الكبارى المعدنية

**ahmedsrs** · 08-12-2008 03:06 PM

ياجماعة انا لية سؤال القاهرة ذى مانتم عارفين فيها كبارى معدنية كتير ارضية الكوبرى بتبقى معدن وعليها طبقة اسفلت من كتر المشى عليها بتتشال يعنى بيقى المشى على المعدن انا لاحظت انى لما افرمل على الكبارى دى العربية بتزحف شوية هل الموضوع ده بيحصل معاكم ولا الكاوتش عندى هو الى عامل المشكلة دى مع العلم انه عامل 60000 كومهو والنقوش فيه كويسة والزحف ده مبيحصلش على الأسفلت العادى . ياعنى المختصر
الكاوتش هو السبب اغيره
ولا دا عادى على الكبارى من النوعيه دى
وشكرا مقدما

**MoDyBeNz2008** · 08-12-2008 03:53 PM

انا الموضوع دة بيحصل معايا انا كمان اعتقد انه عادي

**shoudy2005** · 08-12-2008 05:19 PM

و خلى بالك انا بلاحظ كمان ان لو مشيت على الفاصل اللى فى النص العربية بتعوم سنه لحد ماتمسك فى حته فيها اسفلت

**ahmedsrs** · 08-12-2008 06:22 PM

شكرا على الردود الواحد يمشى برلحة عليها وربنا يسترها معانا جميعا

**SeiffoZ** · 08-12-2008 07:49 PM

المشاركة الأصلية كتبت بواسطة ahmedsrs

ياجماعة انا لية سؤال القاهرة ذى مانتم عارفين فيها كبارى معدنية كتير ارضية الكوبرى بتبقى معدن وعليها طبقة اسفلت من كتر المشى عليها بتتشال يعنى بيقى المشى على المعدن انا لاحظت انى لما افرمل على الكبارى دى العربية بتزحف شوية هل الموضوع ده بيحصل معاكم ولا الكاوتش عندى هو الى عامل المشكلة دى مع العلم انه عامل 60000 كومهو والنقوش فيه كويسة والزحف ده مبيحصلش على الأسفلت العادى . ياعنى المختصر
الكاوتش هو السبب اغيره
ولا دا عادى على الكبارى من النوعيه دى
وشكرا مقدما

عايز بس أصحح شوية معلومات ..
أولا الأرضية بتكون مغلفة خرسانة مسلحة أو عادية ... يعنى من رابع المستحيلات إنك تلمس المعدن ... يعنى اللى إنت بتمشى عليه ده خرسانة حتى لو بدأت تتأكل ..
الفواصل إللى فى النص دى حاجة إسمها فواصل تمدد , و دى معمولة عشان التمدد بتاع المادة مايخلش الكبرى يبقى قابب .(و مع ذلك بيبوز عشان فخر الشغل المصرى طول عمره بايظ) ...
نجى بقى ليه بتأخذ وقت .. هو السبب غالبا بيكون بسبب إن الكبارى دى منشأت ممكن نقول عليها مش ثابتة زى الأرض .. فأنت بتأخد سرعة و فى نفس الوقت إهتزاز الكوبرى بيدعم السرعة دى ..
فعشان يتفادوا الموضوع ده كتير فى المنحنيات فى الكوبرى لو تلاحظ بيخلو الحروف مرتفعة بحيث الكوبرى يكون مايل عشان يقلل من قدرة القصور الذاتى ..
فمظنش إن السبب هو الكاوتش

**asbeats** · 09-12-2008 11:12 AM

المشاركة الأصلية كتبت بواسطة Relentless_mayhem

أولا الأرضية بتكون مغلفة خرسانة مسلحة أو عادية ... يعنى من رابع المستحيلات إنك تلمس المعدن ... يعنى اللى إنت بتمشى عليه ده خرسانة حتى لو بدأت تتأكل ..
ا

لو حضرتك طلعت على الكوبري المعدني اللي في ميدان الجيزة حتلاقي نفسك ماشي علي معدن واضح جدا, وفعلا الأسفلت متآكل.

**ahmedsrs** · 09-12-2008 01:18 PM

فعلا هو ده الى كنت عاوز اقولة كبارى معدنية كتير بتبقى الأسطح المعدنية بتاعتها مكشوفة ويسلام لو فبه شوية مطرة وحبت زيت بتبقى مراجيح

**SeiffoZ** · 09-12-2008 01:23 PM

المشاركة الأصلية كتبت بواسطة ahmedsrs

فعلا هو ده الى كنت عاوز اقولة كبارى معدنية كتير بتبقى الأسطح المعدنية بتاعتها مكشوفة ويسلام لو فبه شوية مطرة وحبت زيت بتبقى مراجيح

فى شوية معادن بتكون واضحة زى بتاعت الفواصل ...
لكن تمشى على المعدن؟؟؟ إنت عارف إنه لو إتكشف المعدن للهوى يصدى .. و الكوبرى يكون أيل للسقوط ..
أكيد حضرتك غلطان .. يمكن مشيت على حاجة لكن مش معدن .. أو معمولة مثلا خرسانة Fairface يعنى ناعمة جدا ..
عامة حضرتك الحل تهدى السرعة شوية مش أكتر

**Ahmed Selim** · 09-12-2008 03:46 PM

بس الكاوتش له معامل مسك فى الأرض....grip
المعامل ده بيفرق من نوع كاوتش للتانى و بيقل مع الوقت حتى لو النقشة أنت شايفها سليمة....كل ده بفرض أن نوع الأرضية واحد.

أنصحك تكشف على الكاوتش فى بريدجستون.....ناس محترمة ومش بيضحكوا عليك ويقلولك أنه عاوز يتغير وخلاص.
أنا لسه كاشف على الكاوتش عندهم من 3 أسابيع وقالولى يمشى 10 الاف كمان.

مع العلم أن 60 ألف مش قليل خالص.

-

الموضوع: الكبارى المعدنية

LinkBack

أدوات الموضوع

عرض

الكبارى المعدنية - انشر الموضوع فى :

-

-

-

-

-

-

المواضيع المتشابهه

اللوحات المعدنية

طلوع الكبارى

اللوحات المعدنية الجديدة ؟؟؟؟؟؟؟

عندى فوبيا من المرتفعات و مسببه لى مشكلة فى الكبارى

اللوحات المعدنية الجديدة!!!!!

الكلمات الدلالية لهذا الموضوع

المفضلات

المفضلات

ضوابط المشاركة