رقم العضوية : 201848
تاريخ التسجيل : 04Nov2017
المشاركات : 2
النوع : ذكر
الاقامة : cairo
السيارة: matrix
السيارة[2]: nubira
الحالة :
car-diagnostic-software-3756x1878.jpg
السلام عليكم ورحمة الله وبركاته
تحياتي اعضاء منتدى نايل موتورز
النهارده انا حابب اتكلم عن موضوع هام جدا وحبيت افيد الناس بالموضوع ده
اولا لازم تكون عارف احتياجاتك لجهاز كشف اعطال السيارات
يا ترى هيكون استخدام شخصي ولا استخدام في ورشتك؟؟
في حالة انك هتستخدمة فى الورشه لازم تحدد استخدامك للجهاز هل بتشتغل في نوع سيارات معين زي السيارات الفرنساوى
فمثلا فيشة Renault clip هتكون مناسبة جدا لسيارات الرينو وهتكفيك جدا ودي تعتبر جهاز متخصص علي سبيل المثال طبعا .
22.jpg
اما لو مركز بيقوم بالكشف على كل الموديلات هنا هتكون محتاج جهاز عام قوى في تغطية الموديلات
وده طبعا بيكون أغلى في السعر بس في بعض الاجهزة زي launchX431 pro3 بيغطى تقريبا أكتر من 95% من موديلات السيارات.
طبعا لازم تكون محدد هتحتاجه للكشف على السيارات الحديثه ولا عاوز الموديلات القديمة شوية معاه لأن مدخل الفيشة في السيارات قبل 2005 بيختلف عن اللي بعدها – تقريبا كل اللي بعد 2005 فيشه 16pin اما اللي قبلها بيكون لها فيش تانيه .
خلينا نقول لو ناوي تشتغل في كل الموديلات الجهاز اللي ذكرته launch X431pro3 بتستلم معاه كل الفيش قبل 2005 بحيث تخطى كل السيارات اللي هتتعامل معاها ,, لو بتشتغل بعد 2005 على سبيل المثال LaunchCRP229 كويس جدا في كل الموديلات اللي بتعدم مدخل 16 pin.
Auto-Diagnostics.jpg
في عامل تانى مهم جدا هو " اللغه " لو بتتعامل كويس بالانجليزي مفيش مشكلة لأنها موجوده في كل الاجهزة
أما لو بتفضل التعامل باللغه العربية فحاليا الخاصية دى موجوده في بعض الاجهزة في السوق العربى فياريت تسأل وتأكد نقطة اللغه العربية لسهوله الاستخدام .
بالنسبة للأسعار حاول تكون في مقارنه اسعار بين الاجهزة في سياق احتياجك وما تستعجلش لأن سوق أجهزة كشف الاعطال منافسيه قليلين بيكون في منافسه وعرض اسعار بينهم تقتدر تستفيد منها .
image_011-570x380.jpg
وطبعا في خطوتين مهمين جدا وهما
التدريب علي الجهاز
وخدمة ما بعد البيع
او تحديدا الدعم الفني اثناء شغلك علي الجهاز لو واجهتك مشكله بتتصل بمهندس الدعم الفني يوضحهالك وطبعا دي نقطه هتحتاجها في البداية لغاية ما تتعود علي الاستخدام .
وفي اتمنى انا اكون اضفت لكم المساعده ولو بالقليل وعرفنا اهم المعاير اللي على اساسها نقوم بشراء جهاز كشف اعطال السيارات وانا مستعد لاستجابة لأي استفسار ؟
بالتوفيق.
التعديل الأخير تم بواسطة abdullah-muh ; 04-11-2017 الساعة 11:28 AM سبب آخر: تحديث معلومات
المفضلات