كيفية تنظيف البوجيهات

**MoMohsen** · 08-12-2008 03:43 PM

انا عاوز اعرف طريقة تنضيف البوجيهات و بتتغير على كام مع العلم انى بستخدم Ngk يابانى و هى ما شاء الله كويسة جدا...
و ازاى اعرف اذا كانت البوجيهات محتاجة تنضيف او عاوزة تتغير
و يا ريت لو حد يعرف نوع كابلات محترم بس ميكونش غالى اوى زى الاسبليت فاير....مع الشكر مقدما

**sab3aawy** · 08-12-2008 04:46 PM

فيه طريقة جهنمية انا تعلمتها من احد تلاميذى فى مجال السيارات، هو ابتكرها وطلعت غير عادية

بيفك البوجيهات وينقع طرف الأشعال بتاعها(الشمعة والالكترود والأرضى) فى مية بكلور ويسيبها ربع ساعة كدة وبعدين يحرقها على البوتاجاز ربع ساعة تانية ، جربتها مرة وطلعت جامدة جدا

**MoMohsen** · 08-12-2008 07:06 PM

شكرا يا سبعاوى باشا على ردك ....هجربها ان شاء الله و اقولك النتيجة

**peugeoT** · 08-12-2008 08:40 PM

[align=center]شكرا لسبعاوي علي المعلومه الجميله والبيجوهات علي حد علمي ابسط حاجه لتنظيفها انك تغسلها بلبنزين كويس وياريت لو تعملها بصنفره مع الغسيل ... وجرب وإن شاء الله هتبقي تمام[/align]

**chihab18** · 09-12-2008 08:52 PM

للباشمهندس سبعاوي عندي سؤال
غيرت بوجيهات السيارة مرسيدس 200 معدله فتيس اوتماتيك ماتور بنزين من حوالي 4 اشهر بنوع فرنسي وكذلك الا بلا تين والكوندنسر وفحمه الاسبراتير ؛ وكانت قبل كده الماتور تحس انه صوته عاي و بيقطع ويبطل لو مشيت علي الهادي في الزحمة ؛وبعد تغير ما سلف ذكرة مشت السيارة كويس وصوت الماتور هادي لحد ما رجعت تاني من حوالي اسبوع تحس ان الماتور بيقطع بسيط وصوت الماتور عالي شويه والسحب ضعف و عند الضغط سنه بنزين ينصلح حال الماتور شويه ؛ في ميكانيكي شافها ؛ فقال لي غير طقم الكهرباء بالكامل (كابل + ابلاتين + بوجيهات + كوندنسر )وواحد تاني فك البوجيهات ونظفها وفك الابلاتين ونضفه فسارت السيارة احسن سنه من الاول؟
فالمهم عندي هل ده عيب كهرباء ؟
وايه نوع البوجيه والابلاتين والكوندسر المناسب لها علما بان لايوجد عندي كاتلوج لها ؟

وايه هو احسن كابلات ممكن تركب ؟ وفي حدود كام تقريبا ؟
مع العلم انه عند زيادة البنزين لا يحدث صوت فرقعه في الماتور ؛ ولا يوجد عادم اسود بيخرج من الشكمان واحيانا بلاقي مياه في الشكمان عند التدوير في الصباح ؛ والسيارة مجر د ما ادور تلقط علي طول بسرعه .
وواحد ميكانيكي ثالث علي الماشي لقيته بيحر ك مر وحه الماتور بيدة والعربيه مش دايرة وبعدين قالي المروحه تقيله ليه ؟ ومفهمتش قصدة ايه ؟ هي المروحه ممكن تتحرك باليد من غير دوران الماتور ؟
ومعذرة علي الاطاله

**zizophone** · 10-12-2008 04:21 AM

المشاركة الأصلية كتبت بواسطة sab3aawy

فيه طريقة جهنمية انا تعلمتها من احد تلاميذى فى مجال السيارات، هو ابتكرها وطلعت غير عادية

بيفك البوجيهات وينقع طرف الأشعال بتاعها(الشمعة والالكترود والأرضى) فى مية بكلور ويسيبها ربع ساعة كدة وبعدين يحرقها على البوتاجاز ربع ساعة تانية ، جربتها مرة وطلعت جامدة جدا

متاكد من الحوار دة لاني ناوي اعملة في الشاهين بكرة