ازالة خدوش الزجاج

**fast_car** · 09-12-2008 02:10 AM

حد يعرف اى وسيلة او مادة لازالة الخدوش بالزجاج الامامى نتيجة تجريح المساحات
بصراحة حاجة صعبة قوى

**محمد بازيد** · 09-12-2008 11:09 AM

أضم صوتى لصوتك وياريت حد من الاخوة الافاضل يفيدنا ازاى الخدوش دى تتشال لانها مقرفة قوى وخاصة بالليل

تقبل تحياتى ومنتظرين الرد قريبا

**hero** · 09-12-2008 01:22 PM

في ناس متخصصين في صيانة جروح وخدوش بل وشروخ الزجاج....بس دول بيكون عندهم مش مواد خاصة بس ..لا دول عندهم زي اجهزة مخصوصة بيتم فيها تسخين ونشر المادة دي علي سطح الزجاج ....بحيث انها تعالج كل شيء فية...

انا شفت دة عن طريق الصدفة ...
عربية الشغل (تويوتا هاي لوكس 2008 ) طوبة علي الدائري عملت شرخ بطول حوال 8 سم من ناحية السواق...وطبعا في التراخيص (فحص كل سنة علشان نقل) لو شرخ ذي دة هايطلب تغيير الزجاج الامامي كلة (2200 جنية في التوكيل)...

السواق راح عند واحد متخصص في علاج خدوش وشروخ الزجاج....انا ما صدقتش الا لما شفت العربية بعد ما رجعت....من برة ولا كأن فيها اي شيء...وحتي من جوة ...الشرخ شكلة مختفي ...ما تشوفش بقاياة الا لو دققت قوي...ودة لاني عارف مكانة....والحكاية دي اتعملت بـ 50 جنية بس...بس اخدت حوالي ساعتين..

وعموما للحفاظ علي زجاج السيارة:
يمنع منعا باتا تلميع الزجاج وهو جاف ....يعني من غير مية الاول...لان دة بيعمل زي سنفرة للزجاج لان التليمع بالفوطة وسطح الزجاج مليء بالتراب بيسنفرة...وعلشان كدة لما بيجي بتاع الموقف يلمع العربية بقولة سيبها وهاحاسبك...فبيسبها ...وامري لله بادفع علشان سابها زي ماهيه...

وبرضة ممنوع تشغيل المساحات من غير مياة....تجريح وسنفرة للزجاج....ومطلوب فحص كاوتش مساحات الزجاج من فترة لاخي للتاكد من ليونتة وعدم تآكلة..

**fast_car** · 10-12-2008 02:36 AM

طيب فى حد ممكن يعرف الادوات دى بتتباع فين

http://www.youtube.com/watch?v=cUzQh...eature=related

http://www.youtube.com/watch?v=1FwIC...eature=related

**meeezo333eg** · 10-12-2008 02:50 AM

و اعرف كمان ان بتوع تصليح الشروخ دول بيعملوا حاجة اسمها التلميع الساطع

**fast_car** · 12-12-2008 01:56 AM

يا جماعة مافيش حد عندة حل اكيد

**shering** · 12-12-2008 02:41 AM

فية واحد اسمة دكتور خالد في مدينة العبور بيصلح الزجاج --في الحي الاول --مول الحجاز وواحد ثاني في حلمية الزيتون وانت خارج من محطة المترو -تحت الكوبري من علي ايدك اليمين بردك بيصلح شروخ الزجاج

**ahmad7610** · 30-12-2008 03:39 PM

المشاركة الأصلية كتبت بواسطة shering

فية واحد اسمة دكتور خالد في مدينة العبور بيصلح الزجاج --في الحي الاول --مول الحجاز وواحد ثاني في حلمية الزيتون وانت خارج من محطة المترو -تحت الكوبري من علي ايدك اليمين بردك بيصلح شروخ الزجاج

-
هو دكتور خالد أو كما اسميه الساحر خالد .. تقريبا فى فرع فى كل محافظة له
-
بس أهم حاجة تروحله أول ما تكتشف الشرخ لان الوقت بيفرق جامد فى علاج الشرخ
-
والنتيجة بتتكون باينة فعلا و هايلة

**zizophone** · 07-01-2009 12:28 AM

دكتور خالد دة شركة نضيفة بجد وعن تجربة

**matrix7570** · 07-01-2009 01:03 PM

انا روحت للدكتور خالد ده من حوالي سنة و كان عندي خدوش من المساحات و قالي انه بيصلح بس الشروخ و ليس الخدوش رغم انه عنده الجهاز بتاع مسح الزجاج من الخدوش لكنه قالي انه فشل لانه بعد المسح بيسيب دوائر بتبان بالليل مع انعكاس الضوء عليه.

أحمد سعيد