رد على: السيارات الصيني. . . .لمـــاذا (تقرير صحفي)

**TheInfernal** · 11-12-2008 04:52 PM

أنا كنت كتبت الرد ده في منتدى تاني بس حبيت برضه أشوف وجهات النظر هنا.
ردا على:
https://www.nilemotors.net/Nile/33220-a.html

1) باعتراف المختبرين نفسهم, انك تخبط عربية ماشية على 64 كم في الساعة في حيطة خرسانية ده اختبار مش بسيط و لا سهل, و لو كان "بسيط" و "سهل" مكنش الاتحاد الأوروبي استعمله كمقياس لمدى أمان العربيات قبل ما يسمح بدخولها.
2) الBrilliance BS4 هي عربية واحدة وسط مليون عربية صيني تانية و بالتالي مينفعش نعمم.
3) فيه عربيات صيني موجودة في مصر و حصلت على تقديرات كويسة زي الBYD F3 اللي جابت 3 نجوم من 5:
http://www.youtube.com/watch?v=7BMwe3RYpUY
4) فيه عربيات من شركات محترمة جدا و منتشرة في مصر زي الChevrolet Aveo (اللي مفروض تحديث اللانوس اللي بقالها معانا 10 سنين) تقديراتها هي كمان سيئة جدا:
http://www.euroncap.com/tests/chevro..._2006/250.aspx
5) اللادا اللي احنا فاكرينها جامدة و بتستحمل شوفوا عملت ايه في الاختبار:
http://www.youtube.com/watch?v=erJtIM5r7KE
6) حتى الشاهين اللي الناس طالعين بيها السما هنا اتمنعت في بلد منشأها الأصلية (تركيا) عشان مكنش فيها أدنى معايير الأمان. الكلام ده مقتبس من wikipedia:

و أرجو ان محدش ياخد الموضوع ده بصورة شخصية. أنا بس حبيت أوضح الرأي الآخر.

**ahmed1981** · 11-12-2008 09:50 PM

بالتأكيد مسألة إختبارات التصادم مسألة نسبية
وفي المقابل لها سعرها
ومقابل ما تحصل السيارة على نجوم في إختبارات السلامة مقابل زيادة في سعرها وتكلفتها
ولو كانت المسألة بنجوم الأمان لكنا إشترينا كلنا سيارات فولفو

فلا مانع من أن يكون للمشترى فكرة مسبقة عن إختبارات الأمان لكن كلها متعلقة بحساب السعر

لذلك فلا مانع من أن أشتري سيارة لم تحصل على أي نجوم في إختبارات الأمان طالما أن سعرها منسب لي

**TheInfernal** · 13-12-2008 07:29 AM

المشاركة الأصلية كتبت بواسطة ahmed1981

بالتأكيد مسألة إختبارات التصادم مسألة نسبية
وفي المقابل لها سعرها
ومقابل ما تحصل السيارة على نجوم في إختبارات السلامة مقابل زيادة في سعرها وتكلفتها
ولو كانت المسألة بنجوم الأمان لكنا إشترينا كلنا سيارات فولفو

فلا مانع من أن يكون للمشترى فكرة مسبقة عن إختبارات الأمان لكن كلها متعلقة بحساب السعر

لذلك فلا مانع من أن أشتري سيارة لم تحصل على أي نجوم في إختبارات الأمان طالما أن سعرها منسب لي

أنا لازم أختلف معاك. احنا كمسلمين لازم ناخد بالأسباب, مش نجيب عربية ممنوعة في الدول الأوروبية عشان غياب الأمان فيها و بعدها نقول سيبها على الله...

**ahmed1981** · 13-12-2008 04:38 PM

المشاركة الأصلية كتبت بواسطة TheInfernal

أنا لازم أختلف معاك. احنا كمسلمين لازم ناخد بالأسباب, مش نجيب عربية ممنوعة في الدول الأوروبية عشان غياب الأمان فيها و بعدها نقول سيبها على الله...

