انا قررت اجيب كورولا بس محتار بين الخليجى و الجنوب افريقى , و هل للكورولا الخليجى فى مصر أنواع مثل اللانسر :اردنى ,كويتى,سعودى أم هى نوع واحد؟
عرض للطباعة
انا قررت اجيب كورولا بس محتار بين الخليجى و الجنوب افريقى , و هل للكورولا الخليجى فى مصر أنواع مثل اللانسر :اردنى ,كويتى,سعودى أم هى نوع واحد؟
انا شوفت منها امراتى وكويتى
تقريبا الكويتى زياده جريد فى الجنب مش فاكر اوى الحقيقه
معظم العربيات الى شوفتها كويتى كانت نازله بجنوط وسنسور خلفى وقوج لايت بس بدون abs
ميزه الجنوب افريقى انها احدث من ناحيه المتور وفيها كماليات زياده وميزه اليابانى انها انظف فى التقفيل الداخلى والدهان الخارجى
فى خلاف بين اعضاء المنتدى حول الفتيس الماتى مود ناس بتقول انه ليه طريقه سواقه معينه وناس بتقول انه معيوب (المهم على حسب ما فهمت من اعضاء المنتدى والناس الى بره المنتدى انه مختلف عن الفتيس الاتوماتيك العادى والاستربترونيك )
الافضل انك تروح التوكيل تعمل تيست دريف للعربيه وبناء عليه تقرر لو عجبك توكل على الله وخلص فيها لو معجبكش خلص فى اليابانى
الفرق بين اول فئه يابانى واول فئه جنوب افريقى
الجنوب افريقى متور احدث daul vvti فتس مالتى مود وفرامل abs -ebd bas زراير فى الطاره للتحكم فى السى دى تعليه وتوطيه وتغير الاغانى (موجود فى اليابانى اعلى فئه كماليات )-لمبات فوق الشماسات -جنوط 16 +ضمان الوكيل
اليابانى زياده مرايات قابله للطى -فتيس اوتوماتيك -متور 1600 vvti -تقفيل يابانى جنوط 15
شكرا يا استاذ limo على مساعداتك و ردودك السريعة و ربنا يجعله في ميزان حسناتك
أخي العزيز الكورولا الخليجي الي في مصر في حدود معلوماتي سعودي .. لكن .. في السعودية نفسها نازل 8 فئات من الكورولا 2009 .. 4 فئات للموتور 1600 و 4 فئات للموتور 1800 انا الحقيقة مش عارف بقى هيا اي فئة بالظبط من الأربع فئات بتوع ال 1600 .. لكن برضو عشان الأمانة في علامات استفهام ان الموتور بتاع الكورولا الجنوب افريقي ده منزلش خالص في اي كورولا في العالم نزل في نوع كده مش فاكر اسمو بس من تويوتا في اوروبا .. فا اشمعنا نازل في مصر بس دونا عن بقيت العالم ثانيا هناك عن تجربة شخصية بعض الكاوي من ثبات الكورولا الجنوب افريقي على سرعات عالية من قرايب ليا واصدقاء يملكونها ولكن الخليجي لم يشتكي منها احد اعرفه إلى الآن .. اتمنى ان اكون قد افدتك .. ونصيحتي لك الخليج بالنسبة لتويوتا هو الدنيا وما فيها فخليك في الخليجي.
دى تكنولوجيا جديده من المواتير فى شركة تويوتا اسمها dual vvti ومحدش اشتكى خالص من التويوتا الجنوب افريقى برضه باستنثناء الفتيس فى الاول لانه طريقه النقل فيها مختلفه عن فتيس اوتوماتيك عادى انما دلوقتى ما فيش شكاوى نهائى
وعلى فكره بالعكس الكورولا الجنوب افريقى اثبت من اليابانى وعن تجربه برضه وعلى فكره التويوتا كورولا الجنوب افريقى تبع شركة تويوتا برضه مش تبع شركة تانيه
انا عارف يا سيدي العزيز ان المواتير تكنولوجيا جديده من شركة تويوتا برضو بس ليه منزلتش غير في مصر ثانيا ببساطة كده بلاش تويوتا اي عربية لو 128 متقفلة في جنوب افريقيا ب 30 % مكونات جنوب افريقية ولا متقفلة في اليابان او استراليا بيتهيألي وجهة نظري وصلت وفي النهاية مش معنى كلامي ان الجنوب افريقي وحش خالص بالعكس لكن من وجهة نظري الشخصية وحط تحت الشخصية دي 1000 خط الخليجي افضل لانها مصممة للحرارة العالية مع المكيف وشكرا.
