاول انك تدوس على زرار التاتش بتاع الهوايات اللي في نصف البكره التانيه من فوق هتلاقي اللمبه نورت وده هيمنعلك دخول الهواء نهائيا
والحل التاني من البكره الاخيره اللي في اسفل الثلاث بكرات انك تجيبه على الزجاج فبكده الهواء هيدخل على الزجاج
اما بالنسبه لموضوع الار بي ام
ممكن يكون هناك حاجات كده اتاكد انت منها بقه بس هي دي احتمالاته
اولا ممكن تكون انت بتدوس دبرياج قبل مابتشيل رجلك من على البنزين اصلا ودي بترجع انك ممكن مش متعود تسوق مانيوال او بترجع الى ان البروتون مختلفه شويع عن بعض السيارات
او ان السوسته بتاع الاكسراتير ضعيفه شويه فمش بترجع الاكسراتير بسرعه
انت جرب الحاجات دي ولو بقي الحال كما هو عليه ابقى راجع التوكيل وقلهم هما يجربوها كويس
وربنا معااااااااااااك

انا أعتقد ان موضوع سوستة الأكسراتير هو الاحتمال الأقرب. لأنه بكده دواسة الأكسراتير موش هترود لفوق بالسرعة المطلوبة، و عليه اول ما تدوس دبرياج بيبقى فيه دفق بنزين زيادة يخلي Rpm يعلى. يعني اشبه بإنك بتدوس دبرياج مع عدم رفع رجلك من على الأكسراتير.

للتأكيد، جرب انك ترفع رجلك من على الأكسراتير و تستنى شوية بسيطة خالص لما العربية تكن و بعدين دوس دبرياج، و شوف هل ده هيحصل و لا لاء.

اقتباس:

---

المشاركة الأصلية كتبت بواسطة tweety26980

اخي العزيز كل عام وانت بخير وبالصحه وبالسعاده وكذلك سيارتك بارك الله لك فيها
بالنسبه لموضوع الهوايات ليه حلين
الاول انك تدوس على زرار التاتش بتاع الهوايات اللي في نصف البكره التانيه من فوق هتلاقي اللمبه نورت وده هيمنعلك دخول الهواء نهائيا
والحل التاني من البكره الاخيره اللي في اسفل الثلاث بكرات انك تجيبه على الزجاج فبكده الهواء هيدخل على الزجاج
اما بالنسبه لموضوع الار بي ام
ممكن يكون هناك حاجات كده اتاكد انت منها بقه بس هي دي احتمالاته
اولا ممكن تكون انت بتدوس دبرياج قبل مابتشيل رجلك من على البنزين اصلا ودي بترجع انك ممكن مش متعود تسوق مانيوال او بترجع الى ان البروتون مختلفه شويع عن بعض السيارات
او ان السوسته بتاع الاكسراتير ضعيفه شويه فمش بترجع الاكسراتير بسرعه
انت جرب الحاجات دي ولو بقي الحال كما هو عليه ابقى راجع التوكيل وقلهم هما يجربوها كويس
وربنا معااااااااااااك

---

مفيش كلام بعد كده
100 100

بالنسبة لموضوع لفات الموتور اعتقد ان دى حاجة كويسة علشان يفضل معدل اللفات ثابت و ما يحصلش فقد فى الطاقة و تلاقى الموتور جاهز و نشيط معاك لما تنقل لنقلة اعلى بدل ما تجيبه من تحت تانى
و الله أعلى و أعلم

ممكن يكون موضوع السوستة دة هو الحل

اقتباس:

---

المشاركة الأصلية كتبت بواسطة gemino

بالنسبة لموضوع لفات الموتور اعتقد ان دى حاجة كويسة علشان يفضل معدل اللفات ثابت و ما يحصلش فقد فى الطاقة و تلاقى الموتور جاهز و نشيط معاك لما تنقل لنقلة اعلى بدل ما تجيبه من تحت تانى
و الله أعلى و أعلم

---

+10000000000000000
بين النقلات واثناء الجرى مش بينزل الماتور على طول زى عربيات تانية لسهولة التجميع ودة طبيعى وعندى حتى فى الاتوماتك حتى على النقلة الرابعة..والله اعلم وراجع التوكيل برضة:11:
ربنا يوفق

يا جماعة كل الى انتو قلتوه ده كويس عن موضوع ال Rpm بس الى انتو قلتوه ده كله ممكن يحصل فى اى مكان على ال Rpm ... انا بقول ده بيحصل بين 2 و 3 بس ... يبقى ازاى سوسته ؟؟؟ و ازاى فلتر
و موضوع الهوايات .. طبعا كل الحلول دى انا عملتها .. بس ده تحايل على المشكلة ... انما ليه المشكلة اصلا .؟؟ ليه الهوا بيدخل و انا قافل التكييف .. يعنى المفروض مفيش هوا يدخل
لو حد معاه جين 2 او بيرسونا 2009 مانيوال يقولى .. الكلام ده عندو برضو ؟

