حادثة بالفــــيــــرنـــــا

**mayki4u** · 12-12-2008 06:14 AM

يا جماعه انا شايف انه المشكله فى الاتنين الشاب و الفيرنا الاتنين محققوش المعادله اللى تخللى الانسان ماشي بعقله ولكن الناس اللى اتخبطت عربياتها دى هيتعوضو ازاى ؟؟؟؟؟ وطبعا صاحب العربيه اتشال بالاسعاف وربنا يقومه ويكون أخد عظه كويسه بس هل اصحاب العربيااااات اللى اتخبطت هتاخد حقها ؟؟؟؟
أنا عن نفسي بقول انهم مش هايخدو حاجه وفى منهم مش هيقبل التعويض عشان اللى حصل .
حد يجاوبنى( بعد ألف شر طبعا عليكو كلكو ) بس السؤال محيرنى
لو حد منكو كان صاحب اى عربيه من دول هيعمل ايه؟؟؟

**zakiali** · 12-12-2008 07:07 AM

ربنا يسترها علينا كلنا يا رب .. متهيألي الفيرنا اللي في الصوره دي هتترمي خلاص في الزباله . ربنا ينجي اللي كان سايق . بس متهيألي المقصوره مجرلهاش حاجه يعني لو كان رابط الحزام متهيألي كان ممكن يعدي . وعموما الحوادث ملهاش كبير حتي لو كنت محترف سواقه ده قضاء ربنا .. يعني انا كنت مره راكن برده في امان الله وهدخل بوابه الشغل لقيت واحد خبط فيا من ورا وشالني ونطرني كام متر قدام ودمرلي الاكصدام والشنطه وكنت هقع في الترعه من شده الخبطه .. ده تقول عليه ايه ! ؟ ربنا يطلعنا من مصر علي خير يارب .

.

**AboMaro** · 12-12-2008 08:06 AM

مع اني معنديش فيرنا وعندي دايو بس احب اقول
ان لو الفيرنا اسرع و بتسحب اسرع من الدايو على السرعات القليله فبعد ال 90 الدايو هتكون اسرع واشد بكتير
واحب كمان اقول ان الدايو فراملها اسواء من الفيرنا
وطبعا انا اخدت الدايو على سبيل المثال عشان انا راكبها و ربنا يسترها علينا جميعا من شر الطرق وشر انفسنا
المهم :
بدون صاحب الموضوع ما يزعل لانه اكيد ميقصدش
بس ياريت الموضوع ميمشيش ف اتجاه ------->ارحمينا يا فيرنا -----------> مين بيبيع الفيرنا اه المأسوف عليه يبقى نخش ف الموضوع --------->نشتم غبور
معلش سامحوني بس خلينا صرحه و حد يفهمني ايه علاقه الفيرنا بواحد داخل ف عربيه ياريس ماسح نصها بأستيكه وهو طلع لسه عايش ده المفروض يبقى شكرا يا فيرنا
.
.
معلش انا بطلب من الاداره ع الاقل تغير اسم الموضوع لاني دخلت على اساس ان فيه اكتشاف جامد بيحط حد لانتشار الفيرنا ولاقيت الموضوع بخصوص ناس اتبهدلت فيومين عيد و ناس خسرت وناس اتعورت واحنا عاوزين ايه ؟؟؟ عاوزين نسيب دول و نمسك الفيرنا
على فكره لو اديت السواق ده عربيه 127 هيجيب بيها 120 و يمكن اكتر و هيعمل حادثه انيل منها

**EslaM_NagY** · 12-12-2008 11:10 AM

المشاركة الأصلية كتبت بواسطة AboMaro

على فكره لو اديت السواق ده عربيه 127 هيجيب بيها 120 و يمكن اكتر و هيعمل حادثه انيل منها

+100000000000000000000

**Ghamrawy** · 12-12-2008 01:13 PM

المشاركة الأصلية كتبت بواسطة Tamer-Ezzat

بعيد عن الفيرنا ياريت تحدد لى اجيب 180 فى اى نقطة من الكورنيش .... أزاى .... اى منطقة تستحمل 180كم/ساعة

من بعد ملف مستشفى القوات المسلحة بسيدى جابر لحد كازينو الشاطبى لو الدنيا فاضية و الاسفلت ناشف و العربية صحتها حلوة ممكن تعدى ال 180

**M.Osman** · 12-12-2008 01:29 PM

المشاركة الأصلية كتبت بواسطة ghalasa

ياباشا و ركزت شوية هتلاقي صاح الموضوع بيقولك ان الطريق مكانش يسمح وكان فيه رمل وزلط ومش عرف ايه

لكن انا بتكلم في حادث حصل على طريق الكورنيش في اسكندرية يعني الطريق ده لو فاضي وبعيدا عن المنحيات ممكن الواحد يجيب فيه 180 لانه طريق ممهد جدا للي ميعرفش طريق الكورنيش

طيب لو جينا حسبنا القائد المتهور صاحب الحادث

طريق الكورنيش كانت الساعة 4 الفجر وكان تاني ايام عيد الاضحى وكان الكورنيش زحمة وكانت العربيات ماشية واحدة واحدة ومعدل سرعة السيارات 60 الي 80

وانا قولت انه كان مسرع جدا جدا بالنسبة للمنظر العام على طريق الكرونيش

لو قولنا انه جايب 120 وداس فرامل

فهل من الطبيعي حادثة بتلك هذا الشكل اللي موجود بالصور وعلى طريق ممهد !!!!!!

بص يا استاذ "ghalasa" ... انا مش هدخل معاك فى معركة عشان الموضوع دا.

كل اللى كنت عايز اوضحه ان الإستهتار هو السبب فى اي حال من الأحوال و معلش لو كنت فهمت انى داخل اتخانق معاك عشان انا معايا فيرنا ...:)

**Samir Elshahawy** · 12-12-2008 02:09 PM

[grade="800080 800080 800080 800080"]اللهم لا أسألك رد القضاء و لكن أسألك اللطف فيه[/grade]

**SAMER_ENGINES** · 12-12-2008 04:57 PM

المشاركة الأصلية كتبت بواسطة dr_abooody

الفرنا دة عربية مش مظبوطة
ماتور قوي + بودي خفيف جدااا + فرامل ضعيفة = عدم ثبات و حوادث

العربية دة المفروض تكون 1300 سي سي

و دايما مغرية في سواقتها
ربنا يستر علينا جميعا

ابدا الناس كلها سايقينها بدون اي مشاكل و اعرف اكتر من حد معاه فيرنا و مفيش ايم شكلة و الحمد لله بس هو اسلوب قيادة و دور و شوف علي المواقع و الفيديوهات حتلاقي حوادث اد كدة لعربيات بنشوفها في الافلام بس.

**yahyanaabil** · 12-12-2008 07:30 PM

انا يوم الوقفه شوفت مهازل فى المعموره حكايه الحوادث ديه ملهاش علاقه بفيرنا او بغيره مكان مفهوش اى امكانيه ان الواحد يجرى فيه وتلاقة كل واحد فاتح على الاخر ومقضيها والانيل من كده فيه احتمال كبير اوى انه يكون مش فايق