أحلى حاجة في العيد هي صلاة العيد و تكبير المسلمين في المساجد بتحسسني إن لسة في أمل
عرض للطباعة
أحلى حاجة في العيد هي صلاة العيد و تكبير المسلمين في المساجد بتحسسني إن لسة في أمل
أجمد حاجة فعلا الأنتخة
انا لحد الأن مش مصدق انى بقالى 5 ايام مشتغلتش مسمعتش صوت حد من الشغل معبرتش حد منهم على الماسنجر
الواحد بيرجع بنى أدم طبيعى مش مجرد مكنة شغل×شغل
ومن أجمل الحاجات التكبير بعد كل صلاة فى المسجد
وملاحظ فعلا انى مسمعتش صوت بمبة واحدة العيد دة
لا انت ناسى حاجة اغلب الناس تسألها هتعمل ايه فى الوقفة تقولك انا معايا صباع حشيش او قرش حشيش او انا رايح اصتبح وهنعمل دماغ ولا دماغ ابوالهول
الناس فاهمة ان الحشيش بقى فيتامين وبقى عادى
لاحول ولا قوة الا بالله
اخوكم يوسف
أستاذنا الكبير سبعاوي نورلنا الموضوع،
دي أجمل حاجة فعلاً في العيد السنة دي .. السادة الكبار كلهم سافروا وتليفون الشغل مارنش ولا مرة فعلاً، متعة
- ألف سلامة والحمد لله جات سليمة (الحمد لله دي واحدة من فوايد النظارات الكتيرة)، والله مسدسات الخرز دي أكبر أذى والنصيبة العيد ده لقيتهم طوروها وسرعة الخرزة بقت أسرع وزودوا أشعة ليزر، يعني اللي مش هايتصاب بالخرزة ممكن عينه تتأذي بالليزر !
- واضح إن الشكوى عامة من موضوع الذبح في الشارع وع السلالم .. ربنا يرحمنا
- والسوقة والدهماء كمان إضافة جديدة لمساوئ العيد .. فين "خفير الدرك" اللي كان صوته يهز الحارة وأي منحرف يلم نفسه
- هو العيد مايحلاش غير بزيارة الأهل
- وبمناسبة اكتشاف الرياضة الجديدة "الأنتخة" احنا نعمل الاتحاد الدولي للأنتخة وندرجها في اللايحة الأوليمبية وبكدة نضمن ميدالية أوليمبية لمصر :)
أسعدتنا مشاركتك با باشمهندس وكل سنة وانت طيب
الدم في الشوارع
القاء الفضلات على الأرصفة
اسوأ حاجة .
احلى حاجة بقى ...سريرك و لحافك .. وموبيل مقفول
تاكل و تنام و تتفرج على التلفيزيون و بسسسسسسسسسسسسسسسسسسسسسسسس سس
شعور الفضاء الذهني و لو ليوم واحد جمييييييييل