كلام جميل جداً ينقصه شيء واحد أن يوضع في موضعه الصحيح

ربنا أمرنا نعمل بالأسباب لحماية انفسنا
لكن تعمل بالأسباب على مقدرا ما تملكه من مال

طبعاً أعظم الأسباب للحصول على آمن سيارة هو إنك تشتري فولفو زيرو وهي أعلى أمان لسيارة في العالم
يا ترى حضرتك عندك فولفو ؟؟؟؟
ربنا يباركلك فيها

طيب لو واحد معهوش فلوس يشتري الفولفو السويدي ولا يقدر يجيب سيارة ألماني ولا أوروبي ولا ياباني ولا حتى كوري أو هندي
إيه مقترحات سيادتك يمشي حافي أحسن عشان ميقعش في حرمانية الأخذ بالأسباب
لعلمك أسوأ السيارات الصينية أمان هي أفضل في معامل أمانها من سيارة زي الشاهين مثلاً

في النهاية هيشتري صيني وأمره لله ومد لحافك على قدر رجليك

مينفعش نعمم فكر الترف على كل الناس من كل المستويات وكإن أي واحد رايح يشتري سيارة هو مليونير وبينقي السيارة بنجوم الأمان الي حصلت عليها في إختبارات التصادم وطبعاً هو هيدفع أقصد هيغرف وياخد العربية

لا طبعاً

في واحد محتاج عربية عشان يعف نفسه وأهله من بهدلة المواصلات ومعهوش إلا مبلغ يدوب يجيب صيني مينفعش حضرتك تحرمه عشان مبدأ لا يصلح تطبيقه إلا لأصحاب الملايين في حال أنهم قبلوه

**M.Osman** · 13-12-2008 11:07 PM

المشاركة الأصلية كتبت بواسطة ahmed1981

في واحد محتاج عربية عشان يعف نفسه وأهله من بهدلة المواصلات ومعهوش إلا مبلغ يدوب يجيب صيني مينفعش حضرتك تحرمه عشان مبدأ لا يصلح تطبيقه إلا لأصحاب الملايين في حال أنهم قبلوه

..... و الصين بتلعب عالنقطة دى ... عالأقل فى العربيات الصينى التعبانة مش البرليانس يعنى

**koki99us** · 15-12-2008 05:05 PM

المشاركة الأصلية كتبت بواسطة ahmed1981

كلام جميل جداً ينقصه شيء واحد أن يوضع في موضعه الصحيح

ربنا أمرنا نعمل بالأسباب لحماية انفسنا
لكن تعمل بالأسباب على مقدرا ما تملكه من مال

طبعاً أعظم الأسباب للحصول على آمن سيارة هو إنك تشتري فولفو زيرو وهي أعلى أمان لسيارة في العالم
يا ترى حضرتك عندك فولفو ؟؟؟؟
ربنا يباركلك فيها

طيب لو واحد معهوش فلوس يشتري الفولفو السويدي ولا يقدر يجيب سيارة ألماني ولا أوروبي ولا ياباني ولا حتى كوري أو هندي
إيه مقترحات سيادتك يمشي حافي أحسن عشان ميقعش في حرمانية الأخذ بالأسباب
لعلمك أسوأ السيارات الصينية أمان هي أفضل في معامل أمانها من سيارة زي الشاهين مثلاً

في النهاية هيشتري صيني وأمره لله ومد لحافك على قدر رجليك

مينفعش نعمم فكر الترف على كل الناس من كل المستويات وكإن أي واحد رايح يشتري سيارة هو مليونير وبينقي السيارة بنجوم الأمان الي حصلت عليها في إختبارات التصادم وطبعاً هو هيدفع أقصد هيغرف وياخد العربية

لا طبعاً

في واحد محتاج عربية عشان يعف نفسه وأهله من بهدلة المواصلات ومعهوش إلا مبلغ يدوب يجيب صيني مينفعش حضرتك تحرمه عشان مبدأ لا يصلح تطبيقه إلا لأصحاب الملايين في حال أنهم قبلوه

بارك الله فيك يا باش مهندس ....بدون تعليق

**TheInfernal** · 16-12-2008 10:23 AM

مش لازم تجيب فولفو...

