ممكن طريقه تفعيل نظام الايكوeco نيو لوجان اتومكاتك الفئه الثانية 2017
رقم العضوية : 201586
تاريخ التسجيل : 18Oct2017
المشاركات : 1
النوع : ذكر
الاقامة : Cairo
السيارة: Logan
السيارة[2]: Logan
الحالة :
بسم الله الرحمن الرحيم
بفضل الله و توفيقه و بعد بحث دئوب قدرت انى افعل كمبيوتر الرحلات و كام اوبشن تانى فى نيو لوجان الفئة الاولى زى وا وعدتكممانساش انى اشكر م. عبد الرحمن تركيا و الى ساعدنى و سلفنى وصلة ال ODB-II و الى قدرت انى اطبق البحث بيه
الموضوع ده اتعمل فيه مجهود محترم فارجو من الادمن انو يحفظ البوست ده فى البوست المجمع لاهم البوستات على المنتدى
ما اطولش عليكم و ابدا الشرح
اولا مسئولية اى اضرار ممكن تحصل لا قدر الله هتبقى مسؤليتك انت لسوء او جهل الاستخدام, الموضوع مجرب و شغال 100% فقط لو اتبعت التعليمات حرفيا و بلاش فضول لان فى خيارات كتير و اى حاجة غلط ممكن لا قدر الله تبوظلك عربيتك!
اولا هتحتاج تشترى وصلة ODB-II اصدار2.1 سواء الى بتشتغل بالبلوتوث و ممكن تشتريها من سوق من اللينك ده
https://goo.gl/jt4YHS
او الى بتشتغل USB و ديه الى انا اشتغلت بيها و مجربها (لازم تبقى اصدار 2.1)
ثانيا هتحتاج لابتوب و طبعا يكون مشحون كويس فبل ماتنفذ (اخر حاجه محتاجها ان الاب يفصل و انت شغال)
ثالثا هتنزل برنامج اسمه Python و ده هينزل من فايلين تحملهم بالترتيب و تصطبهم الاتنين فى نفس المكان عندك على ال C
اولا : https://yadi.sk/d/X1IbLHuh38M6Ec
ثانيا: https://yadi.sk/d/sg8Hh4WJ38M2zG
و Install فى المكان ده على اللاب بتاعك
C:\Python27
رابعا هتنزل البرنامج الى هنشتغل بيه و اسمه DDT4ALLو ده برنامج عمله مطور روسى بيغنيك عن ال CAN بتاعت الرينو و بيكتب على كمبيوتر العربية مش مجرد قراية
هتنزله كامل من هنا :
https://www.mediafire.com/…/jr70l8t2…/ddt4all-master%201.rar
هتفتحه و تعمل UNZIP و تحطه فى نفس الفولدر C:\Python27
انت دلوقتى جاهز للتعامل مع البرنامج
هتوصل ال ODB بال USBاو توصله بالبلوتوث فالكمبيوتر و هتوصل الطرف التانى فى فتحة ال ODB الى موجودة فى اخر درج التابلوه فى العربيةهتروح للفولدر بتاع DDT4ALL و هتفتح الفايل الى اسمه ddt4all.py
البرنامج هيفتح معاك و هتختار من فوق ال Port الى متوصل فيه ال ODB و بعدين هتعلم انت موصل USB ولا Bluetoothهتيجى عند ال Port Speed و تختار 38400 و تدوس Connect
الصفحه الرئيسية للبرنامج هتفتح و من اول هنا لازم الحرص الشديد لان الاخيارات كتير و اى اختيار غلط قد يؤدى الى نتيجة مضره بالعربية
اول حاجه هنعملها هنحط العربية على وضع الاستعداد للدوارة الى هى قبل المارش على طول و هندوس على الايكون بتاعت البحث فوق خالص على الشمال عشان البرنامج يبدا يتعرف على نوع العربية و هتدوس بعديها على CAN
هيلود شوية حاجات و نستنى لما يجيب 100% من تحتبعدين فى اول خانة على الشمال تحت الايكون بتاع البحث على طول هندور على X52-LOGAN/SANDERO II
ده كود وحدة التحكم الى موجودة فى اللوجان الجديدة
هننزل على الخانة الى تحتها و هنختار Tableau De Bord و ندوس عليها و هنختار من تحتها Cluster_X52-V4.6
دوس دوستين عليها
هننزل على الخانة الى تحتها و هنختار Cluster_X52-V4.6 دوس دوستين عليها
هننزل على الخانة الى اسمها Action و هنفتح General Configuration
هيظهرلنا كذا اختيار هندوس على General Configuration Screen 1
فى النص هنلاقى ظهرت صفحة كبيرة فىيها اختيارات كتير, هنا خلى بالك كويس ماتلعبش فى حاجه الا اذا انت عرفت ديه خاصة بايه
هنروح على الاوبشن الى اسمه TRIP_Computer_Typeو تحت Writing هنختار Volume/Millage و هنروح فوق على الشمال خالص و هندوس على الايكون بتاعت اينشتاين نفعلها و نرجع ندوس على ADAC
تحت خالص اخر الصفحة هتلاقى ثلاث خيارات هندوس على Prise En Compte Des Configuration
شاشة كمبيوتر الرحلات هتعمل ريستارت
مبروك انت فعلت كمبيوتر الرحلات
هتفصل ال ODB من العربية و اللاب و انت كده خلصت
انا لسه بستكشف البرنامج و هحدث البوست ده دايما بالاوبشنات التانية المفيدة فى البرنامجا
نا كتبت الشرح بتاع الموضوع للمنفعة العامة قاصدا وجه الله و دعوة طيبة و لكن لو حد شايف الموضوع صعب او ماعندوش الخبرة الكافية للتعامل او مش حابب يدفع فلوس و يشترى ال ODB
انا مستعد انى افعلهوله بمقابل زهيد نظير للمجهود الى اتبزل
ارجو ان يستفيد الجميع و انا موجود للرد على اى استفسار حسب الاتاحية ان شاء الله
تحياتى للجميع
م. سامر سعيد
1.jpg2.jpg3.jpg4.jpg5.jpg6.jpg7.jpg8.jpg9.jpg
رقم العضوية : 102868
تاريخ التسجيل : 09Jun2011
المشاركات : 36
النوع : ذكر
الاقامة : egypt
السيارة: هيونداي ماتركس
السيارة[2]: بيجو 305
دراجة بخارية: no
الحالة :
ممكن طريقه تفعيل نظام الايكوeco نيو لوجان اتومكاتك الفئه الثانية 2017
رقم العضوية : 41716
تاريخ التسجيل : 02Jun2009
المشاركات : 4
النوع : ذكر
الاقامة : cairo
السيارة: renault new logan
السيارة[2]: daewoo lanos
دراجة بخارية: no
الحالة :
انت برنس والله انك قدرت توصل لكل ده ومنتظرين الجديد
المفضلات