عايز أضع اكصدام metal على البيكانتو

**germansheepard** · 11-12-2008 02:46 PM

حد يعرف فين احط اكصدام معدن ع البيكانتو يا جماعة
الحك بتاع الاكصدام بيزعلنى أوى عشان الاكصدام ملون
انا محتاج مساعدة جدا,و عايز اعرف عند مين و هيكلفنى كام
شكرا

**Ahmed Selim** · 11-12-2008 03:07 PM

أنا معرفش بس هيبقى مخالف وهيقرفوك عليه فى كل لجنة

**mecho_392** · 11-12-2008 05:03 PM

انا علشان كده ناوى اجيب البيكانتو الهاف ان شاء الله علشان منزلش الاقى الاكصدام محكوك كل يوم و يتحرق دمى. لو تحب تركب الاكصدامات هتلاقيها فى شارع دمشق انا كنت مركب اكصدام التيريوس القديمه على Daihatsu Mira 97 من زمان... بس اعتقد معظم الاكصدامات دلوقتى بتاعة الماتريكس و التيريوس الجديده و مش هيبقوا كويسين للبيكانتو علشان الشكل الجديد مكعبر قوى من قدام... بس فى واحد فى المنتدى عمل اكصدامات للسوزوكى التو عند واحد ممكن تشوف فى اللينك دا
http://www.nilemotors.net/Nile/showthread.php?t=43387
بس موضوع الاكصدام ده خلى بالك بيقرف قوى لازم تفكه و انت بترخص و على طرق سفر معينه علشان محدش يقرفك... بالتوفيق إن شاء الله.

**mecho_392** · 12-12-2008 12:44 AM

المشاركة الأصلية كتبت بواسطة shery103

انا اكتشفت فعلا ان الاكصدام بتاع الهاف اوبشن احسن

عشان مش بيبان فيه الحك ، انا ياما دخلت فى طوب و عواميد وانا بركن و مش باين فيه اى حاجة ، لو كان بلون العربية كان زمانه اتبهدل

كنت عايز رأيك لو سمحتى فى العربيه هل بتتنطط كتير زى ما كل الناس بيقولوا

ولا حضرتك ليكى رأى تانى انا قرأت فى مشاركه ليكى انها افضل من الفيرنا هل عفشتها حلوه و مريحه ولا الفيرنا افضل مع انى ناوى %100 ان شاء الله اجيبها و بحبها جدا بس مش عارف ليه بسأل يمكن علشان مجربتهاش خالص.. آسف للاطاله.
شكرا

**shery103** · 12-12-2008 02:53 PM

المشاركة الأصلية كتبت بواسطة mecho_392

كنت عايز رأيك لو سمحتى فى العربيه هل بتتنطط كتير زى ما كل الناس بيقولوا

ولا حضرتك ليكى رأى تانى انا قرأت فى مشاركه ليكى انها افضل من الفيرنا هل عفشتها حلوه و مريحه ولا الفيرنا افضل مع انى ناوى %100 ان شاء الله اجيبها و بحبها جدا بس مش عارف ليه بسأل يمكن علشان مجربتهاش خالص.. آسف للاطاله.
شكرا

انا العربية معايا بقالها 4 شهور بالظبط ، و عاملة بيها 1500 كيلو ، صراحة العربية انا جبت بيها لحد 110 ، متنتططش خالص، و انا بشوف ثباتها حلو جدا ، و بالنسبة للفيرنا انا بشوف عفشة البيكانتو اريح بكتير من عفشة الفيرنا ، و كفاية انها مبتحكش فى المطبات خالص ، انما الفيرنا لازم تسلم على كل مطب ، و خصوصا لو محملة ، بتبقى كارثة ، زائد ان الفيرنا تقفيلها مش حلو ( عشان مصرى ) ، و ثباتها بعد ال 100 ضااااايع ( بترقص مش بتتنطط

)، بس بصراحة واطية بطريقة مش معقولة ، ببقى حاسة انى اعدة على الارض

،و كمان لانى طويلة راسى بتبقى خابطة فى السقف ، بس هى الفيرنا تكسب فى الشنطة ، لو مش لازماك الشنطة توكل على الله و هات البيكانتو و بجد مش هتندم، فعلا عربية ممتازة ، لدرجة ان اختى و والدتى نفسها ( اللى معاها فيرنا) بقو يحبو يركبو معايا عربيتى و بيسيبو الفيرنا

**mecho_392** · 12-12-2008 06:21 PM

المشاركة الأصلية كتبت بواسطة shery103

انا العربية معايا بقالها 4 شهور بالظبط ، و عاملة بيها 1500 كيلو ، صراحة العربية انا جبت بيها لحد 110 ، متنتططش خالص، و انا بشوف ثباتها حلو جدا ، و بالنسبة للفيرنا انا بشوف عفشة البيكانتو اريح بكتير من عفشة الفيرنا ، و كفاية انها مبتحكش فى المطبات خالص ، انما الفيرنا لازم تسلم على كل مطب ، و خصوصا لو محملة ، بتبقى كارثة ، زائد ان الفيرنا تقفيلها مش حلو ( عشان مصرى ) ، و ثباتها بعد ال 100 ضااااايع ( بترقص مش بتتنطط

)، بس بصراحة واطية بطريقة مش معقولة ، ببقى حاسة انى اعدة على الارض

،و كمان لانى طويلة راسى بتبقى خابطة فى السقف ، بس هى الفيرنا تكسب فى الشنطة ، لو مش لازماك الشنطة توكل على الله و هات البيكانتو و بجد مش هتندم، فعلا عربية ممتازة ، لدرجة ان اختى و والدتى نفسها ( اللى معاها فيرنا) بقو يحبو يركبو معايا عربيتى و بيسيبو الفيرنا

شكرا على الرد حضرتك خلتينى احب البيكانتو اكتررر... ما كنت بحبها و انا اصلا مش بحب الفيرنا من اساسه و فعلا عيب ان العربيه بتحك فى المطبات ده فى الفيرنا وده زى ما حضرتك قلتى لانها واطيه و مش مكفيها دا كمان بتترقص:10D5C8~1107: و الاكسنت القديمه بردوا واطيه. انا فعلا مش محتاج الشنطه خالص و ناوى اجيب الcd البرتقالى الاصلى من كوريا إن شاء الله علشان تبقى زغلله على الاخر

شكرا جدا على الرد و ربنا يحفظلك طريقك و بيكانتوهايتك