الموضوع: مشكلة في كهرباء السيارة

السلام عليكم
أنا عندي مشكلة في كهرباء السيارة
السيارة هيونداي أكسنت 2000 1500 سي سي .. حصل مشكلة في الدينامو تسببت في تفريغ شحن البطارية و قمت بتبديله بواحد إستيراد
بعدها تم تبديل البطارية و حصل مشكلة ثانية و هي أن غالبا الآر بي إم بيعلي و يقل لوحده بدون ما أدوس بنزين أو أتحرك بالعربية و أيضا مؤشر الحرارة بيعلي .. بالإضافة إلي أنه أثناء السير بالسيارة لما بانزل بالغيارات (من الثالث للثاني أو من الثاني للأول) بلاقي العربية بتتقل قوي و سحبها مش كويس .. أثناء ذلك مؤشر الحرارة بيعلي و الأضواء الأمامية بتعلي (في حالة تشغيلها) و بعدها ينزل مؤشر الحرارة للوضع الطبيعي و كذلك الإضاءة و يرجع السحب كويس
الأهم أن البطارية باظت مرتين لغاية دلوقتي من ساعة لما المشكلة ظهرت
محاولاتي لحل المشكلة كانت في تنظيف حساس الأيدل مرتين و لكن النتيجة لم تكن جيدة .. كشفت علي الدينامو 3 مرات و دايما بيطلع سليم .. أرجو التكرم بالإفادة .. و لكم جزيل الشكر

الحمد لله تم حل المشكلة
تم تغيير الدينامو .. كان بيدي شحن عالي و لكن بطريقة مش منتظمة .. لما قيسته في الثلاث مرات السابقة كان بيصادف أنه بيدي شحن مظبوط .. لكن لما جربت أقيسه تاني لفترات أطول إكتشفت أنه بيدي شحن زايد.