I mean, I see the car every place in Sudia
عرض للطباعة
I mean, I see the car every place in Sudia
:B4_592:
عن تجربة واحد صحبي عنده العربية الاعلي adv. وحصل مشكله في التيل ومشكله الكسيت كله وتم تغيره وايضا حصل عند الصيانه علي نصف تكلفة الصيانه ...
وشوف حضرتك لما يحصل مشكله في الكماسيت او الماتور او اي شي تدفع القيمة كلها اي تزيد علي ثمن العربية ...
ولكن السؤال المهم هو الاتي ..
ليه التوكيل تويوتا وهي شركة محترمه انه لاتسمح لاي شركة اخري بان تستورد سيارة اخري الا من خلالها ... ؟؟؟ وده يحمي اي حد خليجي استرالي جنوب افريقي اي بلد ... حاجه غريبة!!!!!!!!!
استاذ اشرف كلام حضرتك مظبوط 100 ال 100 لكن خلينا نكون صرحا مع بعض أولا الحالة الي حضرتك قولتها طبعا حالة نادرة في الجنوب افريقي مابالك بقى بالخليجي الي تقريبا من الصعب جدا انك تلاقي عيوب تقفيل زي الي حضرتك قولت عليها لكن برضو هتفق معاك ان الأحتياط واجب والنقطة دي انا قولت قبل كده انها نقطة تفرق في الشرا والبيع.
لكن كل الي بقولو انت امام تجربة في ناس عندها استعداد تاخد المخاطرة وتوفر فلوس وناس تقولك أبقى في المضمون وادفع زيادة .. وانا من الناس بتاعة المضمون ..
المهم بقى والجديد ان الي انا اعرفو ان في ضمان على الخليجي من الوكيل نفسه .. فا ايه رأي حضرتك ؟
ببساطه حضرتك مش عاجبك الحنوب افريقى ما تجيبهوش وجيب اليابانى وبلاش جدال ان الجنوب افريقى اسوا او افضل لان ده مش هيفيد بحاجه وبعدين الفطيم وكيل هوندا مش تويوتا
وبعدين معلش يعنى لما اروح اخد عربيه ب 145000 الف جنيه وفيها موتور قديم (ضعيف على العربيه) وتكنولوجيا من سنة 2000 وكاسيت مش اصلى وعدادات مش لايقه على التابلوه وكل ده غير ان العربيه مفهياش abs ودى مصيبه انى ادفع 145000 الف فى عربيه مفهياش abs ده غير الكاوتشات الاصغر فى المقاس وعربيه مش مصفحه من تحت ده غير ان معلهاش ضمان كمان ولا فيه فوجات ......مش عارف اللى بيفكر كدا بيفكر على اساس ايه ويقولوا تقفيل اليابانى افضل بل بالعكس تعالى شوف عربيتى ولو ملقتش تقفيلها احسن من الخليجى يبقى ليك الكلام
انا حاطط فلوسى فى عربيه تويوتا سواء متجمعه فى جنوب افريقى او حتى مصر كفايه انها تابعه لتويوتا وتويوتا مش هتسمح لاى من شركاتها انها تغير سياستها وتجمع عربيه غلط او معيوبه لانها فى الاخر تابعه ليها وتابعه لاشرافها
وانا مش شايف اى ميزه فى الخليجى عن الجنوب افريقى بل التفوق للجنوب افريقى وفرق شاسع وجيب اى حد وفرجه على تابلوه الجنوب افريقى الفل اوبشن ونفس الكلام للخليجى عتلاقى الفرق شاسع
وبعدين لما توكيل تويوتا فكر يجيب تويوتا جنوب افريقى ده تفكير صح علشان نحصل على تكنولوجيا عاليه بسعر اقل لانها لو يابانى هتذيد حوالى 30 الف وعلى فكره الكامرى اللى فى الخليج مش يابانى ومع ذلك ماشيه كويس
وتقبلوا تحياتى
المشكلة ان شعبنا زي حضرتك يا ماندو ميحبش ابدا يطلع غلط في اي تصرف ولا يعترف ابدا ولازم حاجتو تبقى احسن حاجة حتى لو لقى فيها عيوب عشان ميحسش انو اتختم .. عن اي خليجي بتتكلم الي مافيهوش Abs يعني حضرتك مش عارف ولازم تفتي ؟!!! مينفعش تقول معرفش؟!!! , ياريت تروح تشوف الخليجي بنفسك .. الفطيم يا سيدي العزيز هو وكيل تويوتا في الإمارات ومش وكيل عادي لا وكيل شريك وهو وكيل هوندا في الامارات ووكيل جيب ودودج وغيرها.