موضوع الهوا ده في اي عربيه في الدنيا ولو مش محتاجه اقفل مفتاح الهوايات

السلام عليكم
بالنسبة لموضوع الهوايات ده طبيعى فى أى سيارة و كان معايا كيا سيفيا و دايو اسبيرو و لانوس و هونداى اكسيل كله نفس النظام
بالنسبة لل Rpm أنا عندى الأوتوماتيك فيها نفس الموضوع اللى عندك و أعتقد ده نفس التفسير اللى قالوه الاخوة قبلى بخصوص عدم فقد السرعة و العزم بين النقلات أو عند رفع القدم من على دواسة البنزين على منزل مثلا و شكرا

اقتباس:

---

المشاركة الأصلية كتبت بواسطة hemedah

يا جماعة كل الى انتو قلتوه ده كويس عن موضوع ال Rpm بس الى انتو قلتوه ده كله ممكن يحصل فى اى مكان على ال Rpm ... انا بقول ده بيحصل بين 2 و 3 بس ... يبقى ازاى سوسته ؟؟؟ و ازاى فلتر
و موضوع الهوايات .. طبعا كل الحلول دى انا عملتها .. بس ده تحايل على المشكلة ... انما ليه المشكلة اصلا .؟؟ ليه الهوا بيدخل و انا قافل التكييف .. يعنى المفروض مفيش هوا يدخل
لو حد معاه جين 2 او بيرسونا 2009 مانيوال يقولى .. الكلام ده عندو برضو ؟

---

عادى موضوع الهوايات فى الجين2 او البيرسونا بس لو قفلتة من البكرة التانية :11:المفروض ولا هواية هاطلع هواء كمان هو بيفصل كل ماتبطل العربية وبعدين تقفلة تانى لما تدور العربية :B4_048:
ربنا يوفق

بنسبه لمشكله التكييف ده طبيعى ان الهويات تجيب هوا لما تمشى بالعربيه, لو مش عايزها تطلع دوس على الزرار الى مرسوم عليه عربيه بيلف جواها سهم انا عندى فى اللانسر زرار و عند واحد صحبى فى مازدا 3 سويتش متهيالى عندك هى دى

http://img231.imageshack.us/img231/8...2445ql2.th.jpg

كده عمرها متطلع هوا غير لما تشغل مروحه التكييف

السلام عليكم ورحمة الله وبركاته موضوع الrpm ده عادي لان المحرك نظام حقن الكتروني يعني مش دوسة البنزين بس هي اللي بتحدد كمية الوقود المحترق داخل المحرك فيه حاجة مهمه وهي الحمل الي علي المحرك يعن ي مثلا جرب تمشي علي الاولاني واطلع بالعربية مطلعية صغيرة وشيل رحللك من علي البنزين العربية عتطلع المطلعية وعتلااي الrpm حوالي 1000 لفة دوس دبرياج عتلااي الrpm علي ويمكن يعدي ال2000 لفة وده لان المحرك اتحانله بنزين علي اد الحمل وكانك دايس بنزين يبقه بالنسبة لحلتك انت بتنقل الغيار بدري يعني لما المحرك بيبقي علي 2000 rpm وانت بتنقل الغيار وتلاقي الrpm بقي 2500 يبقي انت كان لازم تدوس بنزين شوية ومتنقلش الغيار الاعندال2500rpm dukd يعني المحرك حقن شوية بنزين زيادة علي اد الحمل يعن من الاخر شبع الغيار شوية وعلي فكرة الكلام ده بيحصل في اي عربيه حقن الكتروني

اقتباس:

---

المشاركة الأصلية كتبت بواسطة NFS

بنسبه لمشكله التكييف ده طبيعى ان الهويات تجيب هوا لما تمشى بالعربيه, لو مش عايزها تطلع دوس على الزرار الى مرسوم عليه عربيه بيلف جواها سهم انا عندى فى اللانسر زرار و عند واحد صحبى فى مازدا 3 سويتش متهيالى عندك هى دى

http://img231.imageshack.us/img231/8...2445ql2.th.jpg

كده عمرها متطلع هوا غير لما تشغل مروحه التكييف

---

ده الكلام العادى اللى فى العربيات
يعنى طول مانته حاطط الزرار على سحب هواء خارجى مشغل التكييف او موش مشغله حايجيب هوا لكن لو حطيت الزرار على الهواء الدائر جوه العربيه كدا المفروض انك بتقفل سحب الهواء الخارجى وبيتم تبريد الهواء الموجود فى العربيه بدون سحب خارجى وبالتالى لو موش مشغل التكييف لن تجد هواء

