الحقوا الجمعية المصرية للتأمين التعاونى

**mohamed_berlitz** · 08-08-2007 10:23 AM

يا جماعة بعد السلام عليكم ورحمة اللة وبركاتة

انا يا جماعة الذى بدأ بهذا الموضوع للتذكرة
انا الحمد للة استلمت العربية خلاص و زى ماقولتلكوا انا أمنت تبع ابو غالى والوثيقة بأسم الجمعية المصرية للتأمين التعاونى, ابو غالى ذات نفسة بيتعامل معاها بنسبة 2.5% يعنى معنى كدة ان الجمعية سمعتها كويسة جدا
بس انا عايز اقولكوا حاجة مهمة قولتها قبل كدة ان اى شركة تأمين فى الدنيا سواء قطاع خاص او عام لازم يبقى وراها مصلحة من صرف التعويض ماهو التأمين يعنى مش حيديك فلوس بالساهل يعنى حيطلع عينيك لازم .بس انت لو مأمن زى ماقولت تبع مجموعة كبيرة زى مثلا ابو غالى او شركة كبيرة بيصرفوا علطول علشان دة بيبقى تعامل اعداد كبيرة فطبعا شركات التأمين تضع الاولوية للشركات الكبيرة فى صرف التعويضات لان عدد الوثائق كتييير

من الاخر يا جماعة كل شركات التأمين زى بعضها والاولوية للشركات التى تتعامل بالالاف الوثائق مع شركة التأمين دية اللى ممكن واللة اعلم طبعا تسهل فى اجراءات التعويض مقارنأ بالتعويض الفردى او الافراد الذين يتبعون الشركات الصغيرة زى المنتدى بتاعنا كدة بيتعامل مع شركة اسمها جود لايف هى شركة كويسة بس مش زى طبعا البنوك والشركات الكبيرة اللى بتخاف شركات التأمين انها تزعلها وماتصرفلهاش التعويضات المناسبة

فا يا جماعة محدش يقلق من الجمعية كجمعية زى اى شركة تأمين واللى يفكر يأمن يعتمد كليا كليا كليا على ربنا اولا واخيرا فعلا لان بجد حتى لو فى تأمين, ممكن لو انت تبع اكبر شركة فى مصر مايتصرفلكش التعويض كلة ,دة حتى ابو غالى نفسة قالى ان ممكن يلغى التعاقد مع الجمعية فى اى وقت ويبقى التعامل بتاعى مع الجمعية مباشرا
فمن الاخر سيبها على ربنا (وقل مايصيبنا الا ماكتبة اللة لنا )
انا نفسى حاطط فى دماغى انى كأنى مأمنتش ولو لقدر اللة حصل اى حاجة ربنا هو اللى حيعوضنى عن طريق بقى التأمين عن طريق رزق جالى عن طريق ان دا كان فداءا لصحتى عن اى حاجة ,انا راضى الحمد للة بما كتبة اللة لنا وربنا يستر يارب ويكفينا شر المستخبى
وشكرا

**PAYOO** · 09-08-2007 07:35 AM

أسمحولي من فضلكم أبدأ بالرد على المداخله دي الأول يا جماعة ؟

المشاركة الأصلية كتبت بواسطة Nile Heart

المفاجأه انى قبل ما أديه للمحامى قريته بنفسى ولقيت بند واضح وصريح فى صفحه 2 كما يلى:

ُثانيآ: الفصل الثانى - المسوليه المدنيه:
الحد القصى لمسؤلية الجمعيه عن اية مطالبه أو جملة مطالبات نشأت عن حادث واحد 10000 جنيه مصرى ويجوز زيادة الحد الآقصى للمسؤليه مقابل قسط اضافى

مش فاهم والله!! يعنى هو فيه حد اقصى للتعويض! و10 الف بس!! يعنى ادفع 1450 عشان حد أقصى 10 الف!؟
ده نسبه التامين على كده 14% مش 2%!!

ادى الجمعيه!

