Tiguan or X1

**Mahmoud_Hosny** · 12-08-2017 06:50 PM

السلام عليكم:

محتار بين السيارتين .. الميزانية الموجودة كافية اما تيجوان الفئة الثانية 670 الف بسقف متحرك او X1 الفئة الاولى 690 الف

افيدونى بمقارنة شاملة من فضلكم علما بالتالى :
عاوز سقف بانوراما

سيارة واسعة وعائلية

Navigation

وشكرا جزيلا

**aBdallah.FaRes** · 31-08-2017 02:58 AM

التجوان اكبر بفرق محترم شنطة أوسع متور اقوة تكلفة تشغيل اقل سقف بانوارما ، هيه افضل من X1 فى كل شىء فتيس صفر مشاكل ، يعيب التجوان توكيل سىء ، ميزة x1 اعتقد اعادة البيع افضل

**Mahmoud_Hosny** · 04-09-2017 02:38 PM

شكرا للتعقيب

حاليا الميزانية ارتفعت الى اعلى فئة فى العربيتين

new X1 with a new motor 2000 cc turbo with horse power 193
والشنطة بتفتح كهربا والشاشة الداخلية بقت اكبر وفيها GPS بالأضافة الى كراسى جلد طبيعى

ولسه بفكر وخاصة ان التيجوان واسعة .. ياريت حد يفكر معايا ولكم جزيل الشكر

**aBdallah.FaRes** · 05-09-2017 05:30 AM

السلام عليكم ، اولا كافئة ، فا التيجوان فئة اعلى من الإكس ١ ، ثانيا ، شركة بى ام ديبو مش مهتمه بى السيارة لانها اقل سيارة عندها وديما يفضّل انك متشتريش اقل كاتجرى لان الاهتمام بيه مبيكنش على المستوى المطلوب ، ثالثا مصاريف تشغيل وقطع غيار الإكس ١ اكثر بكثير من التيجوان ، رابعا التيجوان اكبر وعمليه واعتمادية عن الإكس ١ ، خامسا التيجوان باعت ٢.٨ مليون نسخة أكثرها فى أوربا ، الإكس ١ باعت ٧٠٠ الف نسخة ، فانا شايف انى التيجوان فيها كل شىء ممكن حضرتك تحتاجة فى الفائة الثانيه سعرها ٦٧٠ الف يعنى فى فرق ٧٠ الف جنيه ، وتعتبر فلكس فاجن افضل لانهم احسن فى نظام الدفع الامامى ، لان الإكس ١ اول سيارة دفع امامى تنتجها الشركة يعنى كا دنيماكيا ف التيجوان افضل كراحة

**aBdallah.FaRes** · 05-09-2017 05:32 AM

فى معلومة من عند الطارق انهم احتما يضيفو ابشن جديد على التيجوان فى الدفعه القادمة ، انا زى حضرتك بفاضل بنهم

**Mahmoud_Hosny** · 05-09-2017 02:16 PM

طيب حضرتك عرفت ايه الجديد فى التيجوان وامتى هتنزل ؟

انا روحت التوكيل فى العبور ملقيتش العربية معروضة وقالوا ان العربية اللى كانت هناك بعتوها الساحل الشمالى للدعاية !

**aBdallah.FaRes** · 05-09-2017 02:42 PM

روح صالة الطارق اللى فى مول العرب لانه هوه اللى يعتبر مسيطر على التيجوان فى مصر وجواب استيراد السيارة بيكون بى اسمه ، هوه قلى احتمال فى الدفعة القادمة هيكون فى زيادة فى الأبشن بتاع السيارة ، بس مش هيقدر ياكدلى الكلام غير لما الدفعه تكون قربت توصل مصر أتواصل معاهم وى افهم منهم وى ممكن تتفرج على السيارة عندهم

**Mahmoud_Hosny** · 06-09-2017 06:14 PM

المشاركة الأصلية كتبت بواسطة aBdallah.FaRes

روح صالة الطارق اللى فى مول العرب لانه هوه اللى يعتبر مسيطر على التيجوان فى مصر وجواب استيراد السيارة بيكون بى اسمه ، هوه قلى احتمال فى الدفعة القادمة هيكون فى زيادة فى الأبشن بتاع السيارة ، بس مش هيقدر ياكدلى الكلام غير لما الدفعه تكون قربت توصل مصر أتواصل معاهم وى افهم منهم وى ممكن تتفرج على السيارة عندهم

الاوبشن الجديد هيكون حاجة زيادة فىةالشاشة بس مش gps والعربية هتغلى ١٠٠٠٠ جنيه

**aBdallah.FaRes** · 07-09-2017 03:36 AM

اخى الفاضل اللى أعرفة انى الأبشن هيذيد فى جميع الفئات ( يعنى هيكون اذيد من الشاشة ) وى اللى اعرفه ايضا انى السيارة سعرها يرخص لسببين الاول لانخفاض سعر الدولا وبالفعل جميع الشركات رخصت اسعرها حتى الإكس ١ سعرها رخص وحتى ومديلات أودى التابعة لنفس الوكيل سعرها رخص ، السبب الثانى انى فى اول ٢٠١٨ سوف تقل الضريبه على السيارات المستوردة من أوربا بمقدار ١٢٪ ، يعنى السيارة سوف يرخص وليس العكس ، الا لو ارتفع سعر الدولار او الا انى الوكيل يضيف عليها ابشن اذيد بكتير ليعوض فرق السعر

**Mahmoud_Hosny** · 07-09-2017 10:04 PM

اتمنى ذلك ولكن معلومة الشاشة وزيادة السعر هى من مندوب الطارق

وبالنسبة ل x1 السيارة الفئة العالية منها زادت من 760 الى 820 الف جنيه ولكن الاضافات اللى زادت فيها قيمتها اكثر بكثير من زيادة السعر وده لأن السيارة اصبحت تجميع محلى وبالتالى الضريبة انخفضت كثيرا

والزيادات فى x1 كالتالى
موتور 2000 cc بقوة 192 حصان 4 سلندر بدلا من موتور 1500 بقوة 136 حصان 3 سلندر
شاشة امامية اعتقد 8.8 بوصة وبها gps بدلا من 6.5 بوصة بدون gps
كراسى جلد طبيعى بدلا من القماش
شنطة سيارة كهرباء بدلا من اليدوى
head up display
2 فتحة شكمان بدلا من واحدة

واخيرا اتمنى فعلا ان سعر السيارات ينزل ولكن على مر الزمن اللى اتعلمته ان اللى بيغلى مبينزلش تانى ف ىمصر بغض النظر عن سعر عملة او تفعيل اتفاقيات تجارية وخلافه