السوزوكي ألتو ب44 ألف جنيه و حصلت على 5 من 6 في اختبار ال JNCAP (معمول في اليابان). هتلاقي الألتو في اول الصفحة.
http://www.nasva.go.jp/mamoru/english/2008/as105.html

الهيونداي i10 واخدة 4 نجوم من 5 في اختبار الEuro NCAP (بيتعمل في أوروبا) و سعرها 63 ألف.
http://www.youtube.com/watch?v=fia6bBcu3ac
http://www.euroncap.com/tests/Hyundai_i10_2008/323.aspx

لو عاوز صيني فيه عربيات منه كويسة زي الBYD F3 اللي واخدة 3 نجوم من 5 ب70 ألف.
http://www.youtube.com/watch?v=7BMwe3RYpUY
http://www.chinacartimes.com/2008/01...ecent-results/

بس محبكتش انك تشتري شيري (أو ما يعرف اسبرانزا) و بريليانس و الماركات دي:

ده الشيري A15 (سعرها 70 ألف).
http://www.youtube.com/watch?v=5kQGAK550LE
http://www.youtube.com/watch?v=W7VSHCgjbt0

و ده الbrilliance bs6 (أو ما يعرف هنا باسم البريليانس الجالينا و بتتباع ب140 ألف جنيه). طبعا فشل ذريع للعربية و خدت 1 من 5.
http://www.youtube.com/watch?v=-9RbZyrJQ4g

بعدها يعملوا فيديو تاني عليها يقولوا فيه انهم حسنوا الأمان, مع ان واضح من ردة العربية في التصادم ان السرعة قليلة, و ان الحيطة اللي خبطت فيها مكنتش ناشفة زي الاختبار الأول و انما هي اتكرمشت و خدت جزءء من الصدمة. يعني من الآخر هم بيضحكوا علينا.
http://www.youtube.com/watch?v=0ekxv...eature=related
و دلوقتي ينزلوا الFRV ب75 ألف و الناس تسيب العربيات المعروفة و الآمنة و تجري عليها.

أنا زي ما قلت في اول الموضوع...مش بس الصيني هو اللي مش كويس. اللادا و ال128 و الشاهين عامل الأمان فيهم أسوأ من اللي الصيني. و لكن لو فيه بديل آمن من الاتنين و بزيادة سعر بسيطة مقابل يبقى ايه المانع؟

**ahmed1981** · 16-12-2008 04:50 PM

المشاركة الأصلية كتبت بواسطة TheInfernal

و لكن لو فيه بديل آمن من الاتنين و بزيادة سعر بسيطة مقابل يبقى ايه المانع؟

هو ده الكلام
لو فيه بديل آمن والفرق في السعر بسيط ويشترط أن يكون مقدور على هذا الفرق حتى لو بسيط
أكيد الواحد يجيب الأكثر أمناً

**foxking_369** · 17-12-2008 10:24 AM

احنا بصراحه بندور فى حلقه مفرغه بين معارضين و مؤيدين العربيات الصينيه لان العربيات الصينيه دى مغامره ( بس لازم تكون محسوبه كويس ) ليها عيوبها و ليها مميزاتها- زى اى عربيه فى العالم - واللى يقدر يقوم بالمغامره دى يتوكل على الله و يشترى الصينى و يوفق اوضاعه معاها و يتعود على عيوبها و مميزاتها و اللى ميقدرش الافضل انه يدور على نوع تانى حسب امكانياته الماديه لكن اسلوب ابعد اهرب سيبك مش هيحل الخلاف دا لان الكماليات اللى فى العربيات الصينى و سعرها المناسب لفئات كتيره بيغرى اى واحد يفكر يشترى عربيه انه يجرب عربيه صينى جديده بدل المستعمل او بدل جديد بكماليات اقل.