الايبود واللي حاصللي

**adelmagdy** · 10-12-2008 11:37 PM

اشتريت ابل ايبود من سنة ونصف من دبي ايبود نانو 4جيجا المهم اول ما جبته وقع في مياه وما نطقش بعته دبي وادوني واحد زيرو غيره المهم ده بقي اعد معايا السنة ونص زي الفل استخدامي ليه معتدل علشان معايا الموبايل 8 جيجا فمبقتش استعمله كتير المهم ان جت في يوم اشحنه مش راضي يشحن اعمله ريست ما بينطقش المهم قولت مافيش حل غير التوكييل روحتله راح مجرب يشحنه مارضيش قاللي ده لازم يتغيرله بورده بالكامل بكام يا سيدي 950 جنيه وتستني من 4 ل 6 اسابيع المهم الكلام مادخلش دماغي روحت لابل تريد لاين اللي في جامعة الدول الراجل قاللي البطارية حتعملها من 250 و300 جنيه قولتلو مش مشكلة , قاللي بس حاعرضه علي الراجل بتاع الصيانة هو بيصلي وهييجي بعد 10 دقائق المهم الراجل جه راح بص عليه قاللو لق ماينفعش نغير البطارية اصل تصميم الجهاز ان البطارية لازقة في المازر بورد ولو عايز تغير البطاريه لازم تغير البوردة يعني بالعربي لازم تغير الجهاز كله طيب يا جماعة ده كلام يعقل انا كنت جايبه من دبي ب1650 جنيه ,لو اعرف ان البطارية مبتتغيرش مكنتش جبته انا بس حبيت اقول الكلام ده علشان محدش يغلط غلطتي واللي عايز يشتري يفضل انك تبعد عن النانو او الشافل معرفش ايه النظام مع الكلاسيك او التاتش

**GoldenManEye** · 11-12-2008 09:48 AM

وازيدك من الشعر بيت،

الـIPhone نفس القصة! و البطارية مبتتغيرش إلا فى التوكيل!

**PRO-DRIVE** · 11-12-2008 10:22 AM

٩٦٠!!

اذا كان نانو chromatic الجديد ب١٠٠٠ ال٤ جيجا و ال٨ ١٢٥٠ باين

اشتري واحد جديد طبعا بدل ما تصلح دا !

**iBiZa** · 11-12-2008 11:30 AM

المشاركة الأصلية كتبت بواسطة GoldenManEye

وازيدك من الشعر بيت،

الـIPhone نفس القصة! و البطارية مبتتغيرش إلا فى التوكيل!

الiPhone مش نفس القصة, هو البطارية منفصلة عن الMotherboard بس انت ما ينفعش تفتحة من غير ما تبوظة. عشان كدة لازم تروح التوكيل هو اللى يفتحة.

**ahmedfd** · 11-12-2008 03:22 PM

أنا لسه جايب IPOD NANO Chromatic 8GB من دبي من إسبوع وقف بـ 649 درهم يعني حوالي 975 جنيه..
ربنا يطمنك

**M.Osman** · 11-12-2008 05:27 PM

فعلا ... الــiPhone نفس القصة ...

مش عارف ابل دي بتستهبل ولا ايه ؟؟

يعنى انا لو استخدامى تقيل و عايز اغير بطارية الجهاز بعد سنة مثلا لية ملاقيش منها فى اى محل او توكيل وخلاص ... لازم يعنى الجهاز يتفك !!

**TICOXX** · 11-12-2008 06:45 PM

يا راجل متستعجلش....حصلي نفس الموقف من سنة و الحل في الروابط و ادعيلي

http://www.youtube.com/watch?v=gWiGQG5-W_Q
http://www.youtube.com/watch?v=O_f0-gJgrRU

و ساعتها هتحقق اكبر استفادة من الايبود بتاعك و الف مبروك

**adelmagdy** · 11-12-2008 07:34 PM

جمدة اوي بتاعت الخلاط

**TICOXX** · 12-12-2008 01:34 AM

المشاركة الأصلية كتبت بواسطة adelmagdy

جمدة اوي بتاعت الخلاط

اختار اللي تعجبك....لكن اسأل مجرب....هوة ده حل لجهاز اللعين ده

الموضوع: الايبود واللي حاصللي

LinkBack

أدوات الموضوع

عرض

الايبود واللي حاصللي - انشر الموضوع فى :

-

-

-

-

المواضيع المتشابهه

للبيع كابل الايبود والايفون والايباد

مشكلة في توصيل الايبود

ساعدوني في الايبود تاتش !!

ارجو حل مشكلتى مع الايبود والكاسيت

كابل الايبود...مره تانيه

الكلمات الدلالية لهذا الموضوع

المفضلات

المفضلات

ضوابط المشاركة