-
الصاج طري قوي قوي
كنت كالعادة بتفرج للمرة التالتة او الرابعة على العربية في معرض، و لا حظت شيء غريب، الصاج بتاع العربية طري قوي و في أماكن المفروض يكون فيها أجمد من كدة.
مثلاً الطرف الأمامي من غطاء الكابوت، طري جدا، لدرجة إني خوفت أضغط و أقفل الكابوت أحسن يطبق تحت إيدي.
الأكثر من كدة، صدر العربية نفسه، (الصاج أو المفروض الحديد اللي بيبقى الريداتير وراه على طول و قدامه الشبكة، طري لدرجة إن الواحد ممكن يتنيه بإيده.
انا فاهم إن أغلب العربيات الحديثة كدة، و بالذات لو كانت رخيصة في التمن، و لكن أعتقد إنه المفروض إن فيه حتت لازم تبقى محملة شوية أو على الأقل مسنودة بأي حاجة تقويها، نظرا لأنها بتتعرض لضغوط عادية زي ضغطت قفل الكابوت، أو شاب روش يحب يقعد هو و الجو على كبوت العربية و هكذا.
بالطريقة دي انا قررت في حالة شرائي عربية جين2 إن هاخلي معايا جيركن زيت رجوعة علشان ابقى احوط شوية على الكابوت من قدام لاجل خاطر الشباب الروش!!!
-
انا شايف ان صاج الجين اجمد من اي عربية موجودة دلوقتي جديدة في نفس تمنها
-
فعلا
العربية صاجها جامد
انا قعدت عليها و لاقيتها كويسه :)
لأ بجد بجد أصحابي معاهم العربية و صاجها كويس
الي حضرتك بتشوفها دي موديل كام
-
أولاً يا جماعة انا قلت انها سمة للعربيات الجديدة إن صاجها يكون طري و بالذات إذا كان العربية سعرها منخفض. اللي انا قصدته بالضبط هو ان في اماكن في العربية ما ينفعشي الصاج يكون فيها طري بالشكل ده و إلا يكون الوضع زي يحيى الفخراني في فيلم الكيف لما راح يعزي و هو مسطول ( إنت جاي تعزي و لا جاي تهرج... لا أنا جاي بهرج )
العربية اللي شوفتها هي جين2 2009
-
دة المعروف ان صاج الجين 2 جامد
-
هو صاجها مش جامد قووى ولا ضعيف قوى
يعنى احسن من ال لانوس والفيرنا على الاقل
-
الاعضاء الكرام
الصاج طبعا خفيف جدا لانك راكب شاهين
اذا اردت المقارنة تقارن من نفس الفاءة
الشاهين من فاءة الدبابات
تقارن بصاج المركافة و a1m1
ولا تقارن بصاج جين احنا غلابة
الصاج .7 وهو اعلي صاج نزل من 2006و2007
ومعرفش صاج 2009 كام
وفعلا الصاج طري في حتت
ودا مش عيب في العربية
انا خبط بالعربية خبطة جمدة جدا
العربية عضمها جامد جدا وفيها قدام
قضيب فلاز بشع
تحت الفبر الصاج لازم يكون طري عشان ياخد ويدي وميتنيش بسهولة والدعامات الفلاز هي ما تتحمل الصدمات
معلومة عن الشاهين
من يومين واخد صحبي ريح علي نسان علي الاول
اضرار
الشاهين
اشارة ب8 جنية
النسان
600 جنية
-
الصاج جامد فى مناطق ومناطق تانية طرى عشان الحوداث والنظام الجديد ان مناطق هشة لتاخذ الحادث الشديد لقدر الله وتقع ولا تصل للكابينة دة عشان اختبارات الحوادث الاوربية الى مرت بيها جين2 الجميلة اعرف ناس عملت بيها حادث على 180 ك والحمدالله كان رابطين الحزام والعربية بقت تمام دلوقتى وماشية زى الاول ..كمان انا بركن فى الشارع وااااتهرت وكمان عن تجربة اكثر من حادث امامى وخلفى ربنا يسترها معانا جميعا :b4_611:ملقتشتش الدنيا باظت من قدام ربنا يحميهلنا جميعا :36_1_50[1]:
ربنا يوفق
-
بمناسبة إننا اتكلمنا على الشاهين، فالشاهين ما فيهاش إكصدامات نهائي، هي بس حلية سودة فيبر ورا و قدام.
طبعا معروف إن قطع غيار الشاهين رخيصة، و حضرتك قصدت وش فانوس الاشارة اللي بـ 8 جنيه، لكني بأكد تاني إني فاهم ان صاج العربيات الجديدة كلها طري، الا طبعا العربيات الغالية قوي، زي الميرسيدس و الفولفو و خلافه، لكن كلامي كله رايح ناحية هي فين الطراوة دي؟
بمعنى إن مثلا لو الرفرف الامامي او رفرف الشنطة او حتى السقف و الباب (ما دام فيه قضبان حديد جواه )، طري دي موش مشكلة إطلاقاً. لكن انا اقصد الطراوة في حتت لازم و لابد تتعرض لاجهاد و ضغط في ظروف عادية و ما هيش ظروف حادثة و لا خبطة و لا حتى تريحة. يعني تحديدا مقدمة غطاء كابوت العربية طري جدا لدرجة ان لو واحد عادي ريح عليه بجسمه هيطبقه و هيعدي حد المرونة، يعني موش مجرد انه هيلب و يرجع تاني.
و حاجة زي دي كان ممكن تنحل ببساطة، بمجرد تزودي سيلكون حشو في غطاء الكابوت من قدام مع العضم اللي محمل عليه.
-
انا معاك فى كلامك ده, انا معايا 2008 الصاج .8 و انا شايف انه اجمد من عربيات كتييييييرلكن المناطق اللى بتتكلم عنها دى انا شفتها فى الشنطه ناحيه الفانوس الخافى لو ضغط على الصاج من فوق هتلاقيه بيزيق انا نفسى حاسس انه ضعيف شويه لاكن من الكبوت انا شايف انه جامد
Content Relevant URLs by
vBSEO 3.6.0 PL2