يعني حضرتك دلوقتي من غير فلسفة من عندي كتير هشرحلك .. وكيل تويوتا في مصر هو الفطيم الي هو اماراتي الجنسية الي هو برضو وكيل تويوتا في الإمارات منزل في مصر الموتور التكنولوجي الخارق الجديد الي بتقول عليه ومرضاش ينزلو في الإمارات عشان مثلا الإماراتيين ممعهمش فلوس يشتروا عربيات اعلى من الكورولا فا مش هيعرفو الفرق ؟!!!!!!!!!!!!!!!!!! ولا يمكن عشان هو بيحب مصر اكتر من بلدو وعايز يخدم المصريين ؟!!!!!!!!!!!!!!!!!!!!!!! ولا يمكن ان تويوتا عاملة خدمة لمصر فا ادتها التكنولوجية الجديدة الرهيبة الخارقة الفظيعة السرية دي قبل اي دولة تانية عشان توطيد العلاقات المصرية اليابانية؟!!!!!!!!!!!!!!!!!!!!!!!!!! اتمنى قدرت اكون وصلت الحقيقة لناس كتير مكنتش واخدة بالها وكل سنة وانتو طيبين.
حرام ان الواحد ياخذ عربية من الخليج بسعر اعلي من التوكيل نفسه وهو 143000.00 اتوماتيك ------ بدون ضمان ده كلام وسيبك من موضوع المقارنه ازاي عربية بدون ضمان - ولما يحصل حاجه في العربية يبقي ادفع قيمتها وده كلام - لابد ان يكون سعر العربية اقل في حدود 15000.00 علي الاقل ......
والسؤال هل فعلا العربية الخارقة دي منزليتش الا في مصر فقط لا اعتقد انها ذلك فلابد انها نزلت في بلد اخري...
استاذ اشرف ياريت تسأل اي حد من الأعضاء اذا كان حد استفاد من الضمان اللهم الا لو في عيوب مصنعية وتعد تتحايل على الوكيل انو يغيرلك اي حاجة عالضمان وميرضاش ويدفعك اقرا تجارب الاعضاء .. ثانيا فرق السعر ده لأول مرة يكون فرق سعر حقيقي مش عرض وطلب أو سعر محطوط من الوكيل لأن التكلفة الفعلية لتصنيعها في استراليا او اليابان اكبر من تكلفة التصنيع في جنوب افريقيا وده بحكم العملة وسعر الأيدي العاملة ونقاط الميزة الإستثمارية .. وبعدين انا مكنتش راضي اقول تفاصيل عشان محدش من الي اشترى الكورولا الجنوب افريقي يزعل بس لأن العربية كويسة بس كلامي ده هيخليك تحس ان فيها حاجة مع انها نفس جودة الخليجي انا بس بقول الخليجي اضمن مش اكتر .. الناس الافاضل الي بيقولو المصنع في جنوب افريقيا بيصدر لالمانيا وانجلترا ودول اوروبا يا اخوانا اوروبا مابتاخدش من المصنع ده اساسا وعشان تبقو عارفين مافيش اصلا اي كورولا بتنزل المانيا .. بالبلدي مافيش عربية بالشكل ده بتتباع في اوروبا ولا حتى تحت اسم اوريوس فا ياريت منعدش عشان نرضى نفسنا نقول كلام مش حقيقي .. انا مش بقول العربية الجنوب افريقي وحشة بس اكيد في علامات استفهام ليه منزلتش غير في مصر بس .. ثانيا ليه الوكيل نفسه منزلهاش في بلده .. ثالثا انا مكنتش اعرف ان الضمان مش موجود على الخليجي فا دي مع ان تأثيرها ميقلبش الموازيين بس مؤثر برضو فا الامر في النهاية راجع ليك .. بكرر مرة تالتة السوق الخليجي ككل مش السعودية لوحدها او الامارات لوحدها لا السوق الخليجي كله بالنسبة لتويوتا كورولا بالذات هو الدنيا وما فيها وبيتهيقلي الي عاش في الدول دي وشافها او زارها عارف الكورولا في الشوارع زي النمل.
I Agree with Delpo at this point, just this month, I see the new Corolla in every place , I think the next view monthes, we will see the new corolla many many