دعوة للاشتراك فى دورة اسعافات اولية لاعضاء الموقع

السلام عليكم و رحمة الله و بركاته

من كام يوم كريم منير اثار موضوع مهم خاص بالاسعافات الاولية و جهل الناس فى الشارع و تعاملهم بعدم احترافية مع المصابين فى الحوادث, الامر اللى بينتج عنه مضاعفات اكتر من مساعدة للمصاب

و كان نادر نبيل برده سئل على الدورة دى, ففكرت ليه مندعوش اعضاء الموقع كلهم اللى معندوش خلفية عن الموضوع ده للاشتراك فى الدورة دى.

مبدئيا الدورة دى حاجة مهمة جدا جدا, و لا يمكن يا جماعة تتخيلوا كم الاستفادة و المعلومات اللى هتتعرفوا عليها من خلال الدورة, و مش هقولك انت ممكن تنقذ حد فى الشارع او حاجة, انت ممكن تحتاجها مع اقرب الناس لك, اخوك, والدك, زوجتك,الخ.....

الدورة دى مدتها عشرة ايام, كل يوم 3 ساعات. جزء منها نظرى و جزء عملى على عرايس (stimulation) فى القصر العينى

هما بيفتحوا مجموعة من حد ادنى 100 شخص, لكن بعد اما سألت هما ممكن يفتحوا مجموعة للاشخاص اللى ملهومش علاقة بالمجال الطبى (non-medicals) بس يبقى عدد كويس مش شرط 100 و تبقى لاعضاء الموقع و معارفهم. يعنى ممكن تجيب اصحابك فى الشغل, اخوك, والديك, زوجتك, علشان تبقى الفايدة تعم على الجميع

بما ان الدورة مقتصرة على اعضاء الموقع, فمن الممكن اختيار ميعادها كمان, علشان فى ناس كتير بيبقى عندها شعل مثلا و صعب تيجى الصبح بدرى, فممكن مثلا تتعمل من 4 الى 7 مساء

الدورة بتشتمل على حاجات كتير جدا زى الغرز, اعطا الحقن, التغيير على الجروح, كيفية اعطاء الادوية, التعامل مع الحروق و الحوادث و الكسور, ده غير طبعا التنفس الصناعى و ال CPR

تكلفة الدورة 65 جنيه للطلبة (يجيب ما يثبت, زى كارنيه الكلية) و 100 جنيه للخريج

بجد شكرا ليك يا معاذ على تعبك..
انا أول واحد هسجل اسمي .. و هقول لأصحابي عليها كمان

نادر باشا

لا شكر على واجب

بس اما حد من اصحابك يبقى عاوز يسجل, اكتب اسمه علشان نعرف العدد وصل لكام

و ادي واحد اهو كمان
كده بقينا 3

أنا كمان بس بشرط تكون مش قبل الساعة 6

جزاك الله خيرا يا معاذ :)

وانا وانا وانا

وانا لو بعد 6 وانا في اخر مصر الجديدة في النزهة
يعني لو هاتبدتدي 7

زود 4 كمان من عندي.

يعنى يا كريم متقدرش تخلص بدرى شوية انت و حفناوى لمدة 10 ايام؟

والله يا معاذ أنا أقصى طموحى 6 رغم نى بكون فى شغلى من 7.30 الصبح بس يوم ما أمشى بدرى هامشى 5.15 من المهندسين على ما أوصل القصر العينى يادوب ف 6 ده آخرى :)

كريم بقى هو يقولك ظروفه إيه

انا برضة معاكوا بس من الساعة 6 زى الحفناوى بالظبط بشتغل فى المهندسين وبخلص بالعافية 5.15 ويارب دة يتناسب معاكوا

انا معاكم بعد الساعه 6 مساء
و كنت عايز اعرف العشر ايام بيكونوا متصلين ولا ممكن علي دفعات 5 من الاحد للخميس و 5 من الاحد و الخميس اللي بعده
و لو ابتدينا في رمضان حتكون المواعيد ايه

I'm In.

انا كلمتهم النهاردة

هيردوا فى خلال يومين عن الحد الانى لفتح مجموعة خاصة بالموقع, و اقصى ميعاد يقدروا يبدأوا فيه

المكان غالبا هيبقى فى مرجات جامعة القاهرة فقط, القصر العينى دى لل medicals بس

و هتقولى ال content بتاعت الدورة

بس فى معلومة هى قالتها, انهم بيتفقوا مع شركات و مؤسسات و يعملوا دورة لموظفيها, فى المكان اللى يناسبهم, المعلومة دى ممكن تبقى مفيدة للناس اللى بتشتغل

اقتباس:

---

و كنت عايز اعرف العشر ايام بيكونوا متصلين ولا ممكن علي دفعات 5 من الاحد للخميس و 5 من الاحد و الخميس اللي بعده
و لو ابتدينا في رمضان حتكون المواعيد ايه

---

المواعيد هتبقى تقريبا من الاحد للخميس, لمدة اسبوعين

يستحسن تعمل الدورة قبل رمضان, او بعده, لأن الوقت فى رمضان بيقى مزنوق جدا

غير كده الدورة دى لأعضاء الموقع, يعنى ممكن اختيار تاريخ بدايتها, و المواعي و كل حاجة

بس خلوا بالكم يا جماعة احنا بنتكلم فى 30-40 واحد علشان هما فى الاصل بيفتحوا مجموعة قوامها 100 فرد

عايز اقولك انا شغلي في اخر النزهة الجديدة عند السندباد
وبخلص بين 5:30 و 6
وحسب غزالة مديري
وعشان اجي لجامعة القاهرة عابرا محنة 6 اكتوبر مش هاجي قبل 7
اعتقد انا اوت

اقتباس:

---

وعشان اجي لجامعة القاهرة عابرا محنة 6 اكتوبر مش هاجي قبل 7
اعتقد انا اوت

---

استنى لما يردوا بكرة و نعرف ممكن يبدأوا الساعة كام

و بما انك عند السندباد انت ممكن تاخد الدائرى و بعد كده المنيب هتوصل جامعة القاهرة بالكتير فى نصف ساعة