يا صديقي البند ده المقصود به الغير
يعني حضرتك لو لا قدر الله قمت بخبط عربيه تانيه وكسرتها ، عربيتك هاتتصلح من الألف إلى الياء وعربية الغير إللي أتكسرت هاتتعوض هي الأخرى بحد أقصى عشرة ألاف جنيه

===============================================

بالنسبة للموضوع نفسه والسؤال عن الجمعيه
---------------------------

أحب أوضح حاجه مهمه جدا جدا لكل الأصدقاء والزملاء أننا كإدارة لموقع ومنتدى Nile Motors زينا زيكم بالظبط
يعني مالناش مصلحه مع حد ولا لينا أي علاقه بأي شركه او مكان على الأطلاق

وبكرر تاني يا جماعه خصوصا ال الناس إللي ماتعرفناش أحنا زيكم بالظبط ناس عاديين بنحب العربيات وبنحب نخدم الناس
ولما بنلاقي مكان او أي شيئ كويس بنقول عليه على طول للناس ولو لقينا أي شيء مش كويس على طول بنحذر الناس منه وكل الناس إللي عارفانا شخصيا فاهمين الكلام ده

بالنسبة للناس إللي ماتعرفناش بأكد لهم أننا أولا واخيرا يهمنا مصلحتهم لأنهم هم أعضائنا وأصدقائنا وحبايبنا كمان

نيجي بقى للجمعية المصريه للتأمين التعاوني

أنا مش هاقول وقائع ولا قصص ولا أي شيء يضيع وقت القراء ، الجمعيه غنيه عن التعريف وسجلها فعلا من أنظف السجلات وأحسنهم على الأطلاق وبدون الخوض في تفاصيل كثيره أؤكد للجميع أننا لا نرضى لنا ولكم أي ضرر ودائما نبحث لكم عن الأفضل ولا نرضى إلا بالأفضل

لذلك كونوا مطمئنين جدا فالجمعية ممتازه واكثر من ممتازه وهذا على ضمانتنا الشخصيه وعن تجربة

والصديق صاحب الموضوع أشكره جدا جدا على أهتمامه وأريد أن اهمس له في أذنه أن كل ما تسمعه ليس بصحيح 100% وذلك ينطبق على كلمنا أيضا فنحن لا ندعي أن كلمنا ووجهات نظرنا هي الأصح ولكننا عن تجربه كبيره نحكم على الالأشياء لذلك كن مطمئن ولا تقلقل فالجمعية فعلا تستحق كل الثقة

**mohamedkikiyoyo** · 05-10-2008 10:48 AM

تحية طيبة و بعد
الحمد لله ان الدنيا لسه بخير و عموما انا سمعت اخبار سيئة جدا
عن الجمعية المصرية .
انا لسة شاري سيارة sunny و ليس لدي سوي 2000
جنيه للتأمين و ارجو الفادة عن المناسب من شركات التامين
في حدود هذا المبلغ و شكرا

**mohamedkikiyoyo** · 05-10-2008 10:52 AM

تحية طيبة و بعد
يمكن الناس مصدومة من هذه الأخبار و يوكن الناس اتعودوا علي السلبية المطلقة عموما انت ليس لك سوي نشر هذه الخبار من منطلق التحذيرو شكرا

**OlaOsman** · 05-10-2008 11:08 AM

انا برضه مأمنة معاهم بس لسه ماجربتهمش و الحمد لله.

هو ينفع أسحب فلوسي وأأمن مع حد تاني قبل انتهاء السنة؟

**ashraf122** · 05-10-2008 12:51 PM

المشاركة الأصلية كتبت بواسطة PAYOO

أسمحولي من فضلكم أبدأ بالرد على المداخله دي الأول يا جماعة ؟

يا صديقي البند ده المقصود به الغير
يعني حضرتك لو لا قدر الله قمت بخبط عربيه تانيه وكسرتها ، عربيتك هاتتصلح من الألف إلى الياء وعربية الغير إللي أتكسرت هاتتعوض هي الأخرى بحد أقصى عشرة ألاف جنيه

===============================================

بالنسبة للموضوع نفسه والسؤال عن الجمعيه
---------------------------

أحب أوضح حاجه مهمه جدا جدا لكل الأصدقاء والزملاء أننا كإدارة لموقع ومنتدى Nile Motors زينا زيكم بالظبط
يعني مالناش مصلحه مع حد ولا لينا أي علاقه بأي شركه او مكان على الأطلاق

وبكرر تاني يا جماعه خصوصا ال الناس إللي ماتعرفناش أحنا زيكم بالظبط ناس عاديين بنحب العربيات وبنحب نخدم الناس
ولما بنلاقي مكان او أي شيئ كويس بنقول عليه على طول للناس ولو لقينا أي شيء مش كويس على طول بنحذر الناس منه وكل الناس إللي عارفانا شخصيا فاهمين الكلام ده

بالنسبة للناس إللي ماتعرفناش بأكد لهم أننا أولا واخيرا يهمنا مصلحتهم لأنهم هم أعضائنا وأصدقائنا وحبايبنا كمان

