عايز اشتري عربية تصوني متبهدلنيش

**ahmedfikry1111** · 07-01-2018 06:12 PM

عايز اشتري عربية كويسة اسافر بيها واروح شغلي وفى نفس الوقت متبهدلنيش فصيانتها وتكون فحدود من 40 ل50 تقترحوا عليا ايه وانا بفكر في BMW e21 او فورد فيستا98 او بيجو 205 او رينو كليو 95

**borio1704** · 08-01-2018 01:32 PM

بس اللي حضرتك بتسأل عليهم كلهم للأسف هيبهدلوك...

عايز عربية تصونك يبقى تدور على ياباني أو كوري... وابعد عن الأوروبي تماما..

أو على الأقل تكون قطع غيار العربية متاحة في السوق بسهولة... مش كل حاجة تعوزها تجيبها استعمال.. ويا لقيتها أصلا يا ما لقيتهاش.

وبص على الحالة قبل أي حاجة تانية.. وحاول تجيب موديل حديث على قد ما تقدر.

...

**salam100100** · 08-01-2018 03:05 PM

خايف اقترح ماروتى الناس تتريق عليا

انا كان معايا ماروتى- عربيه سهله جدا فالصيانه- قطع غيار متوفره ورخيصه

يمكن للسفر مش هتكون مناسبه عشان حجمها ووزنها
ثانيا مفيهاش تكييف
غير كدا هى عربيه عمليه جدا لداخل المدينه وللبهدله

انا بيعتها عشان جبت عربيه تانيه بتكييف-

السعر دا يجيب ماروتى فال2000 مسترييح

**ahmedfikry1111** · 10-01-2018 03:31 PM

كوري او ياباني ب ب40او50 زي ايه مثلا ؟؟

**ahmed.biso13** · 11-01-2018 06:22 PM

التمبرا

أولا :تاريخ السيارة:-
بدايه جميع موديلات التمبرا والتيبو ذات فرامل ديسكات أمامية وطبلة خلفية ماعدا
التيبو 2000cc
والتمبرا 2000cc وبعض الموديلات الخاصة زي عربية هشام
ودول عبارة عن فرامل ديسكات أمامية وخلفيه

1988يونيو
بدأ انتاج الفيات تيبو 1400cc ,1600cc بنزين
و 1929cc ديزل وتربو ديزل
وهنا كان بداية استخدام الهيكل المجلفن المضاد للصدأ والذي كان عيب مزمن في عربيات فيات القديمة

1988 أكتوبر
بدأ انتاج التيبو 1700cc ديزل

1990 ابريل
نزل موديل سيليكتا في التيبو 1600 مع فتيس CVT

1990 يوليو
نزل التمبرا 1400cc , 1600cc 1800cc بنزين
وتمبرا 1900 ديزل تربو وعاده
ونزل كمان 1600cc اوتوماتيك بس كانت نادره

1991 يونيو
نزل التمبرا الاستيشن واجن وكانت 1600و1800

1991 اكتوبر
نزلت التمبرا 2000cc بموتور 2 كامه عالي الأداء وعفشة رياضية ABS وفرامل ديسكات ورا وقدام ومحفز للشكمان عشان البيئة

1992 يناير
تم تعديل تصميم بعض التيبو وتم ايقاف انتاج البعض الاخر
ونزلت تمبرا 1900 ستيشن واجن تربو
وتم ايقاف انتاج 1900 الصلون
وتم ايقاف 1400 الصالون

1992 مايو
تم ايقاف انتاج المبرا 1800cc الصالون والاستيشن

1992 يونيو
نزلت التمبرا 2000cc بس الموتور بقي انجكشن
وتم اضافه الحفاز لموديلات التمبرا 1400ccو 1600
وتم اضافه مواتير 1600 و 1400 بحقن الكتروني

1992 ديسمبر
تم ايقاف التيبو 1800 و 1600 سيليكتا

1993 فبراير
نزلت تيبو 2000cc

1993 يوليو
التيبو 1400 نزل منها 3 باب و 5 باب
والتيبو 2000 نزل منها 3 باب
ونزل تمبرا 2000 بجير اوتوماتيك ومرايات بلون العربية
وجميع اكصدامات التمبرا بكل فئاتها اصبحت بلون العربية

وكل التمبرا والتيبو تم تعديل طفيف في الشبكة الامامية مع تصغير الفوانيس الامامية شوية وتحسين عوامل الأمام واضافة قضبان حماية في الأبواب وعلبة دركسيون أكثر دقة وامان
واصبحت جميع موديلات التمبرا فيها باور وزجاج كهربائي أماكي وسنترلوك كتجهيزات أساسية

البداية للتيبو والتمبرا
1994 فبراير
نزل 1700 ديزل بكماليات اضافيه

1994 مايو
نزل 1900 ديزل استيشن بكماليات اضافيه

1994 سبتمر
تم تجهيز التمبرا بوسائد هوائيه ونظام حماية ضد الحريق عند الحوادث (لا قدر الله) واحزمة امان أكثر تطورا

