متابع بإهتمام
رقم العضوية : 200446
تاريخ التسجيل : 21Aug2017
المشاركات : 4
النوع : ذكر
الاقامة : Mansoura
السيارة: None
السيارة[2]: 128 fiat
الحالة :
السلام عليكم ورحمة الله وبركاته
لو سمحتم انا بادور علي عربيه. اشتريها ليا ولاسرتي وكنت عاوز حاجه ماتزيدش عن 30 الف وفي نفس الوقت مش عايز 128 عاوز عربيه ينفع يركبلها تكييف ماتور قوي ترشحولي ايه ؟ ارجو الافاده دي تاني عربيه اشتريها في حياتي ومحسوبكم مبتدئ
رقم العضوية : 148915
تاريخ التسجيل : 20Sep2013
المشاركات : 1,350
النوع : ذكر
الاقامة : المنصوره-العاشر من رمضان
السيارة: Terios 2000
السيارة[2]: lanos2013&tempra 93
دراجة بخارية: No
الحالة :
متابع بإهتمام
رقم العضوية : 200464
تاريخ التسجيل : 22Aug2017
المشاركات : 6
النوع : ذكر
الاقامة : cairo
السيارة: honda
السيارة[2]: excel
الحالة :
الهيونداى اكسيل - او السيات ابيزا - او كيا برايد - الشاهين
الاكسيل الهاتشباك هتلاقيها فى رنج الـ 30 والسيدان هتعدي الـ 30 بشويه ( يعني الهاتشباك من 25 وانت طالع كده لحد ال 35 والسيدان من 30 لحد ال 45 ) على حسب حالتها
والفرق بينهم ان السيدان عمليه اكتر عشان شنطتها كبيره انما الهاتشباك يا دوبك شنطه تاخد الاستبن
اما من ناحيه الاداء الهاتشباك افضل فى الثبات على الطريق من السيدان بعكس السيدان خفيفه شويه
بطبيعتها مفيهاش مشاكل فى الماتور والتبريد والكلام ده وعربيه محترمه جدا فى الميكانيكا بتاعتها ( وعن نفسى معايا الاكسيل بقالها تلت سنين مفيش مسمار اتحل من الماتور ولا اشتكيت منها قبل كده )
اهم حاجه تشتريها من حد محافظ عليها وتخلى ميكانيكي بتثق فيه يبص عليها
- فى منها نوعين ( الـ 1500 والـ 1300 ) وعشان التكييف لازم تجيب الـ 1500 ولو هتشتريها مكيفه تأكد ان التكييف شغال ( عشان فى ناس ممكن تقولك التكييف متركب اهو وعايز شحن وتتفاجئ ان العربيه مفيهاش تكييف اصلا والكلام ده حصل مع واحد صحبى ) لان العربيه نفسها بتنزل مجهزه للتكيف فطبيعي تلاقى فتحات الهواء ف التابلوه والخراطيم فى الحوض لكن السربنتينه والكبآس اوقات مبيكونوش موجودين ودول تمنهم بتمن تكييف جديد وتشغلو وبنفسك جوه العربيه قبل ما تشتريها
اما ال 1300 هيكون تقيل عليها التكييف شويه والعربيه هتسخن منك كتير وتمامها 6 شهور والتكييف هيجيب اجلها
وتاكد ان الماتور 1500 وسيبك من الثابت على الرخصه ودي هيعرفها الميكانيكي
مشكله الاكسيل بقى هتقابلك فى العفشه بتاعتها ولو ساكن ف مكان كلو شوارع مكسره منصحكش بيها عشان هتجدد عفشه كل اربع خمس شهور وده بسبب ان العربيه واطيه
السيات الابيزا معنديش عنها فكره كبيره بس اسمع انها ممتازه جدا بس فيها مشاكل فى التبريد هتقابلك كتير
الكيا برايد بقى نسخه من الاكسيل وعلى السمع من زمايلى اللى معاهم البرايد انها افضل بكتير من الهيونداى بس دي حاجه متاكدتش منها بنفسى
انا قولت الفكره كامله عن الاكسيل لانها معايا وبصراحه مجربتش بقيت الانواع اللى كتبت عنها بس انا بقول على السمع فقط