نيجي بقى للجمعية المصريه للتأمين التعاوني

أنا مش هاقول وقائع ولا قصص ولا أي شيء يضيع وقت القراء ، الجمعيه غنيه عن التعريف وسجلها فعلا من أنظف السجلات وأحسنهم على الأطلاق وبدون الخوض في تفاصيل كثيره أؤكد للجميع أننا لا نرضى لنا ولكم أي ضرر ودائما نبحث لكم عن الأفضل ولا نرضى إلا بالأفضل

لذلك كونوا مطمئنين جدا فالجمعية ممتازه واكثر من ممتازه وهذا على ضمانتنا الشخصيه وعن تجربة

والصديق صاحب الموضوع أشكره جدا جدا على أهتمامه وأريد أن اهمس له في أذنه أن كل ما تسمعه ليس بصحيح 100% وذلك ينطبق على كلمنا أيضا فنحن لا ندعي أن كلمنا ووجهات نظرنا هي الأصح ولكننا عن تجربه كبيره نحكم على الالأشياء لذلك كن مطمئن ولا تقلقل فالجمعية فعلا تستحق كل الثقة

الاخ العزيز - السلام عليكم انا عربيتى اتخبطت امبارح و مأمن تبع الجمعية و مش عارف ابتدى منين يعنى اروح التوكيل الاول ولا شركة التأمين الاول ارجو الافادة سريعا

**Nour_Peugeot** · 05-10-2008 12:59 PM

كونتاكت احسن و الغالي ثمنه فيه

**mohamed10** · 05-10-2008 01:19 PM

لابد انك تعمل اخطار للحادث فى الجمعية وتستلمه مكتوب فيه اضرار الحادث وعنوان مركز التصليح الذى تريده مع تحديد المهندس المسئول عن المعاينة ثم تودى العربية للمركز والاتفاق مع المهندس المسئول عن المعاينة عن موعد زيارته لمركز الصيانة

**ashraf122** · 05-10-2008 01:25 PM

المشاركة الأصلية كتبت بواسطة mohamed10

لابد انك تعمل اخطار للحادث فى الجمعية وتستلمه مكتوب فيه اضرار الحادث وعنوان مركز التصليح الذى تريده مع تحديد المهندس المسئول عن المعاينة ثم تودى العربية للمركز والاتفاق مع المهندس المسئول عن المعاينة عن موعد زيارته لمركز الصيانة

الاخ mohamed اشكرك على الرد و معلش عندى شوية استفسارات هل الاحسن انى اروح التوكيل الاول واعمل مقايسة للاصلاح وبعد كدة اخد المحضر والمقايسة و اروح شركة التامين و معايا العربية يعملوا لها معاينة عند الشركة و بعد كدة اوديها مركز الصيانة

**دموع الثلج** · 05-10-2008 02:17 PM

المشاركة الأصلية كتبت بواسطة ashraf122

الاخ mohamed اشكرك على الرد و معلش عندى شوية استفسارات هل الاحسن انى اروح التوكيل الاول واعمل مقايسة للاصلاح وبعد كدة اخد المحضر والمقايسة و اروح شركة التامين و معايا العربية يعملوا لها معاينة عند الشركة و بعد كدة اوديها مركز الصيانة

اللى انت بتقوله لفه طويله وصعبه لان مختص المعاينه لازم يتكلم مع مهندس التصليح عشان التكلفه وطريقه التصليح ماهو التوكيل عاوز يغير اى قطعه بسيطه من مصلحته والجمعيه العكس عاوزه تصلح اى تلف اوفر لهم من التغير
الخطوات بالترتيب
الاول هتروح الجمعيه او تكلم الشخص اللى عملك وثيقه التامين وتقوله على الحادثه
تروح ومعاك صوره رخصتك ورخصه العربيه وصوره وثيقه التامين هيعملوا لك جواب اخطار وهينزل معاك واحد من بتوع المعاينه يحدد فى الخطاب التلف اللى حصل فى عربيتك
وبعدها هتروح للتوكيل او مركز صيانه تابع للجمعيه
وتقدم خطاب الاخطار ده ويقوم المهندس بفحص العربيه وعمل مقايسه للتصليح
بعدها يجى الخبير بتاع الجمعيه يعمل معاينه ما قبل التصليح ويتناقش مع مهندس التوكيل فى المقايسه دى اللى يتصلح يتصلح واللى مينفعش يتغير
تدخل بعد كده تتصلح وتتعاين مره تانى من الخبير بتاع الجمعيه بعد التصليح وتستلم عربيتك

بس فيه شويه اوراق مطلوبه لو تحب اكتبها لك