1994 ديسمبر
نزل موتور 1600 حقن الكتروني متعدد النقاط بس نادر جدا

1995 مارس
نزل نظام حماية ضد السرقة (Immobilizer)

1995 ديسمبر
تم ايقاف جميع موديلات التيبو

1996 يوليو
تم ايقاف جميع موديلات التمبرا في ايطاليا
وتم متابعه انتاج التمبرا في مصر وتركيا والبرازيل حتي عام 2000

زيك يا باشا عامل اية اوعى تصدق كلام الناس بتوع التمبرا جالص هههههههههه لآ لآ لآ طبعا انا بهزر دول كلهم اخواتى و اصحابى و حبايبى بس احنا بننكش بعض بص بقى انت احسن حاجة تعملها قبل اتخاذ قرار الشراء انك تتفرج على عربية تمبرا برواقة و تجرب سواقتها طبعا لما بتيجى تشترى مش حا تعرف تتفرج و تشوف كل حاجة بالتفاصيل المملة الا لو كنت راكب تمبرا قبل كدة و عينك بتبص على الحاجات الى ممكن يكون فيها مشكلة و عموما و انت بتتفرج على العربية مثلا ما تحاولش تشوف مكان بارومة مش حا تلاقى التمبرا مش زى باقى الفيات بتصدى لآ صعب اوى اوى تلاقى بارومة فى الصاج و العربية ال 4 رفارف الامامين و الخلفين بيركبو بمسامير مش لحام تأكد ان التكيف سليم و الكهرباء سليمة يعنى العربية مش متهانة و عموما قطع غيارها معقولة أرخص من الاوبل و متوفرة و أصلى مفيش منها صينى و العفشة مش هفأ زى ما انت تخيلت حا ارفع لك بعض الصور علشان تفهم مدى قوة هذة السيارة

انا ممكن اكتب لك صفحات متعددة عن التمبرا بس حا احاول ألخص لك قدر الامكان توكل على الله و انت مغمض بس اهم حاجة تقع على تمبرا كويسة مش متهانة حا تستريح جدا جدا و صعب تغيرها و نبدأ فى الموضوع بص التمبرا أفضل الموديلات بها أولا خليك فى ال 1600 سى سى مش ال 1400 لانها أضعف كموتور و فية منها من غير كماليات اما التمبرا ال 1600 كمالياتها كالاتى تكيف و بور و 2 زجاج كهرباء أمامى و و صالون واسع جدا انا طولى 180 سنتى مش بعرف أظبط المراية اليمين الا لما بتحرك شوية على الكرسى اليمين و الكنبة الخلفية جيدة و مساحة للأقدام كويسة يعنى ركبك مش حا تخبط فى الكرسى الامامى ابدا زى الشاهين و الدوجان صوت الموتور ناعم مش زى الريجاتا حتى أنعم السحب على السريع ممتاز عاوز تجيب أكتر من 170 كيلو مثلا مفيش مشكلة و ممكن اكتر السرعة القصوى 184 كيلو بالساعة العفشة نظامها قوى جدا جدا بس ناشفة شوية التكيف لو مظبوط جيد جدا بس مش زى تكيف اليابانى و الكورى بس بالاجمال جيد الشنطة بحر مساحتها حوالى 550 لتر يعنى كبيرة الثبات فوق الممتاز العربية وزنها 1580 كيلو ايوة 1580 كيلو جرام الرقم صحيح مش مكتوب بالخطأ الموديلات الاحسن الايطالى يعنى الايطالى كان لحد تفريبا 94 او 95 بعد كدة تجميع شركة النصر للسيارات و سعر الايطالى موديل 94 ممكن يكون أغلى من موديل 98 المصرى هية كدة لو قعدت اعدد المميزات كتير جدا العيوب بقى لازم تفهم العربية كويس جدا علشان ما تكونش متعبة معاك اسعار قطع الغيار أغلى من الشاهين و الدوجان بس الميزة ان صعب تلاقى لها قطع غيار صينى او قطع غيار مضروبة كلة تركى او ايطالى او المانى اسعار قطع الغيار بالنسبة لعربية بالامكانيات دى مش خسارة ابدا فيها و بتعيش و القطعة الى بتغيرها انساها حبتين الصنايعية مش بيحبو يشتغلو اوى فيها بتاخد وقت فى تغير قطع الغيار و خصوصا العفشة لان العفشة نظام متكامل مع بعضة يعنى علشان تغير حاجة حا يفك كذا حاجة من وجهت نظر الميكانيكى دة عيب بس دة من عوامل الامان الممتازة بالسيارة و يوجد نوعين من ال 1600 سى سى كاربراتير و أنجيكشن و ما اظنش انك حا تلاقى الانجيكشن الا لو ايطالى و استيراد يعنى كانت داخلة مصر على اساس انها مخصصة للمعاقين عافاهم الله و شفاهم و دى عربيلت نمرة واحد ممكن تلاقى العربية فابريكا جوة و برة بس موضوع العربيات المعاقين دى انتهت خلاص الا لو لقيت واحدة ما عليهاش حظر بيع مش عاوز أطول عليك و لو ليك استفسار اسالة