اكون شاكر ليك جدا لو قلتلى على الاوراق المطلوبة ، بس فية ناس نصحونى انى اعمل مقاسة الاول علشان مندوب شركة التامين ممكن يخسف الارض بتمن الاصلاحات
عرض للطباعة
اضيف حاجه كمان انه مستحب ان حضرتك مستحب جدا انك تعمل محضر بالتلفيات اللي في عربيتك
انا للعلم عربيتي مخبوطة من يوم 6 رمضان تقريبا
وعملت محضر
و لحد النهارده ما روحتش التأمين
و عايز انزل الاسبوع ده بإذن الله
لو حد عنده معلومة او برضو نازل الاسبوع ده يرتب معايا ونتقابل هناك
لازم الاخطار يتقدم للجمعية في خلال 72 ساعة من الحادثة و الا مالكش حق بالمطالبة، المحضر لو حادثة كبيرة هتعدي 5 الاف و غالبا معظم الحوادث بتعدي ال 5 الاف يعني لازم محضر
ممكن الواحد يسترد باقي القسط بعد خصم نسبة المدة المنقضية من بداية الوثيقة، بس بشرط ماتكونش طالبت يعني ماتكونش استعملت التأمين من بداية الوثيقة
طيب دلوقتي انا العربية فيهاخبطة بسيطة، و بما ان حضرتك بتقول انه لازم الاخطار بعد الحادث ب 72 ساعة
ما اوديش المحضر ؟
ولا ايه ؟
ده لاني بقول لحضرتك ان المحضر كان من يوم 6 او 7 الشهر اللي فات
لو الخبطة اقل من 5 الاف مش هيطلبوا محضر اصلا، و انت طبعا في الاخطار لازم تقولهم تاريخ يكون في خلال 3 ايام م الحادث، المفروض انك اما تعمل حادثة تكلم المنتج بتاعك اللي عملك الوثيقة و تمليه الاخطار بالموبيل و هو بيقدمه، و بعدين تصوره و تخلي نسخة معاك عشان لو استهبلوا و قالولك فين الاخطار
و بعدين سيبك من الورش اللي بيتعاملوا معاهم عشان دول بيخربوا العربيات و بيسرقوا منها حاجات كمان، خليك في التوكيل
بص يا باشا لازم الاول تبلغ التأمين اللي هو اخطار الحادث يعني، و بيسالك في الاخطار هتصلح فين عشان يعرفوا العربية موجودة فين عشان يبعتوا الخبير اللي بيعاين
انت بتقولهم هصلح في التوكيل و ده من حقك غصب عنهم طالما العربية مافاتش 5 سنين ع الموديل بتاعها، و بعد ماتبلغهم بتودي العربية في التوكيل و هما بيوزعوا الاخطارات دي ع الخبراء ، و الخبير بيروح يعاين في التوكيل و ممكن يروح في نفس اليوم بعد ماتكون بلغت، او ممكن يروح بعدها، المهم العربية تكون موجودة مباشرة هناك عشان مايروحش مايلاقيهاش و ممكن يتضايق و ياخرك
و انت بقى بتتابع مع التوكيل تعرف الخبير راح ولا لسه و وافق ع الاصلاح ولا ايه ظروفه
المهم انك بتروح التوكيل بعد ماتكون عرفتهم و بتصلح الحاجات اللي الخبير بيعتمدها فقط
السلام عليكم ورحمة الله وبركاته
انا كنت كاتب موضوع في المنتدي هنا بعنوان اسوا شركة تامين في مصر عن الجمعيه المصريه وكاتب فيه تجربتي الشخصيه معاهم اللي بقالها 3 شهور والله اعلم هتخلص امتي وازاي وحسبنا الله ونعم الوكيل
اللي بيقول ان الجمعيه محترمه انا اقول له اتق الله وبلاش تضليل للناس