باركولي سبقت الياريس بالدبابه

**mrghost** · 13-12-2008 08:32 AM

المشاركة الأصلية كتبت بواسطة pharonicking

ههههههه يا جماعة عايزين نكبر شوية عن مواضيع سبقت وعلمت وشديت والكلام الخايب دة" خلينا نعمل حاجة مفيدة احسن ونستفيد من امكانياتنا ومجهودنا ووقتنا ونحافظ على ارواحنا وارواح الناس"
والله لو واحد تعب فى تمن العربية وقعد يحوش عشان يشتريها عمره ماكان حيعمل فيها كدة وحينزل يشيلها على كتفه ويعدى بيها المطب"
مش عشان فلوس العربية من بابا او ماما يبقى نبهدلها ونشد ونفحت بيها """الرحمة حلوة"

+1111111111111111111111111111

**KHALED AYMAN** · 13-12-2008 12:10 PM

بس يا جماعه اى واحد لما بييجى يشد مع حد او يحاول انه يقفل العداد بيكون عارف الى حصل للناس زى انه يلاقى زيت ادامه او عجله تضرب او اى حاجه بس مش بيعرف يسيطر على نفسه ولا على عربيته و بيجرى برده و يشد (مع احترامى لكل العربيات الى موجوده فى مصر فدى مش عربيات جرى اساسا و مش عارفين نسيطر على 1600 سى سى امال لو ركبنا بورش او لامبورجينى)

**hanyelwaly2010** · 13-12-2008 04:52 PM

علا فكره يا جماعه انا لما بحس فعلا ان الموضوع هيخش في الجد بهدي و دا ألي حصل انا لما طلعت الكوبري الاول و انا نازل عليه لقيت بقا العربيات ابتدت تظهر امت مهدي لغايت 70-80 و دي حدود داخل المدينه و صاحب الياريس نفس الكلام بس الطريق ده اول مره يبقا فاضي كده مكنشي فيه اكتر من 4 عربيات (الاوتوستراد)
و طبعا انا تعبت جدا علي ما جبت العربيه دي و كويس ان الموضوع دا اتعمل عشان يكون فيه واعظ للناس ألي بيشدو عمال علي بطال في الزحمه و الناس

بس الحمد لله ان الكبت ألي جوايا خلص طول السنه من الزحمه الشديده في يوم العيد و الواحد حس انو جري بالعربيه

**hanyelwaly2010** · 13-12-2008 05:02 PM

عاوز رايكم الغي هذه المشاركه و لا ممكن يكون فيها استفاده للناس من رددوتكم الحلوه

**hanyelwaly2010** · 13-12-2008 05:03 PM

عاوز رايكم الغي هذه المشاركه و لا ممكن يكون فيها استفاده للناس من رددوتكم الحلوه بعد ازن الاداره طبعا

**Ahmed Samy** · 13-12-2008 06:51 PM

المشاركة الأصلية كتبت بواسطة hanyelwaly2010

عاوز رايكم الغي هذه المشاركه و لا ممكن يكون فيها استفاده للناس من رددوتكم الحلوه بعد ازن الاداره طبعا

الرأي رأيك طبعا
بس لو ناوي تحذفها ...انا معاك

**abo_hosni** · 13-12-2008 07:12 PM

قرأت العنوان افتكرت قصدك الدبابة النصف نقل :)

طيب انت معاك أفيو، جميل. تشد مع 8 سلندر بتاع إيه يعني :d

ربنا يهدي الجميع. لو تشوف منظر الناس اللي بتيجي المستشفى في حوادث و تبعاتها. هتفكر ألف مرة قبل ما تدخل في مغامرة مش محسوبة. بعدين ربنا يسترها علينا لأنك مش ضامن الطريق ولا الكاوتش ولا عربيتك ولا الناس اللي معاك على الطريق برضه

**KHALED AYMAN** · 13-12-2008 10:29 PM

طبعا الرأى رأيك لانك صاحب الموضوع بس انا شايف انك تسيبه عشان الناس تتعظ منه.
انا هقول حاجه عشان الناس تبطل جرى شويه.4 اصحابى كانو فى اسكندريه يوم الوقفه بعربيتين اسبرينزا و 128 المهم و هم راجعين من على طريق دفره كفى الزيات كانو بيشدو مع بعض و ماشين بتاع 110 و مع ان الى سايقين العربيتين حافظين الطريق صم بس انشغلو مع بعض بالشد و فى طلعه كوبرى و مش شايفين حاجه طلعو الكوبرى لقو عربيه مقطوره بيلف بالعرض بتاع الاسبرينزا فلت و عدا و لكن بتاع ال 128 ملحقش و دخل تحت النقل .
الاصابات:الى سايق ال128 رجله اتقطمت نصين و دراعه اتجبس و هيركب فيهم شاريح و مسامير .
الى جمب الى سايق جاله ارتجاج فى المخ و مش عارف ابوه ولا فاكر اصحابه و مفكر انهم كانو فى خناقه و مصمم انه يضرب الى ضربوه.
التالت و ده فى دفاع جوى جاله كسر فى الحوض و نقلوه مستشفى القوات المسلحه و احتمال يرفدوه من الكليه او يعملوله اعاده تأهيل.
طبعا لصاحب الموضوع الحق الكامل فى حذفه .
متشدش تانى مع حد بقى عشان ميحصلكش حاجه.

**Samir Elshahawy** · 13-12-2008 11:10 PM

بس الحمد لله ان الكبت ألي جوايا خلص طول السنه من الزحمه الشديده في يوم العيد و الواحد حس انو جري بالعربيه

[grade="800080 800080 800080 800080"]سيدي الفاضل .. لو عايز تجري بالعربية و تجريها شوية ممكن تطلع علي طريق سريع خارج القاهرة مثل ( القطامية - العين السخنة , طريق السويس , طريق الاسكندرية الصحراوي ) و برضه من غير ماتشد مع عربيات تانية و يكون هدفك تزود السرعة لحد 120 كم/ساعة أو بالكتير 140 كم/ساعة و لمدة مش كبيرة و بشرط يكون الطريق فاضي أو مافيهوش عربيات كتير و كمان تخلي بالك من الرادار

أنا شخصيا كنت ساعات اطلع طريق العين السخنة لحد البوابة و ألف و أرجع علي سبيل التجربة و أختبار العربية و في نفس الوقت أطلع كبت الزحمة و تراكماتها علي و علي العربية

لكن نصيحة بلاش الجري عمال علي بطال داخل المدن و ربنا يسترها معاك و معانا جميعا[/grade]