الموضوع: قبل شراء 406

ارجو الافادة عن اكثر الاشياء التي يجيب التاكد منها قبل شراء بيجو 406 موديل 2004 ل 2006 وماهي اكتر مشاكل العربية دي ومميزاتها

شكرا جدا

السلام عليكم
انا هنقلك خبرتى البسيطة عن بيجو 406
انا عربيتي موديل 2001 المكنة السوداء وهقولك بأختصار شديد انت محتاج تعمل اية قبل شراء السيارة
1- اولا عند فتح الكبوت لاحظ وجود اى تشحيم او زيوت على المصفحة فاذا وجدت اى زيوت او تشحيم اعمل حسابك على انك هتحتاج تعمل صيانة لاحد اويلسهات الكرنك او اويلسيهات الباور ودول بيتكلفو من 500 الى 2000 جنية فهتخصمهم لو قررت تجيب العربية
2- صوت الموتور لازم يكون ناعم جدا لدرجة غير مسموعة اى موتور هتسمع منة صوت نحرة او غيرها متاخدش العربية
3- افتح غطاء قربة الريديتر وشوف المية لو لقيتها مصدية فده معناه ان صاحبها كان مهمل في الصيانات واعمل حساب انك هتصرف شوية علشان تعوض الاهمال دة
4- بعد استقرارك على العربية افحصها على كومبيوتر وتأكد ان مفيش اى حساس ملغى وكمان تأكد من حرارة العربية وقت ما تقف بعد المشوار دة وانت بتجربها
بالنسبة لباقة الامور فهو الكشف على الوضع الطبيعي
1- الكشف على الصاج والرش
2- الكشف على كبس المكنة بسد الشكمان اثناء التدوير و تشوفة هيجيب دخنة بيضا خفيفة بعدها ولا لأه
3- الكشف على الفتيس بناء على نعومة نقلاتة بالضغط خفيف جدا جدا على بدال البنزين و التاكد انة بينقل بهدوء مثلا عند ار بي ام 2.5

العربية دي من العربيات التحفة و اللى مش بتتكرر كتير ولكن في حالة سوء الاختيار هتعذبك شوية في الصيانات وهتكلفك
مصنعية العربية دى عند المكيانيكية مرة ونص مصنعايت العربيات التانية
وراجع على اسعار قطع لاغيار من المواضعين التانية علشان متتفاجئش

بالتوفيق