كيفية استخدام منظف دورة الوقود

**mero100** · 31-07-2017 01:40 AM

يا ريت لو حد من الاعضاء جرب منظف دورة الوقود يشرحلنا استخدمة ازاي .. و يقولنا الملاحظات ..

قرأت طرق كتير مختلفة للاستخدام بناء علي تجارب الناس ..
زي مثلا موضوع تغيير فلتر البنزين قبل استخدام المنظف .. و تغيير زيت الموتور بعد استخدام المنظف . . . .

مش عارف الصح ايه ؟؟؟

و شكرا جزيلا .

**salam100100** · 31-07-2017 11:48 AM

هقولك انا بعمل ايه

لما التنك بيوصل للربع- بروح محطه البنزين وبشترى المنظف ماركه stp وبحطها فالتنك وبعد كدا بفول فول تنك

بمشى عادى جدا لا بقرص ولا حاجه
بلاحظ بعد فتره لما التنك بيقرب يخلص ان اداء المحرك بقى انعم والتجميع بيكون احسن حاجه بسيطه

بستخدمه اول مبلاحظ ان العربيه بتتاخر فالدواره فنص اليوم

فى ماركه جبتها مش فاكر اسمها ايه لكن هى علبه زرقاء وحجمها كبير وكانت اغلاهم- بعد ماستخدمتها لاحظت ان العربيه بتستهلك بنزين اكتر من الاول معرفش ليه

**ehabahmed0** · 31-07-2017 03:14 PM

اخي العزيز ...
املا التانك تفويله كامله وحط عليهم المنظف اللي انت اشتريته مش مهم التفويله ولا المنظف اللي يتحط الاول كده كده هيختلطوا ببعض لانهم الاتنين مواد بتروليه متجانسه.

**م.محمد مجدي** · 01-08-2017 11:44 AM

المنظف دا بيتباع في محطة بنزين معينة و لا كله زي بعضه ؟ !

**ehabahmed0** · 01-08-2017 05:25 PM

المشاركة الأصلية كتبت بواسطة م.محمد مجدي

المنظف دا بيتباع في محطة بنزين معينة و لا كله زي بعضه ؟ !

في اي بنزينه او هايبر كبير بس خليك في الانواع النضيفه من المنظفات زي ( ليكومولي او stp)

**shablol** · 31-08-2017 01:36 PM

السلام عليكم جميعا . اسمحوا لي اوضح انه يوجد منظف دورة بنزين و يوجد منظف انجكشن . و ايا منهما يضاف للتانك مع ملوه ب 30 لتر ثم عمل مشوار بالعربية لاهلاك 20 لتر تقريبا لان المنظفات دي ممكن تاكل الوصلات البلاستيكية في دورة البنزين ثم بعد عمل المشوار الطويل ترح البنزينة تفول العربية و تروح البيت .
هذه المنظفات رائعة جدا للعربية و بتخلي الموتور يفوق جدا .
وافضل نوع كان من انتاج شركة ابرو الامريكية