السلام عليكم
انا كنت بحط زيت التعاون الاحمر وبعدين غيرت لبترومين 3000 كم بقالي مرتين
وعايز احط زيت يقعد معايا اكتر من 7000 كم
في حد نصحني ب Lique moly بس خايف لانة هيبقي خفيف وممكن يتبخر
العربي ريتمو 79
ايه الانواع الكويسة
عرض للطباعة
السلام عليكم
انا كنت بحط زيت التعاون الاحمر وبعدين غيرت لبترومين 3000 كم بقالي مرتين
وعايز احط زيت يقعد معايا اكتر من 7000 كم
في حد نصحني ب Lique moly بس خايف لانة هيبقي خفيف وممكن يتبخر
العربي ريتمو 79
ايه الانواع الكويسة
خليك فى التعاون الازرق sj
2000كم
او موبيل دلفاك 3000 كم
كلما طال عدد الكيلومتر الزيت كلما قل درجة لزوجته تدريجيا
أهم قواعد اختيار الزيت الصحيح لموتور عربيتك:
- حط الزيت اللي مواصفاته مكتوبة في كتالوج عربيتك...
- جودة الزيت أهم من لزوجته..
- لو عندك كذا لزوجة في الكتالوج اختار اللي يتناسب مع طريقة سواقتك..
- كل ما كنت بتحمل على الموتور كل ما زودت اللزوجة..
- اختار الزيت اللي يناسب ميزانيتك بدون التخلي عن الشروط اللي فاتت دي..
- حاول تشتري الزيت اللي تلاقيه بسهولة في أماكن مضمونة.
من هنا نفهم إن مفيش زيت محدد يناسب كل الناس...
الصورة دي من كتالوج الريجاتا 83 (الريجاتا هي ريتمو بشنطة)...
https://nileup.com/up/uploads/nilemo...5134207371.png
من الكتالوج نفهم إن الزيت المناسب جودته API SE.. ومستوى الجودة ده أقل من كل الزيوت الموجودة في مصر دلوقتي...
تقدر تحط أي زيت مكتوب عليه SF أو SG أو SH أو SJ أو SL أو SM أو SN
يعني مبدئيا كده.. أي زيت موجود في السوق مخصص لمواتير البنزين ينفع معاك... بس ده مش كلام نهائي..
نرجع بقى للزوجة ونشوف...
حسب الكتالوج.. لزوجة الزيت الصح هي 15W-40
لو عايز تعرف معنى الكلام اللي فوق ده.. ادخل على الموضوع ده:
https://www.nilemotors.net/Nile/341680-a.html
عموما .. هاقترح عليك بعض الزيوت (اللي قدرت أوصلهم) واللي ممكن تمشي معاك حسب توصيات الكتالوج ... من الأعلى إلى الأقل في المواصفات..
زيت توتال كوارتز 5000 بلزوجة 15W-40 (مش متأكد من وجوده في مصر)..
https://compralubricantes.com/1419-t...000-15w-40.jpg
الزيت ده مواصفته أعلى من الكتالوج (API SL)
زيت مصر للبترول Misr1 SL بلزوجة 15W-40
https://encrypted-tbn2.gstatic.com/i...crqSVDk_I7Ht5U
الصورة لعبوة الـ20W-50
الزيت ده مواصفته أعلى من الكتالوج (API SL)
زيت مصر سوبر 10000 بلزوجة 15W-40
https://encrypted-tbn1.gstatic.com/i..._IA9FFOES6RaDw
الصورة لعبوة الـ20W-50
الزيت ده مواصفته أعلى من الكتالوج (API SJ)
زيوت لاستخدامات مواتير الديزل (والبنزين بردو)
مع إنها زيوت لمواتير الديزل بس تنفع مع مواتير البنزين كويس جدا..
زيت توتال RUBIA TIR 7400 بلزوجة 15W-40
https://correcambios.com/416777-larg...0-15w40-5l.jpg
http://204.92.52.209/Egypte/pdf/rubi...7400_15w40.pdf
مستوى جودته أعلى من طلب الكتالوج API CI-4/CH-4/SL
زيت موبيل دلفاك MX بلزوجة 15W-40
http://www.mobilegypt.com/Egypt-Engl...x-15w-40.aspx#
https://i2.masla74.ru/1/6944/6943088...rnoe-maslo.jpg
مستوى جودته أعلى من طلب الكتالوج API CI-4/CH-4/SL/SJ .. بس اتأكد من وجود "MX" على علبة الزيت.. وإن مواصفاته مكتوب فيها SL أو SJ... ولو ما لقيتهمش ما تشتريهوش.
وممكن تلاقي في ماركات تانية بس مش مشهورة أو منتشرة.. زي "زادو" مثلا..
المهم إن أي زيت من أي ماركة عليه نفس مواصفات الكتالوج أو أعلى زي ما شرحتلك هيمشي معاك زي الفل.
...
شكرا جدا
طيب انا اعرف ازاي الزيت يمشي معايا كام كيلو من الانواع المذكورة
من كتالوج العربية بردو...
نزل كتالوج الريجاتا 83 من هنا (ده اللي عرفت أوصل له والله)...
https://drive.google.com/file/d/0B5R...w?usp=drivesdk
في كتالوج العربية صفحة 89... مكتوب انك تغير الزيت كل 10 آلاف كيلومتر أو 6 أشهر... أيهما أقرب...
طبعا.. ده في الحالات المثالية...
إنما في الحالات الشاقة اللي كلنا عايشينها.. تغيير الزيت بيكون كل 5000 كيلومتر أو 6 أشهر... أيهما أقرب...
تاني...
مفيش حاجة اسمها زيت 2000 وزيت 3000... فيه حاجة اسمها توصيات صانع السيارة.. وهو أكتر واحد عارف العربية اللي صنعها.
ادخل هنا لو عايز تعرف أكتر...
https://www.nilemotors.net/Nile/490076-a.html
...