بس اعتقد اخونا عنده شئ مختلف
ياريت حد يحط صورة العربيه دى من الداخل عند زراير التكييف

اقتباس:

---

المشاركة الأصلية كتبت بواسطة momenhamdy

اولاً يا استاذي الفاضل الف مبروك علي العربية و ربنا يديك خيرها و يكفيك شرها بأذن الله
انا حبدأ معاك بالنقطه التانيه الاول بالنسبة الموضوع الخاص بالهوايات دا فعلاً موجود و حتحس انا الهوا داخل حتي و لو من فاتح التكيف و دا راجع ان الهوايات نفسها من عند التابلوه مفيهاش الزرار الي بيقفل الريش فاهمني حضرتك

---

اعتقد فيها يا باشا ..اى عربية فيهااااااااا الزرار دة

]
اولا : كل عام وانتم بخير عليكم وعلى الامة الاسلامية اجمع

انا بس عندى بعض الاسئلةعن عربيتى واجا 2008 ياريت من المسئولين الافادة

1- كنت محتاج معرفة زرار اضاءة الشابورة الخلفية من فيييييين بالظبط

2- فى صوت تكتكة بسمعو فى الدركسيون فى اى مطب لما بكون بلف يمين او شمال

3- سؤال لو فى اى مركز صيانة قريب من مدينة نصر من ابو رواش يارت

اقتباس:

---

المشاركة الأصلية كتبت بواسطة ziadsalem

]
اولا : كل عام وانتم بخير عليكم وعلى الامة الاسلامية اجمع

انا بس عندى بعض الاسئلةعن عربيتى واجا 2008 ياريت من المسئولين الافادة

1- كنت محتاج معرفة زرار اضاءة الشابورة الخلفية من فيييييين بالظبط

2- فى صوت تكتكة بسمعو فى الدركسيون فى اى مطب لما بكون بلف يمين او شمال

3- سؤال لو فى اى مركز صيانة قريب من مدينة نصر من ابو رواش يارت

---

1- الواجا الى بتنزل مصر مفهاش اضائه شبوره خلفيه " متوفره فى العربيات الى بتروح انجلترا لانها من مواصفات الاساسيه لأى سياره تباع فى اوروبا " , ......حتلاقى ان فعلا ليها مكان فى الفانوس .... لكن مفهوش لمبه و زرار الشبوره بيشغل اضائه الشبوره الاماميه بس .


2- بنسبه كبيره ده عيب كلوك سبرينج " قطته بتركب ورا الدركسيون مسئوله عن توصيل الاشاره للاير باج و الكلاكس و زراير المالتى فاكنشن " ... راجع التوكيل و حتتغير فى الضمان , و احتمال " صغير " تكون علبه الدركسيون .... بس ماتقلقش فى كلا الحالتين بتتغير فى الضمان .

3- فى عندك امير و جوزيف فى مدينه نصربس بصراحه منصحش بيهم فى الصيانات المهمه لانهم بتوع كلو .. شغالين فى مركات كتير و ساعات كتير بيكروتو فى الشغل , و فى نفس الوقت اسعارهم مش رخيصه .. فالتوكيل افضل ....و عندك مركز صيانه عز العرب فى العجوزه خلف مسرح البالون افضل و اضمن و اسرع .

رمضان كريم و كل سنه و حضرتك طيب

انا معايا برسونا 2009 مانيوال ياباشا وبرضو نفس اللى بيحصل مع حضرتك لما اجى ادى غيار العربيه تروح مزوده حبه بنزين وال rpm يعلى سنه كده وينزل على طول بيعلى حاجه بسيطه مش كتير الاول كنت فاكر انى انا اللى بدوس دبرياج قبل ماشيل رجلى من على البنزين بس بقيت باخد بالى واروح رافع رجلى الاول من على البنزين وادوس دبرياج بسرعه جدا تحصل نفس الحكايه يعنى هى مش مساله غلطه من السائق هى مساله نظام العربيه كدهوانا اعتقد ان كلام الاعضاء اللى قالوا انه بيحرج عشان يشبع الغيار او عشان الموتور يبقى ىجاهز فالسحب صح

بالنسبه للهوايات انا عندى عادى بتدخل هوا بس مش جامد يعنى ولو حضرتك عاوز تقفل الحكايه دى من تانى بكره زى مالساده الاعضاء قالوا لحضرتك

فانا اعتقد ان كل العربيات فيهم الحاجتيين دول فهى مش مشكله ولا حاجه

انا عندى نفس مشكلة الrpm اعتقد ان ده مضر جدا على الموتور يعنى انا مثلا باحرق لحد 5000 r/m وانقل لما بكون بشد هو بيعلى ل 6000 واكيد ده بيضر جدا ولا ايه وعلى كرة المشكلة دى مش موجودة فى اى عربية حقن الكترونى