السلام عليكم
انا معايا عربية رينو لوجان اوتوماتيك 2014 الشكل القديم
انا عملت صيانة ال 80 ألف مع برازيلي من شهر وقاللى اني لازم اغير زيت الفتيس خلال اقرب وقت ممكن
ولكن مش لاقي اى معلومة عن زيت الفتيس في كتب التوكيل سواء كتاب الصيانة او كتاب العربية

المهم انا رحت لبرازيلي امبارح عشان اغير زيت الفتيس - وبعد ما فك المصفحة وبدأ ينزل الزيت طلعلي من تحت العربية وقاللى الزيت مش هيتغير
ليه؟؟ عشان فيه رايش ولو غيرنا الزيت الفتيس هيفوت وهتغير فتيس في اقل من اسبوع
طب ايه العمل يا برازيلي؟؟ امشي بيها كده بقي لحد ما الفتيس يجيب اخره
قد ايه يعني؟؟ 60 او 80 او 100 الف كيلو
انا مش فاهم حاجة!!! ممكن حد يفهمنى الله يكرمكم

وشكرا لحضراتكم