هو ليه ياجماعه مفيش اي رد انا عايز اعرف اعمل ايه قبل مشتري ياتري اشتري بوابه واا حساس بس ولا انظف وعلي فكره انا اشتريت جهاز obd وكشفت علي العربيه بنفيي لقيتها مسجلة العيب دا
P0221 - Throttle Position Sensor B Circuit Range/Performance
رقم العضوية : 123323
تاريخ التسجيل : 18Apr2012
المشاركات : 12
النوع : ذكر
الاقامة : المنصورة
السيارة: سبرانزا 516
السيارة[2]: 128
الحالة :
السلام عليكم اهلا بجميع من فى المنتدي
الموضوع باختصار سيارتي اسبرانزا 516 فجأه لمبة الأعطال نورت (ebc) وفضلت كدا يومين وطفت لوحدها وبعد شهر تقريبا اللمبة رجعت نورت تاني والموتور مش عاجبني فى هزه كدا ورجه خفيفه زي ميكون البنزين وحش او الحرق وحش وبعدها بدات احس ان السحب وحش وبتستهلك بنزين وكمان بتطول شويه لما بدور العربية بس مش كتير (انا شاكك ان التقسيمه مش مظبوطة) فروحت للميكانيكي كشف كمبيوتر قالى انها مسجلة بوابة وان البوابة محتاجه تتغير طبعا لقيت سعرها جديد معدى الالف جنيه والاستيراد 450 جنية وفى ناس بتقولى ان دا مش استيراد وان اللى موجود مستعمل مفكوك من عربيات هنا يعني
فهل دا صحيح ولا لاء
وهل اغير البوابه فعلا طالما مسجلة بوابة فى الاعطال ولا امشي بالعربيه عادي خصوصا انها ماشيه عادي يعني لكن انا اللى حاسس بالمكنه لو حد تاني راكبها مش هيحس بالبرجله الخفيفه دي
وهل ممكن يتنظف او يتغير حساس ولا لازم البوابة كلها
ياريت تقولولى رأيكم
وشكرا للجميع
رقم العضوية : 123323
تاريخ التسجيل : 18Apr2012
المشاركات : 12
النوع : ذكر
الاقامة : المنصورة
السيارة: سبرانزا 516
السيارة[2]: 128
الحالة :
هو ليه ياجماعه مفيش اي رد انا عايز اعرف اعمل ايه قبل مشتري ياتري اشتري بوابه واا حساس بس ولا انظف وعلي فكره انا اشتريت جهاز obd وكشفت علي العربيه بنفيي لقيتها مسجلة العيب دا
P0221 - Throttle Position Sensor B Circuit Range/Performance
رقم العضوية : 63828
تاريخ التسجيل : 01Mar2010
المشاركات : 2,083
النوع : ذكر
الاقامة : القاهرة
السيارة: لانسر بومة 2008
السيارة[2]: بليزر k5 1980
دراجة بخارية: no
الحالة :
الى يفيد حضرتك حد عنده جهاز كشف اعطال ... بوابة الاسبرانزا مفيهاش ايدل ... و لو حتشترى بوابة استيراد اشترط على البائع انك تجرب البوابة الاول
ربنا معاك
رقم العضوية : 123323
تاريخ التسجيل : 18Apr2012
المشاركات : 12
النوع : ذكر
الاقامة : المنصورة
السيارة: سبرانزا 516
السيارة[2]: 128
الحالة :
تسلم ياباشا على ردك على الموضوع والحمد لله اتحلت المشكله وهذكر اللى حصل معايا عشان لو حد حصل معاه حاجه مشابهه مع ان محدش عبرني
اللى حصل معايا كان صدفة ربنا اراد انى ملفش كتير
انا كنت اجلت الموضوع يومين عشان اشتري البوابة لان زي محضرتك قولت كدا ان مفيش حساس وعرفت ان البوابه على بعضها المهم روحت بالفعل اشتريت البوابة والمفروض انى هروح تاني يوم اركبها جيت تاني يوم بدور العربية لقيت الكهربا ضعيفة جدا مش عايزه تدور وراحت فاصله خالص
جربت وصله ودورت وروحت على بتاع البطاريات اكتشفت ان البطارية فصلت خالص ومحتاج بطاريه جديده
ركبت البطاريه الجديدة ومعايا البوابة وطلعت من عند الراجل ببص فى التابلوه لقيت لمبة الاعطال طفت لوحدها مع ان قبل كدا طفتها بالجهاز كانت تطفى وتولع تاني
ومشيت بالعربية ماشيه كويس ومفيش اى مشكله روحت على الميكانيكي اتطمن برضه قالى جرب كدا يومين جايز البطاريه كانت السبب وان كهربتها ضعيفه وهى اللى عامله المشكله دى طبعا هو عيب غريب المفروض الكمبيوتر ميسجلش ثروتال بس المهم اللى حصل معايا ان العربية رجعت تمام ولمبة الاعطال طفت بمجرد تغيير البطارية ورايح ان شاء الله ارجع البوابة تاني
وشكرا للجميع
المفضلات