الموضوع: محتار اشتري انهي عربيه

السلام عليكم اعضاء المنتدي الكرام ...
لو سمحتم انا كنت عاوز اشتري عربيه جديده و حاططلها ميزانيه من 200 ل 250 الف و دي اول مره ليا اشتري الحقيقه و كنت بدور علي حاجه تكون مشاكلها قليله و قطع غيارها رخيصه و دي اولويتي لاني مش عاوز ادوخ علي قطع غيار و تطلع مضروبه او يتنصب عليا فيها
ناس قالولي نيسان صني بلاش عشان توكيلها سىء و سمعته زباله و فيها مشاكل في الفرامل
و ناس قالتلي اكسنت اعطالها كتير و قطع غيارها غاليه
و ناس قالتلي بلاش لانسر لان قطع غيارها غاليه جدا
و الالنتر ال hd تقفيلها مش اد كده و بتفك مع الوقت

فحضراتكم تنصحوني بايه لو سمحتم

شكرا...

ناس قالولي نيسان صني بلاش عشان توكيلها سىء و سمعته زباله و فيها مشاكل في الفرامل
انا من ملاك الصنى بقالها معايا 3 سنوات- التوكيل معنديش مشكله معاه- بعمل صيانه مع السبع فرع زهراء المعادى ومعنديش مشكله فالفرامل

الشريحه دى من 200 ل250 الف شريحه قطع غيارها مش هتكون قليله زى الشريحه الاقل زى لانوس وفيرنا
هو فعلا العربيات اللى حضرتك مختارها هى دى المتقاربه وممكن تزود الاوبترا ولوجان
الاختيار مش سهل
انصح حضرتك انك تاخد وقتك- اتفرج عليهم كذا مره- لو ينفع تجربهم- اسال ملاكهم على الطبيعه
يمكن دا يساعدك اكتر فاخد القرار
والتوفيق