ونصيحه اخويه متتسرعش افضل اسال وافهم واستفسر من كل حد تلاقى عندو حتى ولو ربع معلومه علشان وقت لما تجيب حاجه تجيبها بنفس مرضيه
اها صحيح علشان فى مضليين كتير ممكن تقابلهم ويدوك اسامى عربيه تفرح بماركتها بس هتتعبك جدا لو فكرت تجيب حاجه منهم
زي السكودا فليشيا والفورد سكورد والبيجو والكلام ده بس اوعى تقرب من النوعيات دي لان قطع غيارها غاليه جدا وبعدين مش اى حد بيشتغل فيهم لقدر الله لو عطلت فى يوم مش هتلاقى حد يدورهالك او يشتغلك فيها
تحياتى
رقم العضوية : 200446
تاريخ التسجيل : 21Aug2017
المشاركات : 4
النوع : ذكر
الاقامة : Mansoura
السيارة: None
السيارة[2]: 128 fiat
الحالة :
الف شكر ياباشا علي ردك وعلي المعلومات اللي حضرتك قدمتهالي فعلا الاكسل كويسه بس فعلا المطبات عندي كتير وانا كنت هاجيب سكودا بس الناس حذرتني من حرارتها رجعت في كلامي تاني والشاهين ناس كتيره قالتلي انها مقلب كبير عشان كده خوفت منها انا سمعت كلام حلو عن السوزوكي سويفت انت ايه رايك في معلومات عنها تفيدني بيها؟
رقم العضوية : 200446
تاريخ التسجيل : 21Aug2017
المشاركات : 4
النوع : ذكر
الاقامة : Mansoura
السيارة: None
السيارة[2]: 128 fiat
الحالة :
وبالنسبه للريجاتا هل تنصحني بيها والا لا؟
رقم العضوية : 200541
تاريخ التسجيل : 26Aug2017
المشاركات : 18
النوع : ذكر
الاقامة : الاسكندريه
السيارة: ايديا
السيارة[2]: ايديا
الحالة :
نفس الموضوع بالنسبالى وجبت عربيه ايديا
سعرها كويس موديل عالى باور وسنتر وتكييف وكل حجه الا الصيانه بتاعتها مدوخانى محدش بيفهم فيها
رقم العضوية : 200446
تاريخ التسجيل : 21Aug2017
المشاركات : 4
النوع : ذكر
الاقامة : Mansoura
السيارة: None
السيارة[2]: 128 fiat
الحالة :
حاليا انا معايا في نطاق 38 ل 40 الف وانا من الدقهليه بالاخص من مركز ميت غمر وطبعا الطرق عندنا ما اقدرش اوصف شكلها وعايز حاجه غير الفيات 128 يكون ليها قطع غيار متوفره حواليا وبسعر معقول وتكون حالتها كويسه مش محتاجه ينصرف عليها تنصحوني بإيه انا عارف ان مطلبي غريب بس انا بادور علي حاجه تكون حاله ارجوكم الافاده عشان برده قدامي اوبل فيكترا 95 1600 سي سي ب 40 الف شكلها من الصور كويسه بس محتاجه معاينه وعلي حسب كلام البائع زيرو دواخل مانوال واكسل هاتشباك 96 برده 40 الف ياتري انهي انسب؟ ولو في ماركات انسب تنصحوني بإيه؟
رقم العضوية : 200464
تاريخ التسجيل : 22Aug2017
المشاركات : 6
النوع : ذكر
الاقامة : cairo
السيارة: honda
السيارة[2]: excel
الحالة :
السوزوكي سويفت جميله بس مشاكلها كتير جدا فى العفشه بتاعتها وبعدين المشكله الاكبر انها مش عربيه بتاعت سوق يعني لو فى يوم ربنا كرمك بقرشين وحبيت تبيعها وتجيب اعلى هتاخد وقت كبير فى البيع
السويفت تقريبا هى نفس الاكسيل بمميزاتها وعيوبها بس هيفرق معاك ان شنطتها صغيره جدا ( يعني مش عمليه نوعا ما )
