أين لمبة Abs في تابلوه جين2 ؟

**saidbakr** · 08-12-2008 11:00 PM

في أغلب السيارات ألألماني و الياباني اللي فيها Abs بيبقى فيه لمبة Abs بتنور في التابلوه مع أول سنة كونتاك أثناء التدوير. اللمبة دي بتنور بس ساعة التدوير و بتطفي بعد كدة، زيها زي لمبة الزيت و شحن البطارية، و إذا كان فيه مشكلة في Abs فإن اللمبة دي بتفضل منورة على طول.

كنت بتفرج عل جين2 في معرض و لما حاواوا يدوروها ما لاقتشي اللمبة دي في التابلوه؟!!!
هل ده يعني انها ما فيهاش Abs؟! و لو فيها Abs و اللمبة دي موش موجودة، يبقى الواحد يعرف إزاي إن Abs شغال و سليم في العربية قبل ما يمشي بيها.

أرجو إن ما حديش يقولي زي ما الاستاذ اللي كان بيفرجني على العربية " هتحس بالعربية و انت جاي تضرب فرامل !!!" يبقى في الحالة دي كل سنة و انتوا طيبين و نبقى نتقابل عند اول شجرة و لا صور البس فيه.

**ahmad alshaaer** · 08-12-2008 11:48 PM

موجوده في الطابلوه اخي علش شكل سياره بتنزلق
ولونها اصفر
وال abs على قد ماهو حلو بس ليه دوسه معينه مش هتفهمها الا لما تتعود عليه لان مهمته هي مانع للانغلاق والانزلاق
يعني بيساعدك فقط مش اكتر
لكن مش معناه زي ماناس كتير فاهمه انك هتدوس هتقف حالا

**saidbakr** · 09-12-2008 12:03 AM

ايوة بالضبط، انا فاهم انه ما لوش علاقة بسرعة الوقوف و ما هوش سحر، هو بس ليه علاقة بشكل الوقفة، يعني ما بيخليش العربية تعمل عجلة من العجل محور تلف حواليها ( تعوم ) لأنه ما بيخليش العجل يفقد الدوران كليا.

ده كلام جميل عن Abs و لكن يا ترى فيه برضو لمبة تانية للـ Ebd؟

**ahmad alshaaer** · 10-12-2008 04:47 AM

نفس اللمبه واي عطل في اي عجله هتنور اللمبه دي وتفضل ثابته

**saidbakr** · 10-12-2008 12:25 PM

المشاركة الأصلية كتبت بواسطة tweety26980

نفس اللمبه واي عطل في اي عجله هتنور اللمبه دي وتفضل ثابته

طيب يا باشا، انا لي عندك طلب صغير، و معليش استحملني، أصلي تعبتك معايا شوية، ممكن بس بكاميرة المحمول بتاعتك تصور اللمبة دي و تبعت الصورة علشان أعرف شكلها بالضبط. ده بالطبع إذا كان ممكن.

**ahmad alshaaer** · 11-12-2008 09:59 AM

ياباشا مش محتاجه كاميرا ولا حاجه
كل مافي الموضوع انها داخل عداد الار بي ام ولونها اصفر تاني لمبه من تحت في مجموعة دوران اللمبات

**M.Nabil** · 11-12-2008 11:47 AM

دي علامة ال ABS الموجودة في عداد ال ار بي ام , تاني علامة من اليمين, ودي الصورة بتاعتها

**saidbakr** · 11-12-2008 11:52 AM

و الله مشكورين جدا. و يا ترى برضوا فيه لمبة للـ Ebd؟

**M.Nabil** · 11-12-2008 12:31 PM

دي صورة مفصلة لعداد الار بي ام ومحدد مكان ال ABS بالنسبة لل EBD انا مش شايف اي لمبة متعلقة بيها.

**saidbakr** · 11-12-2008 04:05 PM

مشكور جدا يا باشا على تعبك في عرض الصورة المفيدة دي. بس طيب لو فيه مشكلة في Ebd الواحد هيعرف إزاي؟

الموضوع: أين لمبة Abs في تابلوه جين2 ؟

LinkBack

أدوات الموضوع

عرض

أين لمبة Abs في تابلوه جين2 ؟ - انشر الموضوع فى :

-

-

-

-

-

-

المواضيع المتشابهه

لمبة تابلوه الايفو

استفسار عن لمبة تحذيرية في تابلوه البونتو

لمبة غريبة في تابلوه 406 منوره !

لمبة منورة في تابلوه الفيكترا سي

لمبة غريبة في تابلوه الفيرنا

الكلمات الدلالية لهذا الموضوع

المفضلات

المفضلات

ضوابط المشاركة