+ كلم olx خد منهم الميل بتاع الراجل اللى سجل + الاي بي اللى سجل منه + كلم مباحث الانترنت بلغهم بالموضوع وابعتلهم ايميل الراجل وابعتلهم الاي بي بتاعه
لازم الحرامي يقع ف غلطه واتمني انها تكون اي تي وسهل يتعمله تتبعه ويتجاب من اي بي الجهاز اللى كان شغال عليه وقت ما عمل الاعلان بتاع العربية

اقتباس المشاركة الأصلية كتبت بواسطة khaledmega مشاهدة المشاركة
السلام عليكم
مبدائيا قدر الله ومشاء فعل ؛ بس لازم ترتب افكارك ؛ اولا لازم ترجع العربية لصاحبها علشان زمان قلبه محروق زي ما انت قلبك محروق دلوقتي ويمكن لما تعمل كده ربنا يرجعلك فلوسك ؛ ده اولا .
ثانيا لازم الظابط المعرفة ده يقف معاك بكل قوة ان شاء الله تتفق معاه على انه ياخد ربع الفلوس واعمل معاه اتفاق وقله ده شغل والشغل مفهوش كسوف ساعدني وخد الربع ؛ المهم تعالي نفكر مع بعض بصوت عالي
اول حاجة اعمل بحث برقم التليفون على جوجل وشوف النتائج اللي هتطلع على جوجل اذ ربما تطلع بمعلومة تفيدك
ثاني حاجة خلي الظابط يشوف خط التليفون ده باسم مين وان كان ده بمثابة تضيع للوقت لانه هيلاقيه خط بدون بيانات بس على الاقل يبحث يمكن يطلع منه بمعلومة مفيدة
ثالث حاجة انت قلت انك معاك صورة بطاقة النصاب ؛ لو صورة النصاب اللي فى البطاقة هي بتاعته فعلا فده فى البحث الجنائي فى المباحث يقدروا يعرفوا ده مين وتبدء المباحث خط البحث عنه والقبض عليه وطبعا بمساعدة ربنا ثم الظابط بتاعك
رابعا خلي الظابط يكشف على صورة البطاقة ويتاكد من ان البطاقة اصلا ليها بيانات فى السجل المدني ولا لا ولو ليها اتحرك ورا بيانات السجل المدني
خامسا شوف العربية دي اصلا مسروقة منين ومن امتى وشوف النصاب ده مكان ما قابلته هل قريب من مكان سرقة العربية ولا لا ؛ وخلي صاحب العربية يطلع على صورة البطاقة يمكن يكون يعرف النصاب اصلا
سادسا اسحب صورة البطاقة والعقود اللي اتكتبت على سكانر واحتفظ بيها على جهاز كمبيوتر وفلاشة وابعت الصورة لنفسك على الايميل واحفظها فى اكتر من موقع زي الميديا فايير وما شابه وانسخها كذا مرة لان ده مصدر المعلومات الوحيد اللي فى ايدك
سابعا نزل صورة البطاقة بتاعة النصاب على منتديات ومواقع كتير واعمل مكافئة للي يدلك عليه
يارب اكون قلتلك حاجة تفيدك وتساعدك ولو احتجت اي حاجة انا تحت امرك سواء هنا او على التليفون
ويارب نقولك مبروك قريب ان شاء الله