ومين بقى الي قالك ان الموتور القديم القديم ضعيف على جسم العربية انا جربت تجربة شخصية بنفسي هو هو نفس التسارع مع انهم كاتبين ان الموتور الجنوب افريقي عدد احصنة اكبر بفرق واضح عن الياباني والخليجي.
بقيت الكلام مش هرد عليه الي هو زي تكنولوجيا قديمة من سنة 2000 فعلا عندك حق المفروض ياخدو برأي حضرتك بعد كده في مقر الشكرة الأم في اليابان على التكنولوجيا.
وكل عام وانتم بخير
على فكره اقسم بالله العظيم الكلام اللى قولته انت ان كل واحد عاوز يقول على اللى معاه احسن حاجه ويقنع نفسه بكدا انى كنت عاوز اقوله ليك واترددت اقوله وقولت بلاش فى الاخر
وعلى فكره ما اسمحلكش تقولى انك بتفتى والكلام ده لانك مش صاحبى علشان تتهمنى اتهام زى ده لانى عارف السوق كويس وعارف انا الكورولا اليابانى الفل اوبشن هى بس اللى فيها abs
انا مليش دعوه بالامارات دلوقتى انت قولت ان الفطيم وكيل تويوتا فى مصر وانا قولتلك انه وكيل هوندا فى مصر مش تويوتا
وبالنسبه لمسالة ان الاتنين نفس القوه ولكن الجنوب افريقى بيوسعوا فى قوة الموتور احب اقولك ان الموتوريين يابانى يعنى الموتور للى العربيه الجنوب افريقى يابانى برضه وتكنولوجيا dual vvti انما الخليجى فيها vvti
وانا عندى حق ان الموتور dual vvti اقوى بكتير واسال اى حد فى المنتدى وعلى فكره انا جربت الخليجى بنفسى لقيتها نفس استجابة موتور a5 تقريبا فى السرعات الواطيه
استاذ أشرف انا عندي كورولا 2009 خليجي إماراتي رقم واحد يعني اعلى فئة وطبعا في ناس هتقولي جيبت ازاي 2009 واحنا لسه في 2008 انا مش هرد بيتهيقلي الناس الي عارفة في السيارات فاهمة.
في نفس الوقت الي كنت رايح اشتري فيه ابن عمي برضو قرر يجيب التقفيل الجنوب افريقي عشان الكماليات الزيادة .. الحقيقة العربيتين زي الفل زي ما قولت من الاول اني مش بعيب في الجنوب افريقي انتو ليه واخدينها اني بعيب انا بقول الإتنين زي الفل بس الراجل كان عايز نصيحة وأنا بديه رأيي.
بس عن تجربة انا وهو التسارع بتاع العربيتين (واحد) ليه بقى بيخدعونا بعدد الأحصنة الزايد في الجنوب افريقي ..
المهم خلينا في التجربة الواقعية .. ابن عمي مبسوط بالعربية ومبيشتكيش غير من الجير بوكس الجديد والمكيف والعفشة .. وبيتهيقلي العفشة مش مريحاه عشان لسه مكملش 10000 بس والحاجات دي معاليهاش كلام في الياباني بس العفشة قريبة منها عشان التليين برضو.
وليه حضرتك مجبتش مثلا A5 او جيت او باسات
بس بمقارنة الاستاذ mandooo اعتقد انه فعلا في فرق لصالح الجنوب افريقي ( انا بكلم علي الاماكنيات والاضافات ) --- اعتقد ان مكونات العربية الاساسية هي ياباني ده طبيعي مفهوش كلام بس هل فعلا العربية منزلتش الا في مصر بس !!!!!
الموضوع سعر عربية - والغريب الا عرفته اليوم ان كل العربيات غليت جدا الهوندا سيفك الا كانت ب 143000.00 اصبحت 149000.00 الهونداي ايضا زادة جدا بس التويوتا والاسكودا اسعارها زي ماهيا ....
واعتقد ان عربية حضرتك لما دخلت بها مصر وصلت علي الاقل 160000.00 او اكثر ...!!