اللى يختلف ان السوزوكي سويفت قطع غيارها غاليه مقارنه بالاكسيل بكتير
ده غير ان الاكسيل قطع غيارها متوفره انما السويفت هتدور شويه عقبال ما تلاقيها ؟
وموضوع السكودا الفليشيا بتاع الحراره ده فعلا موجود لانها كان فيها عيب صناعه اصلا فى شغل التبريد بتاعها
وهتلاقيها دايما محتاجه شغل تبريد ودايما بتجيب وش سلندر يعني كل اربع خمس شهور هتقعد تحل وش وتشقط وتجيب جوانات وموال ازرق
يعني لازم تعمل حسابك ان اى عربيه فى تحت الـ 50 الف هتلاقي فيها مشاكل حتى لو جايبها ع المفتاح
لو تقدر تعلى المبلغ اللى معاك شويه لحاجه فوق الخمسين كده اصتادلك حته لانسر كريستاله وتبقى عملت مع نفسك الصح وزياده
بس منصحكش بالسويفت هتتعبك فى شغلها
رقم العضوية : 200464
تاريخ التسجيل : 22Aug2017
المشاركات : 6
النوع : ذكر
الاقامة : cairo
السيارة: honda
السيارة[2]: excel
الحالة :
الريجاتا ممتازه جدا
مميزاتها طبعا معروفه انها عاليه عن الارض وعربيه مشاكلها قليله ف الميكانيكا
وعزمها قوي جدا
عربيه بنت ناس من الاخر ومناسبه لاى حد عايز يجيب عربيه فى البدايه
وعيوبها بقى
التكييف بتاعها ضعيف شويه مقارنه باى عربيه غيرها
العربيه مشهوره بالباروما ( العزل فيها ضعيف جدا من تحت وبتعمل بارومه كتير )
قطع غيارها رغم انها متوفره بس مش هتلاقيها منتشره كتير
وقطع غيارها برده تقريبا غاليه شويه مقارنه بالموديلات القديمه
هى عربيه ممتازه جدا بس معنديش اى فكره عنها غير الحاجات اللى قولتها دي بس
ولو فكرت ف يوم تجيبها خد معاك سمكرى كويس وانت بتبص ع العربيات علشان موضوع الباروما ده
تحياتى
رقم العضوية : 200464
تاريخ التسجيل : 22Aug2017
المشاركات : 6
النوع : ذكر
الاقامة : cairo
السيارة: honda
السيارة[2]: excel
الحالة :
واكيد مش عارف تبيعها ولا لاقيلها زبون ههههههههههه
العربيات دي ليها ناس بتشتغل فيها بس قليلين جدا
اخويا من فتره جاب عربيه فورد اسكورت وكان عاجبو شكلها وماركتها وشدها سمكره وفنش وظبط الاداء وفعلا حولها لعربيه بنت ناس اوى وكان طالع بيها السما كل اللى يكلمو يقولو راكب فورد هههههههه
قعدت معاه اربع شهور وبعدين جابت وش سلندر فقرر يعمل عمره طالما كده كده هيحل المكنه
عايز اقولك عمل عمرتين للماتور فى تلت شهور ودفع تمنها 4 مرات وف الاخر رجعت لنفس عيبها قام رامي المكنه ونزل جاب مكنه كامله من بورسعيد بتمن العربيه مرتين برده وثبتها ع الرخصه وبعدين باعها بنص تمنها
ده كلو غير الدوخه اللى داخها ف الصنايعيه عشان يلاقى حد يعملو عمره للمكنه اول مره
نزل الحرفين ورشه ورشه وبقى يلف وراح شارع دمشق نفس الكلام وداخ السبع دوخات علشان يلاقى ميكانيكي يشتغل فيها وف الاخر جاب ميكانيكي حماار برده مش بيشتغل ف الفورد اصلا بوظهالو خالص
ده غير لما نزل يجيب ليها قطع غيار من عزبه شلبى ملقهاش وشارع دمشق نفس الكلام والحرفين نفس الكلام وقعد تلت اسابيع يجمع ف الحاجات دي قطعه قطعه و بقم يوفقولو حاجات مش بتاعتها عشان يشغلها وخلاص
المفضلات