محتااااااااااااار.....يا أهل الخبره,ساعدوووني...انا تعبت

**ramyfaris** · 06-08-2007 10:15 AM

انا عاوز اشتري عربيه ياباني اوتوماتيك و1300cc
وتكون في حدود 80 الي 90الف.....محتااار بين الأربعه دول....قلت اسأل مجرب
1.هوندا سيتي......قالولى قطع الغيار وكمان تايلندي وكمان هي الأغلي

2.لانسر...........قالولي سحب الاوتوماتيك بتاعها شلللللل وبيني مابينكم انا مبحبش العربيه بتاعتي تكون مرطرطه كده زى ال128 وده غير حكايه خليجي ولا مصري واالي بيحصل فيها نصب كبيير

3.ياريس.........قاللولي دي عربيه ورق ومالهاش علاقه بتويوتا خالص واللي يشوف الاكو دلوقت يعرف حال الياريس هيبقى ايه بعد كام سنه

4.سيريون.......قاللولي واطيه عالأرض وعربيه تحسها لعبه والتابلوه بتاعها فعلا مسخره وكفايه عداد ال rpm شكله زى المنبه لكن انا منكرش انها الأرخص والأكثر كماليات يعنى زى ABS

آسف للاطاله......مع العلم انى عاوز اجيبها لابنى الشاب عنده 25 سنه
ساعدوني وجزاكم الله كل خير....وشكرا

**CosmicOne** · 06-08-2007 04:41 PM

I think the City & Lancer is ur best choice out of those
the City is even better than the lancer from inside the car but the lancer have better suspension setup i think
The lancer have Fully independent suspension with MultiLink at the rear while the City have semi independent suspension.

**hero** · 06-08-2007 04:48 PM

لو عايز اتوتوماتيك يبقي خليك في حاجة 1600 ممكن نيسان ...هي تعتبر مناسبة للمبلغ ايلي انت محددة...لكن الـ1300 اوتوماتيك دي هاتبقي صعبة قوي ...وهايبقي سحبها ضعيف جدااا

لو ممكن تجيب مانيوال يبقي خليك في حاجة ياباني احسن ..هاتوكن مضمونة واعادة بيعها سهل....والناس كلها مجرباها وعارفاها ...ياما تويوتا يا ما لانسر....

والله الموفق...

**CosmicOne** · 06-08-2007 04:57 PM

Yes i agree with hero about u can get a nissan , it's now starting with 85000L.E
also it's engine is very powerful but i heared that it's suspension is very harsh (Very Stiff)

**hazem_khidr** · 06-08-2007 05:32 PM

طالما شاب حيركبها يبقي في اعتقادي ان الياريس احسنهم :
موتور كورولا و شكلها عصري و عيبها الوحيد ان قطع غيار زي الفوانيس و الحاجات الخارجيه حتلاقيها غاليه شويه و مش موجوده غير في التوكيل و اللي يسوقها يبقي حذر علشان وشها الامامي بلاستيك و اي خبطه بسيطه فيه حتضطر تغيره.
اللانسر عربيه حلوه برضه و ممكن تجيب المنيوال بتاعها مش الاتوماتيك و بالنسبه لانها منتشره ف دي حتديك ميزه ان قطع غيارها حتبقي موجوده دايما و اسعارها رخيصه.
السيريون ما احبذهاش الصراحه في اعتقادي عربيه صغيره و غاليه علي الفاضي و شكلها بناتي اوي هيا اه فيها كماليات كتير بس ماهو سعرها يعتبر عالي برضه بالنسبه للحجم.
في حل اخر انك ممكن تششوف كورولا موديل 2005 مثلا حالتها كويسه حيبقي احسن من دا كله

**mohaismail** · 06-08-2007 06:41 PM

رايى هوندا سيتى وانت مغمض
او نيسان صنى 1600

**fahd_628** · 06-08-2007 07:00 PM

او ممكن لو حضرتك حتجيب لشاب تفكر فى البروتون جين 2

ثبات

سرعة

صاج محمل

شكل

كماليات كتيييييييييير جدا مش موجودة فى فئتها الا قليل ( 2 ايرباج فرامل ABS مع EBD و كمان Cruise control و حاجات تانية كتيير )

موتور 1600 سى سى 110 حصان مصنع فى ماليزيا بالتعاون مع لوتس ( بروتون تملك لوتس )

طبعا لوتس تدخلت فى ثبات السيارة

تابلوة شكلة جميل جدا

و خش على اللينك دة فية فيديو عن العربية حيخليك تعجب بيها اكتر

http://www.nilemotors.net/Forum/viewtopic.php?t=4487

و دة موضوع فية صور ليها من كل النواحى

http://www.nilemotors.net/Forum/viewtopic.php?t=1750

و دة تقييم اخونا سبعاوى عنها

http://www.nilemotors.net/Forum/viewtopic.php?t=2381

و اتمنى لك التوفيق

**ramyfaris** · 07-08-2007 06:06 AM

انا حيرتي زادت...........بس عايز اعرف هو نيسان اوتوماتيك بينزل منها كام موديل....وما اسعارها؟؟؟؟؟؟؟؟؟؟

**sab3aawy** · 07-08-2007 09:15 AM

نيسان اوتوماتيك فيه منها موديلين

ألأول EX صالون 1600 سى سى 118 حصان وسعرها 90 ألف وفيها فتيس اوتوماتيك وتكييف وباور وكاسيت و4 سماعات وسنتر وعداد RPM و4 زجاج كهرباء وضبط مرايات كهربا وفتح الشنطة من الداخل وانذار بريموت يشتمل على فتح الشنطة بالريموت وتسخين الزجاج الخلفى وإيرباج واحدة

الثانى سوبر صالون وسعرها 100 ألف نفس مواصفات وكماليات السيارة السابقة ولكن تزيد عنها ايرباج اضافية للراكب الأيمن وابنوس وطارة دريكسيون وفتيس وفرامل يد جلد وجنوط سبور ومكان لوضع نظارة الشمس واضاءة اضافية للصالون وفوانيس شبورة